കൂട്ടം തെറ്റിയ പക്ഷികള്‍....

ഒടുവില്‍ ശ്വേത മേനോന് വെളിവുണ്ടായിരിക്കുന്നു

2010-12-08T15:46:00.001+05:30

പണ്ട് കാമസൂത്രയുടെ പരസ്യത്തില്‍ അഭിനയിച്ചപ്പോള്‍ അതൊന്നും മോശമല്ല എന്നായിരുന്നു നമ്മുടെ പ്രിയങ്കരിയായ അഭിനേത്രി ശ്വേത മേനോന്റെ അഭിപ്രായം. അതിനു ശേഷം ഒരുപാട് ചിത്രങ്ങളില്‍ തുണിയുടുത്തിട്ടുണ്ടോ എന്ന് സംശയം ജനിപ്പിക്കുമാറ് അഭിനയിച്ചു പുരുഷ കേസരികളുടെ ഞരമ്പിലെ രക്തപ്രവാഹം കൂട്ടിയപ്പോഴും ടിയാത്തിക്ക് ലവലേശം സംശയം ഉണ്ടായിരുന്നില്ല അതൊന്നും മോശമാണോ എന്നാ കാര്യത്തില്‍. കാരണം എന്താ..?? പടപടാ പിടക്കുന്ന ഗാന്ധികള്‍ എന്നി വാങ്ങിയല്ലേ അതൊക്കെ ചെയ്തത്. ഇതങ്ങനെ ആണോ?

എന്തായാലും ശ്വേത മേനോന്‍ താന്‍ അഭിനയിച്ച കയം എന്ന സിനിമയുടെ നിര്‍മാതാവിന്റെ മേലാണ് ഇപ്പോള്‍ കുതിര കയറാന്‍ ഒരുങ്ങിയിറങ്ങിയിരിക്കുന്നത്. സിനിമയ്ക്കായി ചിത്രീകരിച്ച രംഗത്തിന്റെ ദൃശ്യം തന്റെ അറിവും സമ്മതവും കൂടാതെ ഉത്തേജക ഔഷധത്തിന്റെ പരസ്യത്തില്‍ ഉപയോഗിക്കുക വഴി ചിത്രത്തിന്റെ നിര്‍മാതാവ് വിശ്വാസ ലംഘനം നടത്തിയെന്നാണു ശ്വേത കോടതിയില്‍ പരാതിപ്പെട്ടിരിക്കുന്നത്. ഇക്കാര്യത്തില്‍ സാങ്കേതികമായി നടി പറയുന്നത് ന്യായമാണെന്ന് പറയാതിരിക്കാന്‍ കഴിയില്ല. പക്ഷെ സിനിമക്ക് വേണ്ടി പണം മുടക്കിയ പാവത്തിന് അത് എങ്ങനെ തിരിച്ചു കിട്ടും എന്ന വേവലാതിയല്ലേ ഉണ്ടാവുക. മിക്കവാറും തിയേറ്ററില്‍ ഒരാഴ്ച തികക്കുമോ എന്ന സംശയത്തില്‍ നിര്‍മ്മിക്കുന്ന ഇത്തരം ചിത്രങ്ങള്‍ മുതല്‍മുടക്ക് തിരിച്ചു പിടിക്കുന്നത്‌ സാറ്റലൈറ്റ് അവകാശവും മറ്റു പരസ്യങ്ങളും ഒക്കെ മുഖേനയാണ്. അടുത്തകാലത്തായി മുണ്ടുകളുടെ പരസ്യം സിനിമയോടൊപ്പം നമ്മള്‍ ഒരുപാട് കണ്ടു കഴിഞ്ഞു. പിന്നെ ഇപ്പോള്‍ വിവാദമായ പരസ്യം ഉത്തേജക ഔഷധത്തിന്റെതാണെന്ന വാദം തന്നെ ശരിയല്ല എന്നാണു വാര്‍ത്തകള്‍ പറയുന്നത്. ചലച്ചിത്രത്തിന്റെയും ഉത്തേജക ഔഷധത്തിന്റെയും സംയുക്ത പ്രചാരണ ബോര്‍ഡുകളിലാണു ശ്വേതയുടെ ചിത്രമുള്ളത്. സിനിമ റിലീസ് വേളകളില്‍ പരസ്യങ്ങളുടെ ചെലവ് കുറയ്ക്കാനായി മറ്റു ഉത്പന്നങ്ങളുമായി സംയുക്ത പരസ്യം ചെയ്യുക എന്നത് പുതിയ കാര്യമൊന്നുമല്ല. ഒരു നിര്‍മ്മാതാവ് തന്റെ ചിത്രത്തിലെ ദൃശ്യങ്ങള്‍ സിനിമയുടെ പരസ്യത്തിനായി ഉപയോഗിക്കുന്നത് എങ്ങനെ തെറ്റാവും. അതോടൊപ്പം ആ പരസ്യത്തിന്റെ ചെലവ് മറ്റൊരു ഉത്പന്നവുമായി പങ്കിട്ടത് എങ്ങനെ തെറ്റാവും? ആ അതെക്കുറിച്ചൊക്കെ കോടതി തീരുമാനിക്കട്ടെ. ഞാന്‍ പറയാന്‍ പോകുന്നത് മറ്റൊരു കാര്യമാണ്.

"കുറ്റക്കാര്‍ക്കെതിരെ ഇന്ത്യന്‍ ശിക്ഷാനിയമം 403, 406 (വിശ്വാസ ലംഘനം) വകുപ്പുകള്‍ പ്രകാരവും സ്ത്രീകളെ മോശമായി ചിത്രീകരിക്കുന്നതു തടയുന്നതിനുള്ള നിയമത്തിലെ മൂന്ന്, നാല്, ആറ് വകുപ്പുകള്‍ പ്രകാരവും നടപടി സ്വീകരിക്കണമെന്നു ഹര്‍ജിയില്‍ അഭ്യര്‍ഥിക്കുന്നു. ചിത്രത്തിലെ ഒരു ഗാനരംഗത്തില്‍ നിന്നുള്ള ദൃശ്യമാണു പരസ്യത്തില്‍ ഉപയോഗിച്ചിട്ടുള്ളത്. ചിത്രത്തിലെ പ്രമേയത്തിനു യോജിച്ച വേഷമാണു താന്‍ ധരിച്ചതെന്നും അതു സന്ദര്‍ഭം മാറ്റി മോശമായ പ്രചാരണത്തിന് ഉപയോഗിക്കുകയാണുണ്ടായതെന്നും ശ്വേത കുറ്റപ്പെടുത്തുന്നു."

സ്ത്രീകളെ മോശമായി ചിത്രീകരിക്കുന്നത് തടയുന്നതിനുള്ള നിയമം പറയുന്ന ശ്വേത മേനോന്റെ ധാര്‍മികത അതി ഭയങ്കരം തന്നെ. അവര്‍ അനുവാദം ഇതുവരെ ചിത്രീകരിച്ചിട്ടുള്ള പരസ്യങ്ങളും സിനിമകളും എല്ലാം സ്ത്രീകളെ വളരെ മാന്യമായി ചിത്രീകരിച്ഛതായിരുന്നല്ലോ. കാമസൂത്രയുടെ പരസ്യത്തില്‍ അഭിനയിച്ചതിനെ ന്യായീകരിച്ച ശ്വേതയ്ക്ക് ഇതില്‍ എന്താണ് മോശമായി തോന്നിയതാവോ? ആകെ ഒരു വ്യത്യാസം മാത്രം. അനുവാദം വാങ്ങിയില്ലത്രേ? ആ ചിത്രത്തില്‍ അവര്‍ അഭിനയിച്ച ദൃശ്യം തന്നെയാണ് ഉപയോഗിച്ചതെന്ന് അവര്‍ വ്യക്തമാക്കുന്നുണ്ട്. ആ ദൃശ്യം മോശമാണ് എന്നവര്‍ പറയുന്നില്ല. പകരം അത് വേറെ ഒരു സാഹചര്യത്തില്‍ ഉപയോഗിച്ച് മോശമാക്കി എന്നാണു പരാതി. ആ ചിത്രത്തില്‍ അഭിനയിക്കാന്‍ പറഞ്ഞ പണം തന്നില്ല എന്ന് അവര്‍ ആരോപിക്കുന്നുമില്ല. സിനിമയില്‍ അഭിനയിച്ചു കാശ് കിട്ടിക്കഴിഞ്ഞാല്‍ പിന്നെ ആ സിനിമയെക്കുറിച്ചോ അതിന്റെ വിജയ പരാജയങ്ങളെക്കുറിച്ചോ ഒന്നും നടിമാര്‍ക്ക് ചിന്തിക്കെണ്ടല്ലോ. പ്രമേയത്തിന് യോജിച്ചരീതിയില്‍ മുന്‍പും വളരെ നന്നായി ശ്വേത മേനോന്‍ അഭിനയിച്ചിട്ടുള്ളത് നാമെല്ലാം കണ്ടിട്ടുണ്ട്. അതൊക്കെ വളരെ മികച്ചതായിരുന്നു എന്നായിരിക്കണം നടിയുടെ മനസ്സില്‍. ഇതുവരെയുള്ള ജീവിതം കൊണ്ട് ഉണ്ടാക്കിയ സല്‍പേരെല്ലാം ഈ ഒരു പരസ്യം കൊണ്ട് ഇല്ലാതായിപ്പോയാലോ എന്ന ആശങ്ക ശ്വേതക്കുണ്ടായത് വളരെ വളരെ സ്വാഭാവികമല്ലേ. പിന്നെ ഉത്തേജന ഔഷധത്തിന്റെ പരസ്യം മോശമാണെന്ന് പറയുന്ന ശ്വേതയുടെ അഭിപ്രായം അതിലും ഗംഭീരമായി. പണം വാങ്ങി അഭിനയിച്ച ശേഷം സ്ത്രീകളെ മോശമായി ചിത്രീകരിക്കുന്നു എന്ന് ആരോപിക്കുന്ന ഇവരുടെ ധാര്‍മികത അതിലും അതിഗംഭീരം. ആ ക്ഷമിക്കാം. ഒരു അവാര്‍ഡ്‌ കിട്ടിയപ്പോഴേക്കും ദേശീയ അവാര്‍ഡ്‌ കിട്ടാതെ പോയത് താന്‍ പുറം ചൊറിയാന്‍ പവാത്തത് കൊണ്ടാണെന്നും ചൊറിഞ്ഞവര്‍ക്ക് കിട്ടിയതില്‍ അതിശയമില്ലെന്നും ഒക്കെയുള്ള വാഗ്‌ദോരണികള്‍ തട്ടി വിട്ട മഹതിയല്ലേ.

അവര്‍ അടുത്തതായി അഭിനയിക്കാന്‍ പോകുന്നത് രതി നിര്‍വേദം എന്ന പഴയകാല ചിത്രത്തിന്‍റെ പുതിയ പതിപ്പില്‍ ആണെന്ന് കണ്ടു. അതിലും വളരെ വളരെ നല്ല ഇമെജായിരിക്കും ശ്വേതയ്ക്ക്. ഒരു പരസ്യം അവരുടെ അനുവാദമില്ലാതെ ചെയ്തെങ്കില്‍ തെറ്റാണ്. അവര്‍ തന്നെ പണം വാങ്ങി അഭിനയിച്ച സിനിമയുടെ പരസ്യത്തില്‍ അവരുടെ ചിത്രം ഉപയോഗിക്കുന്നതിനെ ചോദ്യം ചെയ്യുന്നതും ക്ഷമിക്കാം. പക്ഷെ ഒരു പരസ്യം മോശമാണെന്ന് അവര്‍ പറയുമ്പോള്‍ കഷ്ടം എന്നല്ലാതെ എന്ത് പറയാന്‍. എന്തായാലും ഇത് മോശമാണെന്ന് പറഞ്ഞ അവര്‍ തന്റെ തന്നെ മുന്‍കാല വിക്രാസുകളെ എങ്ങനെ പറയും എന്നറിയാന്‍ കൌതുകമുണ്ട്.

തങ്ങള്‍ പണം വാങ്ങി അനുവാദത്തോടെ വിട്ടാല്‍ തുണിയില്ലാത്ത പടവും നല്ലതാണെന്നും പണം തന്നില്ലെങ്കില്‍ അത് മോശമാണെന്നും ഉള്ള അവരുടെ തീരുമാനം കണ്ണുള്ളവര്‍ കാണട്ടെ, കാതുള്ളവര്‍ കേള്‍ക്കട്ടെ, ചിന്തിക്കാന്‍ ശേഷിയുള്ളവര്‍ വിവേചിക്കട്ടെ. പണത്തിനു വേണ്ടിയുള്ള അത്യാര്‍ത്തി, പണത്തിനും പ്രശസ്തിക്കും വേണ്ടി എന്തും ചെയ്യുന്ന സെലിബ്രിറ്റികള്‍, നമ്മുടെ കണ്മുന്നില്‍ എന്നും കാണുന്ന കാഴ്ചകളില്‍ പകുതിയിലധികം ഇതാണ്. കഴിഞ്ഞ ദിവസം അടിവസ്ത്രമിടാതെ പൊതു പരിപാടിയില്‍ പ്രത്യക്ഷപ്പെട്ട യാന ഗുപ്ത എന്ന ബോളീവുഡ് നടിയുടെ സത്പ്രവ്രുത്തി ഫോട്ടോഗ്രാഫര്‍മാര്‍ പകര്‍ത്തി നാട്ടുകാരെ കാണിച്ചതിന്റെ ചൂട് മാറിയിട്ടില്ല. ഇവരുടെ ഒക്കെ പ്രവൃത്തിയുടെ ഒരു പരിച്ഛേദം മാത്രമാണത്. പണത്തിനും പ്രശസ്തിക്കും വേണ്ടി വില കുറഞ്ഞ തറ വേലകള്‍ ഇറക്കുന്നവര്‍ക്കും അതിനെ ഭൂലോക മഹാസംഭവമായി വായനക്കാരിലെത്തിക്കുന്ന മാധ്യമങ്ങള്‍ക്കും നമോവാകം.

വാലറ്റം: നിര്‍മ്മാതാക്കളുടെ ശ്രദ്ദക്ക്. ഇനി സിനിമ നദികള്‍ക്ക് പണം കൊടുത്ത് തീര്‍ക്കുമ്പോള്‍ സിനിമ പരസ്യത്തില്‍ അവരുടെ ചിത്രം ഉപയോഗിക്കുന്നതിനുള്ള അവകാശം വാങ്ങാന്‍ മറക്കേണ്ട. ഇല്ലെങ്കില്‍ നാളെ ഞങ്ങള്‍ സിനിമയില്‍ മാത്രമാണ് അഭിനയിച്ചത്. അതിന്റെ പണം മാത്രമേ തന്നിട്ടുള്ളൂ എന്നൊക്കെ പറഞ്ഞു ലവളുമാര്‍ കുതിരകയറും.

പിന്നെ ഈ ബ്ലോഗില്‍ ഈ ലേഖനത്തില്‍ കൊടുത്തിരിക്കുന്ന ചിത്രങ്ങള്‍ ഒന്നും തന്നെ മോശമായിരിക്കാന്‍ ഇടയില്ല. കാരണം ഇത് ഉത്തേജന ഔഷദത്തിന്റെ പരസ്യമൊന്നുമല്ലല്ലോ. എന്താ ശരിയല്ലേ, ഒട്ടും മോശമല്ലാത്ത ചിത്രങ്ങള്‍ തന്നെയല്ലേ അവ!!!!

വാര്‍ത്തകള്‍ : മനോരമ
മാതൃഭുമി.

ചരിത്രസംഭവമായ മോഷണത്തിന്റെ തിരുശേഷിപ്പുകള്‍.

2010-12-02T21:15:00.002+05:30

പ്രിയപ്പെട്ട കള്ളന്,

അതങ്ങ് തിരികെ നല്കിയെക്കുക; മറ്റൊന്നും കൊണ്ടല്ല, ചിരി ആരോഗ്യത്തിനു നല്ലതെങ്കിലും അമിതമായാല്‍ അമൃതും വിഷം എന്നാണല്ലോ. താങ്കളുടെ ഒരു ചെറിയ കുസൃതി കണ്ട് നാട്ടിലെ ഗജകെസരികള്‍ ഇറക്കി വിടുന്ന പ്രസ്താവനകളും പത്ര വാര്‍ത്തകളും കാണുമ്പോള്‍ സഹതാപം തോന്നുന്നു. പാവങ്ങള്‍, ആ നൂറ്റാണ്ട് പഴക്കമുള്ള വസ്തുക്കള്‍ ആണ് വിഗ്രഹാരാധനയെ തള്ളി പറയുന്ന പാവങ്ങളുടെ ജീവിതത്തിന്റെ ആധാരം. അത് കൊണ്ട് മാത്രം അതങ്ങ് തിരികെ കൊടുത്തേക്കുക.

ഈ കുറിപ്പ് കള്ളന്‍ വായിക്കുമെന്നും തോണ്ടി സഹിതം കീഴടങ്ങുമെന്നുമുള്ള പ്രതീക്ഷയൊന്നും എനിക്കില്ല. എങ്കിലും പത്രങ്ങളിലെ വാര്‍ത്തകള്‍ സഹിക്കാന്‍ ഇനിയും വയ്യ. തൃശ്ശൂര്‍ എഡിഷനില്‍ മാത്രം വരുന്ന വാര്‍ത്ത ആയതു കൊണ്ട് കേരളത്തിലെ ഇതര ഭാഗങ്ങളിലെ വിശ്വാസികള്‍ക്ക് ഇത് വായിച്ചു നിര്‍വൃതി അടയാനുള്ള പുണ്യം ലഭിച്ചു കാണില്ല. ആദ്യ ദിനം മനോരമയാണ്‌ തകര്‍ത്തത്. മുന്‍പേജിലെ വാര്‍ത്തക്ക് പുറമേ സംഭവത്തിനായി ഒരു അര പേജു തന്നെ മാറ്റി വച്ചു വിശ്വാസികളെ തന്നെ അമ്പരപ്പിച്ചു കളഞ്ഞു അവര്‍. സാദാരണ പ്രമുഖ വ്യക്തികളുടെ മരണത്തിന്റെ അടുത്ത ദിവസം നിരത്താറുള്ളത് പോലെ സമൂഹത്തിലെയും സഭയിലെയും വിശിഷ്ട വ്യക്തികളുടെ അഗാധമായ ദുഖം രേഖപ്പെടുത്തലും അപലപിക്കളും ഒക്കെയാണ് മനോരമ വായനക്കാര്‍ക്കായി വിളമ്പിയത്. ഇരിങ്ങാലക്കുട ബിഷപ്പ് വിശ്വാസികളോട് സമചിത്തത കൈവിടരുതെന്ന രീതിയില്‍ ആഹ്വാനം ചെയ്തു. വിശ്വാസികളുടെ ഈ നിര്‍ണ്ണായക പ്രതിസന്ധി ഘട്ടത്തില്‍ ആരും സംയമനം കൈവിടരുതെന്നും തിരു ശേഷിപ്പുകള്‍ക്കായി പ്രാര്‍ഥിക്കണം എന്നുമാണ് പിതാവ് അരുളി ചെയ്തത്. കൂടെ അന്ന് ചേര്‍ന്ന പൊതു സമ്മേളനത്തില്‍ പൌരപ്രമുഖര്‍ തട്ടി വിട്ട പ്രസ്താവനകളും അപ്രധാനമല്ലാത്ത രീതിയില്‍ വിവരിച്ചിട്ടുണ്ട്.

സംഭവം അങ്ങനെ ഉഷാറായി. എന്നാല്‍ അടുത്ത ദിവസത്തെ (ഡിസംബര്‍ 2) പത്രം കണ്ടപ്പോഴാണ് ശരിക്കും ഞെട്ടിയത്. "പ്രതീക്ഷയോടെ വിശ്വാസികള്‍, ആശ്വാസവുമായി സമൂഹം" എന്നാണു തല വാചകം. കായിക വാര്‍ത്തകള്‍ക്ക് ശീര്‍ഷകം നല്‍കി കായിക ലോകത്തെ ഉയരങ്ങളിലേക്ക് നയിച്ചു കൊണ്ടിരിക്കുന്ന നമ്മുടെ മാധ്യമങ്ങളില്‍ നിന്നും സ്വാഭാവികമായി പ്രതീക്ഷിക്കാവുന്ന ഒരു ശീര്‍ഷകം മാത്രമാണെന്ന് വേണമെങ്കില്‍ സമാധാനപ്പെടാം. എന്നാല്‍ വാര്‍ത്ത വായിച്ചപ്പോഴാണ് തലമാത്രമല്ല, അടിമുടി മനോരമ തന്നെ എന്ന് തിരിഞ്ഞത്. അതിന്റെ തുടക്കം അതെ പടി ഇവിടെ പകര്‍ത്തട്ടെ.

"ഇരിങ്ങാലക്കുട: ആഴത്തിലേറ്റ മുറിവുമായി വിശ്വാസി സമൂഹം. ആശ്വാസ വചനങ്ങളുമായി ജനപ്രതിനിധികളും മത, സാമൂഹിക പ്രവര്‍ത്തകരും. നാടിനെ നടുക്കിയ തിരുശേഷിപ്പ് മോഷണത്തിന്റെ പിറ്റേന്ന് മാപ്രാണം ഹോളി ക്രോസ് തീര്‍ഥാടനകേന്ദ്രത്തിലേക്ക് സമൂഹത്തിന്റെ നാനാതുറയിലുള്ളവരുടെ ഒഴുക്കായിരുന്നു. യേശുവിന്റെ കുരിശു മരണവുമായി ബന്ധമുള്ള അമൂല്യ തിരുശേഷിപ്പുകള്‍ അപഹരിക്കപ്പെട്ടു എന്ന യാഥാര്‍ത്യത്തോട് വിശ്വാസികള്‍ക്ക് ഇനിയും പൊരുത്തപ്പെടാന്‍ ആയിട്ടില്ല.

തീര്‍ഥാടനകേന്ദ്രത്തോട് ചേര്‍ന്നുള്ള ഹോളി ക്രോസ് സ്കൂളിന് ഇന്നലെ അവധിയായിരുന്നു. സ്കൂളിലെത്തിയ വിദ്യാര്‍ഥികള്‍ തിരുശേഷിപ്പ് സൂക്ഷിച്ചിരുന്ന പേടകം കാണാനെത്തി. തിരുശേഷിപ്പുകള്‍ തിരിച്ചുകിട്ടാന്‍ പ്രാര്‍ഥിച്ച ശേഷമാണ് കുരുന്നുകള്‍ പള്ളിയില്‍ നിന്നിറങ്ങിയത്."

എങ്ങനുണ്ട്. പാവം കള്ളന്‍ പോലും കരുതിക്കാണില്ല ഇത്രയും ഭ്രാന്തന്മാരാണ് മനോരമക്കാര്‍ എന്ന്. ഒരു മോഷണം കൊണ്ട് മുറിവേല്‍ക്കുന്ന വിശ്വാസമാണോ യേശു ക്രിസ്തു തന്റെ അനുയായികള്‍ക്ക് പകര്‍ന്നു നല്‍കിയത്. വെറുതെയല്ല വിവേകാനന്ദന്‍ ഇവിടം ഭ്രാന്താലയം എന്ന് പറഞ്ഞത്. സ്ഥലത്തെത്തിയ പോലീസ് മന്ത്രി സര്‍ക്കാര്‍ ഇതിനെ ഗൌരവത്തോടെയാണ് കാണുന്നതെന്നും ശാസ്ത്രീയ രീതിയൂടെ തന്നെ അന്വേഷണം നടത്തുമെന്നും പറഞ്ഞതൊക്കെ വെണ്ടക്കയാക്കി വിവരിച്ചിട്ടുണ്ട് മനോരമയുടെ ലേഖനം. എന്നാല്‍ മനോരമയുടെ ലേഖഖനെക്കാള്‍ മിടുക്കന്മാര്‍ വേറെയുമുണ്ടായിരുന്നു. ലേഖനത്തിലെ രസകരമായ അടുത്ത ഭാഗം.

"മാര്‍ താഴത്തിന്റെ വാക്കുകളില്‍ ദുഖവും വേദനയും
ഇരിങ്ങാലക്കുട: മാപ്രാണം ഹോളി ക്രോസ് തീര്‍ഥാടനകേന്ദ്രത്തില്‍ നിന്ന് മോഷണം പോയ അമൂല്യ തിരുശേഷിപ്പുകള്‍ തിരിച്ചുകിട്ടിയേ മതിയാവൂ എന്ന് ആര്‍ച്ച് ബിഷപ്പ് മാര്‍ ആന്‍ഡ്രൂസ് താഴത്ത് പറഞ്ഞു. തീര്‍ഥാടനകേന്ദ്രത്തില്‍ എത്തിയ മാര്‍ ആന്‍ഡ്രൂസ് താഴത്തിന്റെ വാക്കുകളില്‍ തിരുശേഷിപ്പുകള്‍ നഷ്ടപ്പെട്ടതിലെ ദുഖവും വേദനയും നിഴലിച്ചു.

ഇവിടേയ്ക്ക് അതിഥികള്‍ ഒരുപാട് വരുന്നുണ്ട്. വന്നോട്ടെ, പക്ഷെ തിരുശേഷിപ്പ് തിരിച്ചു കിട്ടണം. ഇത് വിശ്വാസത്തിന്റെ പ്രശ്നമാണ്. ഇതില്‍ വിട്ടുവീഴ്ച്ചയില്ലെന്നും അദ്ദേഹം പറഞ്ഞു."

എങ്ങനുണ്ട്, ത്യാഗത്തിന്റെ പ്രതിരൂപത്തെ ആരാധിക്കുന്നവരുടെ മാനസികാവസ്ഥ. കഴിഞ്ഞ ദിവസം ഒരു പിതാവ് പറഞ്ഞത് സംയമനം പാലിക്കാന്‍. ഇദ്ദേഹം പിതാവിനും മേലെ ഉള്ള പിതാവായത് കൊണ്ടായിരിക്കാം കുറച്ചു കണിശമായി തന്നെ പ്രതികരിച്ചത്. ( രണ്ടു വയസ്സുകാരന്‍ നഷ്ടപെട്ട കളിപ്പാട്ടം തിരിച്ചു കിട്ടണമെന്ന് പറഞ്ഞു പിടിക്കുന്ന വാശിയാണ് ലേഖകന്‍ പറഞ്ഞ ദുഖത്തിനെക്കാളും വേദനയെക്കാളും തോന്നിയത്.) പിന്നെ ഒരു മോഷണം നടന്നതിന്റെ പേരില്‍ അവിടെ ക്രമസമാധാന പ്രശനമുണ്ടായതായി ആരും പറഞ്ഞു കേട്ടില്ല. എന്നിട്ടും സ്കൂളിന് അവധി. കുട്ടികള്‍ മനസ്സില്‍ കള്ളന് നന്ദി പറഞ്ഞു കാണും. പ്രതിപക്ഷ നേതാവും രമേശ്‌ ചെന്നിത്തലയും ഇന്ന് സംഭവസ്ഥലം സന്ദര്‍ശികുമെന്നും ലേഖകന്‍ ഭീഷണി മുഴക്കുന്നുണ്ട്‌.

എന്നാല്‍ ഇവരെ ഒക്കെ കടത്തി വെട്ടിയത് മറ്റൊരു വീരനാണ്. സാക്ഷാല്‍ കരിങ്ങോഴക്കല്‍ മാണിക്കത്തനാര്‍. അദ്ദേഹത്തിന്‍റെ വിശുദ്ദ വചനം ഇപ്രകാരമായിരുന്നു. "മത വികാരങ്ങളെ വ്രണപ്പെടുത്തുന്ന നടപടികളാണ് ഇപ്പോള്‍ ഉണ്ടായിക്കൊണ്ടിരിക്കുന്നത്. ഇത് കേരളത്തെ വേദനിപിക്കുന്നതാണ്. ഇവിടെ നിന്നും തിരുശേഷിപ്പുകള്‍ മോഷണം പോയത് വേദനാജനകവും പരതിഷേധാര്‍ഹാവുമാണ്. സാമൂഹിക വിരുദ്ദരും വിധ്വംസക ശക്തികളുമാണ് ഇതിന്റെ പിന്നില്‍."

സ്വന്തം പാര്‍ട്ടിയിലെ എം.എല്‍.എ യുടെ മണ്ടലമായത് കൊണ്ടൊന്നുമല്ല, മനസ്സില്‍ ആഴത്തിലേറ്റ മുറിവ്; അതൊന്നുകൊണ്ടുമാത്രമാണ് മാണി സാര്‍ ഇത്ര വികാരഭരിതനായത്. സംഭവങ്ങള്‍ ഇത്രയൊക്കെ ആയ നിലക്ക് എനിക്ക് കള്ളനോട് പറയാനുള്ളത് ഒന്ന് മാത്രമാണ്. ജനങ്ങളെ ഭ്രാന്തന്മാരാക്കുന്ന ആ നിധി അങ്ങ് നശിപ്പിച്ചെക്കൂ. അല്ലെങ്കില്‍ നാളെ മറ്റേതെങ്കിലും ഒരു കള്ളന്‍ ഇതെടുത്താല്‍ പിന്നെയും മുറിവേല്‍ക്കും. എം.ടിയുടെ വാചകം പോലെ മുറിവെല്ക്കാനായി വിശ്വാസികളുടെ മനസ്സ് ഇനിയും ബാക്കി എന്ന മട്ടിലാവും കാര്യങ്ങള്‍. കാരണം ഇത് വിശപ്പിന്റെ പ്രശനമല്ല. വിശ്വാസത്തിന്റെ പ്രശ്നമാകുന്നു. എന്തായാലും വിശ്വാസികലെക്കാള്‍ മുറിവേറ്റ മനോരമയോടു എന്റെ സഹതാപം അറിയിക്കട്ടെ. പിന്നെ മികച്ച ആ ലേഖകന് ഒരു കൈ. അപ്പോള്‍ ഒക്കെ പറഞ്ഞ പോലെ, പ്രിയ കള്ളാ, നീയാണ് താരം. ഇന്ന് സാമൂഹിക വിരുദ്ധന്‍ എന്ന രാന്കിലെ എത്തിയിട്ടുള്ളൂ. വിഷമിക്കേണ്ട. കാത്തിരിക്കൂ, നാളെ ആഗോള ഭീകരന്‍ എന്ന പട്ടം ലഭിച്ചേക്കാം. കാരണം ഇത് വിശപ്പിന്റെ പ്രശ്നമല്ല, വിശ്വാസത്തിന്റെ പ്രശ്നമാകുന്നു.

ബോധോദയം: എന്തായാലും പൂമൂടാനും മറ്റും പോയതിനെ വലിയ അപരാധമായി കണ്ട മാധ്യമങ്ങള്‍ ഇപ്പോള്‍ തിരുശേഷിപ്പ് സ്ഥലത്തെത്തിയതിനെ വാഴ്ത്തുന്നുണ്ടല്ലോ. ഭാഗ്യം. ക്രിസ്തു മരിച്ച കുരിശ്, കുരിശ് വഹിച്ചു നടത്തിയ പീഡാനുഭവ യാത്രക്കിടെ ക്രിസ്തുവിന്റെ മുഖം വെറോനിക്ക എന്ന ഭക്ത തുടച്ചപ്പോള്‍ രക്തത്തുള്ളികള്‍ പതിഞ്ഞ തൂവാല, ക്രിസ്തുവിന്റെ മരണം ഉറപ്പാക്കാന്‍ നെഞ്ചില്‍ കുത്തിയ കുന്തത്തില്‍ പതിഞ്ഞ രക്തം. ഇവയുടെ തിരുശേഷിപ്പുകള്‍ ആണ് മോഷണം പോയതെന്ന് പറയുന്നു. മാര്‍പാപ്പ സാക്ഷ്യപ്പെടുത്തി നല്‍കിയതാണ് ഇവ എന്ന് പറയുന്നുണ്ട്. ഇതൊക്കെ ആരാണ് സഭക്ക് ദാനം ചെയ്തതാവോ? മേല്‍ പറഞ്ഞ ഉരുപ്പടികള്‍ തന്നെയാണോ അവ, അതോ തീര്‍ഥാടനകേന്ദ്രമാക്കാന്‍ ചെയ്ത അഡ്ജസ്റ്റുമെന്‍ടോ? നല്ല വരുമാനമല്ലേ, ടൂറിസത്തെക്കാള്‍ എന്തുകൊണ്ടും നല്ലത് തീര്‍ഥാടനം എന്ന പേരിലുള്ള പരിപാടിയാണ്. ആര്‍ക്കും വരാം, ടാക്സുകാരും പരിശോധകരും ഒഴികെ. ഇനി ഉരുപ്പടികളുടെ കാര്‍ബണ്‍ ഡേറ്റിംഗ് നടത്തി നോകാനോന്നും സഭ സമ്മതിക്കില്ലല്ലോ. ആ വിശ്വാസം അതല്ലേ എല്ലാം. വിശ്വാസികളെ നിങ്ങളെ നിങ്ങളുടെ വിശ്വാസം രക്ഷിക്കട്ടെ.

ദൈവങ്ങള്‍ ബ്ലോഗ്‌ വായിക്കാറുണ്ടോ എന്നറിയില്ല. എങ്കിലും ഒരു കാര്യം പറയാതെ വയ്യ. ദൈവങ്ങളെ നിങ്ങള്‍ തങ്ങളുടെ സുരക്ഷ മനുഷ്യരെ ഏല്‍പ്പിക്കാതെ സ്വയം ഏറ്റെടുത്തില്ലെങ്കില്‍ ഇനിയും ഇത്തരം അനിഷ്ട സംഭവങ്ങള്‍ ആവര്‍ത്തിക്കുമെന്നും അത് വിശ്വാസികളെ ഭ്രാന്തന്മാരാക്കി മാറ്റുമെന്നും മുന്നറിയിപ്പ് തരട്ടെ. അതുകൊണ്ട് ഇക്കാര്യത്തില്‍ എത്രയും വേഗം ഒരു തീരുമാനമെടുത്താല്‍ നിങ്ങള്ക്ക് നല്ലത്. ഞങ്ങള്‍ക്കും. ശുഭം.

ലെയ്ക്ക എന്ന പട്ടിയും രാഹുല്‍ജിയും...

2010-11-26T16:04:00.010+05:30

ലെയ്ക്ക എന്ന പട്ടിയെ ഓര്‍മ്മയില്ലേ, ഭൂമിയുടെ ആകര്‍ഷണ വലയം ഭേദിച്ചു ശൂന്യാകാശത്തെ പുല്‍കിയ ആദ്യത്തെ ജീവി. റഷ്യന്‍ ബഹിരാകാശ വാഹനമായ സ്പുട്നിക് - 2 എന്ന വാഹനത്തിലാണ് ഇഷ്ടത്തി ചരിത്രം സൃഷ്ടിച്ച യാത്ര നടത്തിയത്. ചരിത്ര സംഭവത്തിന്റെ സ്വീകരണം വാങ്ങാന്‍ തിരിച്ചു വരാനുള്ള യോഗമൊന്നും ഈ മൂന്നു വയസ്സുകാരിക്ക് ഉണ്ടായില്ല. പേടകം വിക്ഷേപിക്കപ്പെട്ടു ഏതാനും മണിക്കൂറിനുള്ളില്‍ തന്നെ ലെയ്ക്ക കഥാവശേഷയായി എന്ന് നാസ പറയുന്നുണ്ടെങ്കിലും ലോകത്തെ സകല വിദ്യാര്‍ത്ഥികളും ഇവളുടെ കഥ പഠിക്കുന്നു. നമ്മുടെ കേരള പി.എസ്.സി പ്യൂണിനേയും തൂപ്പുകാരെയും തിരഞ്ഞെടുക്കാനുള്ള പരീക്ഷയില്‍ ഇവളെക്കുറിച്ചുള്ള അറിവും ചോദിക്കുന്നു. ഹാ എത്ര സഫലമായ ജന്മം.

ഇവളും നമ്മുടെ രാഹുല്‍ജിയും തമ്മില്‍ എന്ത് ബന്ധം എന്നാവും ആലോചിക്കുന്നത് അല്ലെ. പറയാം. അതിനു മുന്‍പ് കുറച്ചു ലോക കാര്യങ്ങള്‍ പറയാം. ലോകം എന്ന് വച്ചാ നമ്മുടെ ഇന്ത്യാ മഹാരാജ്യത്തെ ചില കൊച്ചു കൊച്ചു കാര്യങ്ങള്‍. 1947 - വരെ ബ്രിട്ടീഷുകാരില്‍ നിന്നും അതിനു ശേഷം കമ്മ്യൂണിസ്റ്റുകാരില്‍ നിന്നും വര്‍ഗീയ വാദികളില്‍ നിന്നും ഇന്ത്യയെ രക്ഷിക്കാന്‍ ഏറെ ഉഷ്ണിച്ച ഇപ്പോഴും പെടാ പാട് പെടുന്ന ഒരേ ഒരു രാഷ്ട്രീയ പാര്‍ട്ടിയെ ഈ ഭൂമി മലയാളത്തിലുള്ളൂ. ആ മഹാ പ്രസ്ഥാനത്തിന്റെ പേരാകുന്നു " ഇന്ത്യന്‍ നാഷണല്‍ കോണ്ഗ്രസ്". ചായക്കടകളില്‍ കോങ്ക്രസെന്നും ചിലപ്പോള്‍ പറയുന്നത് കേട്ടേക്കാം. അതി ബുദ്ധിമാനമാരായ ചിലര്‍ അവശിഷ്ട കൊണ്ഗ്രസെന്നും ഉമ്മന്‍ കൊണ്ഗ്രസ്സെന്നും ഒക്കെ സൗകര്യം പോലെ മാറി മാറി വിളിച്ചു കൊള്ളും. നമ്മള്‍ അതൊന്നും കാര്യമാക്കേണ്ടതില്ല. നമ്മള്‍ക്ക് വലുത് നമ്മുടെ ഭാവിയല്ലേ. അത് നേരത്തെ പറഞ്ഞ ആ മഹാ പ്രസ്ഥാനത്തിന്റെ കൈകളില്‍ കുറുക്കന്റെ കയ്യിലെ കോഴിക്കുഞ്ഞെന്ന പോലെ ഭദ്രം.

എന്നാല്‍ രാജ്യത്തിന്റെ ഭാവിയെ ശോഭനമാക്കാന്‍ ഇറങ്ങിത്തിരിച്ച ഗാന്ധി തൊപ്പിക്കാര്‍ 1990 - കളില്‍ വല്ലാത്തൊരു പ്രതിസന്ധിയിലാണ് എത്തിപെട്ടത്. രാജ്യത്തെ നയിക്കേണ്ട പാര്‍ട്ടിയെ നയിക്കാന്‍ ഒരു നേതാവില്ല. അവസാന വാക്ക് എന്നത് അനുനിമിഷം മാറിക്കൊണ്ടിരിക്കുന്ന അവസ്ഥ. തീരുമാനങ്ങള്‍ പിന്നെ എങ്ങനെ എടുക്കാനാവും. തിരഞ്ഞെടുപ്പുകളില്‍ ആണെങ്കില്‍ രാജ്യം കുട്ടിച്ചോറാക്കാന്‍ ഇറങ്ങിത്തിരിച്ച വര്‍ഗീയന്മാരും വിപ്ലവകാരികളും രാജ്യത്തിന്റെ രക്ഷകരെ മലര്‍ത്തിയടിക്കുന്നു. പാര്‍ട്ടിയിലെ സിംഹങ്ങളില്‍ ചിലര്‍ ഭാഗം വാങ്ങി പുറമ്പോക്കില്‍ ചെറിയ ഗുഹകള്‍ ഉണ്ടാക്കി ശല്യവും തുടങ്ങി. രാജത്തെ രക്ഷിക്കാന്‍ അവതരിച്ചവരെ രക്ഷിക്കാന്‍ ആരെങ്കിലും അവതരിക്കേണ്ട അവസ്ഥ. ആ സമയത്താണ് ചിലര്‍ക്ക് ബോധോദയം ഉണ്ടായത്. ദയാനന്ദ സരസ്വതി ഉദ്ഘോഷിച്ച വേദങ്ങളിലേക്ക് മടങ്ങുക എന്ന ആശയം പോലെ പാര്‍ട്ടിയെ രക്ഷിക്കാന്‍ നെഹ്‌റു തറവാട്ടിലേക്ക് മടങ്ങുക എന്ന ഒറ്റമൂലി മാത്രമേ ഉള്ളൂ എന്ന് ആ മഹാ വൈദ്യന്മാര്‍ വിധിയെഴുതി. നെഹ്‌റു കുടുംബത്തില്‍ ബാക്കിയുള്ളത് രണ്ടു വിധവകളും അവരുടെ മക്കളുമാണ്. മൂത്തയാള്‍ക്കാണ് പിന്തുടര്‍ച്ചാവകാശം എന്നതൊക്കെ പിന്തിരിപ്പനല്ലേ. (അങ്ങനെ ചിന്തിക്കുകയേ പറ്റൂ, കാരണം ബാക്ടീരിയ!!!) പിന്നെയുള്ളത് രക്തസാക്ഷിയായ ഇളയ പുത്രന്റെ ഭാര്യ ആണ്. എഡ്വിഗ് അന്റോണിയ ആല്‍ബിന മായ്‌നോ എന്ന സോണിയാ ഗാന്ധി. ഇന്ത്യയില്‍ വന്നു പതിറ്റാണ്ടുകള്‍ കഴിഞ്ഞിട്ടും ഇന്ത്യന്‍ പൌരത്വത്തോടൊപ്പം ഇറ്റാലിയന്‍ പൌരത്വം കൂടെ കൊണ്ട് നടന്നവളെങ്കിലും പാര്‍ട്ടിയുടെ ഭാവി മറ്റാരെക്കാളും നന്നായി അവരുടെ കയ്യില്‍ ഭദ്രമാണെന്ന് തലയിണ ചാരി വയോധികന്മാര്‍ വിധിച്ചു. അല്ലെങ്കിലും സായിപ്പന്മാരെ കണ്ടാല്‍ കവാത്ത് മറക്കുന്ന പാരമ്പര്യമാണല്ലോ നമ്മുടെ പുപ്പുലികള്‍ക്കുള്ളത്. അപ്പോള്‍ സായിപ്പന്മാരോട് മുട്ടാന്‍ നല്ലത് ഒരു സായിപ്പത്തി തന്നെ. എന്നാല്‍ ചില രാജ്യദ്രോഹികള്‍ ഒരു വിദേശിയെ വീടിന്റെ താക്കോല്‍ ഏല്‍പ്പിക്കാന്‍ പറ്റില്ലെന്ന് മുറവിളി കൂട്ടിയതോടെ സോണിയ വെട്ടിലായി. അടിച്ചു നിന്ന് പേര് ദോഷം കേള്‍ക്കുന്നതിലും നല്ലത് പിന്‍വാങ്ങി ത്യാഗിയെന്ന പേര് വാങ്ങുന്നതാനെന്നു തീരുമാനിക്കാനുള്ള വിവേകം അവര്‍ക്ക് അന്നുണ്ടായി. എങ്കിലും പാര്‍ട്ടിയില്‍ അവസാന വാക്കായി നില്‍ക്കാന്‍ തന്നെ ആ മഹാത്യാഗി തീരുമാനിക്കുകയും ചെയ്തു.

അങ്ങനെ മൂപ്പത്ത്യാര്‍ പാര്‍ട്ടിയുടെ പരമാധികാരിയായി. അങ്ങനിരിക്കുമ്പോഴാണ് ആലോചിച്ചത്. പിള്ളാര് രണ്ടെണ്ണമുണ്ടല്ലോ. പാരമ്പര്യമായി ഭരിച്ചു മാത്രമേ പരിചയമുള്ളൂ. മറ്റൊരു പണിയും അറിയുകയുമില്ല. അച്ഛന്‍ വിമാനത്തിന്റെ ഡ്രൈവറായിരുന്നത് കൊണ്ട് ഭരിക്കാന്‍ ആളെ കിട്ടിയില്ലെങ്കിലും കഞ്ഞി കുടിച്ചു കിടക്കാമെന്ന പ്രതീക്ഷയുണ്ടായിരുന്നു. പുത്രന്‍ അമ്മാതിരി കൈത്തൊഴിലുകള്‍ ഒന്നും വശത്താക്കിയതുമില്ല. പുത്രിയുടെ കെട്ട്യോന്‍ അത്യാവശ്യം കച്ചവടമൊക്കെ വശത്താക്കിയ ആളായത് കൊണ്ട് അവളുടെ കാര്യം കഴിഞ്ഞോളും. എന്നാല്‍ പുത്രന്‍ ??? തന്റെ കാലം കഴിഞ്ഞാല്‍ ???? ഓര്‍ത്തപ്പോള്‍ ആ മാതൃഹൃദയം ആശങ്കാകുലമായി. പിന്നെ മറ്റൊന്നും തീരുമാനിച്ചില്ല. കുലത്തോഴിലിലേക്ക് ഇറക്കുക തന്നെ. പക്ഷെ കാര്യത്തോടടുത്തപ്പോഴാണ് സംഗതി അത്ര എളുപ്പമല്ലെന്ന് ആ മാതാവിന് മനസ്സിലായത്‌. പയ്യന്‍സ് കൌമാര ചാപല്യങ്ങളുമായി കറങ്ങി നടപ്പാണ്. പക്ഷെ അതെങ്ങനെ ശരിയാവും. ഇപ്പോഴേ ഭരിക്കാനുള്ള പരിശീലനം നേടിയില്ലെങ്കില്‍ ഭാവി കഞ്ഞി കുടിമുട്ടിപ്പോവില്ലേ. അതിനിടക്കാണ് പയ്യന്‍ കാമുകിയുമായി കറങ്ങിയടിക്കുന്ന ചിത്രം ഒരു രസികന്‍ വിമാനത്തില്‍ വച്ചെടുത്തത്. നാളെ രാജ്യത്തെ നയിക്കെണ്ടവനാനാണെന്ന് ഓര്‍ക്കാതിരുന്ന രസികന്റെ രസം അടുത്ത നിമിഷം തീര്‍ന്നു. ദാ കിടക്കുന്നു കാമറ. അങ്ങനെ "താഴെ വച്ചാല്‍ ഉറുമ്പരിച്ചാലോ തലയില്‍ വച്ചാല്‍ പേനരിച്ചാലോ" എന്ന മട്ടിലാണ് യുവരാജാവിനെ ആ മാതാവ് വളര്‍ത്തിയത്. ദോഷം പറയരുതല്ലോ, ആസ്ഥാനത്ത് സ്തുതിപാടകരെ കാര്യമായി നിയമിച്ചിരുനതിനാല്‍ പയ്യനെ കുറിച്ചുള്ള അപദാനങ്ങള്‍ക്ക് യാടൊരു ക്ഷാമവും ഉണ്ടായില്ല. ( അതൊക്കെ കണ്ടു അസൂയ മൂത്ത രാജ്യദ്രോഹികളുടെ വാക്കുകള്‍ ആരും ശ്രദ്ദിക്കരുത്. ) എന്നിട്ടും അങ്ങട് പ്രതീക്ഷിച്ച പോലെ വളരാന്‍ ആവാതായപ്പോഴാണ് അടുത്ത വഴികള്‍ തിരയാന്‍ തുടങ്ങിയത്.

പ്രചാരമേറിയ പത്രങ്ങളില്‍ സുമുഖനായ പയ്യന്റെ ചിത്രങ്ങള്‍ സഹിതം പൈങ്കിളി ലേഖനങ്ങള്‍ എഴുതാന്‍ കോളമിസ്റ്റുകള്‍ മത്സരിച്ഛതോടെ രാഹുല്ജിയുടെ ശുക്രന്‍ ഉദിക്കുകയായിരുന്നു. അല്ലെങ്കിലും രാഹുല്ജിക്ക് ഭരിക്കുക എന്നതൊന്നും ഒരു വിഷയമേ അല്ല. യാതൊരു പരിചയവുമില്ലാതെ, പരിചയ സമ്പന്നര്‍ ഏറെ ഉണ്ടായിട്ടും പെട്ടെന്നൊരു ദിവസം കയറി പ്രധാനമന്ത്രിയായി ചരിത്രം സൃഷ്ടിച്ച പിതാവിന്റെ മകനല്ലേ. (ഭയം ഇല്ലാത്തത് രണ്ടു കൂട്ടര്‍ക്ക് മാത്രമാണ്, ഒന്ന് എല്ലാം അറിയുന്നവര്‍ക്ക്, രണ്ടു ഒന്നും അറിയാത്തവര്‍ക്ക്.) എങ്ങനെയും വാര്‍ത്തകളില്‍ നിറയുക എന്നതാണ് ജനപ്രീതി പിടിച്ചു പറ്റാന്‍ ഉള്ള കുറുക്കു വഴി എന്ന് കണ്ടു പിടിച്ചതോടെ അതിനായുള്ള പരക്കം പാച്ചില്‍ ആയി പിന്നീടു. അതെല്ലാം നമ്മള്‍ കണ്ടതായതുകൊണ്ട് ഇനിയും എഴുതി പുകഴ്ത്തുന്നില്ല. കൊണ്ഗ്രസ്സുകാര്‍ രോമാഞ്ചം കൊണ്ടു. തങ്ങളുടെ ഇന്ത്യയുടെ ഭാവി പ്രധാനമന്ത്രി ഇതാ നമ്മോടു കൂടെ. ഇനി തിരഞ്ഞെടുപ്പുകളില്‍ വിജയത്തിന്റെ നാളുകളായിരിക്കും. സുന്ദരനായ നേതാവിന്റെ പുഞ്ചിരിയില്‍ രാജ്യത്തെ യുവത്വം മോഹാലസ്യപ്പെട്ടു വീഴും.

യുവരാജാവ് ആദ്യം ഏറ്റെടുത്ത ജോലി ഉത്തര്‍ പ്രദേശിലെ നിയമസഭാ തിരഞ്ഞെടുപ്പ് പ്രചാരണമാണ്. കൊണ്ഗ്രസ്സുകാര്‍ ഉറപ്പിച്ചു. ഇത്തവണ ഭരണം നമ്മക്ക് തന്നെ. അത് കൊണ്ടു ഇത്തവണ കൂട്ട് കെട്ടൊന്നും വേണ്ട. ധീരനായ യുവരാജന്‍ നേരിട്ടല്ലേ പട നയിക്കുന്നത്. ആകെയുള്ള 403 സീറ്റില്‍ 393 ഇടത്തും സ്ഥാനാര്‍ത്തികളെ നിര്‍ത്തി. കൊണ്ടു പിടിച്ച പ്രചാരണ യുദ്ദം. ചര്‍ച്ചകളിലും വാഗ്വാദങ്ങളിലും പൊടിപോലും കാണില്ലെങ്കിലും എഴുതി പഠിച്ച പ്രസംഗം പറയാന്‍ മിടുക്കനായ യുവരാജന്റെ തെരഞ്ഞെടുപ്പു യോഗങ്ങളില്‍ ജനക്കൂട്ടത്തെ കണ്ടപ്പോള്‍ അണികളും തീരുമാനിച്ചു. ഇത്തവണ നമ്മള്‍ തന്നെ. പക്ഷെ പെട്ടി പോട്ടിച്ചപ്പോഴാനു ജനം മൂക്കത്ത് വിരല്‍ വച്ചത്. നേരിട്ട് പട നയിച്ച യുവരാജന്‍ നേടിയത് 22 സീറ്റ്. മായാവതി നേടിയത് 206 സീറ്റ്. 371 ഗാന്ധി തൊപ്പിക്കാര്‍ ഉജ്ജ്വലമായി പരാജിതരായി. എതിരാളികള്‍ എവിടെപ്പോയ് എവിടെപ്പോയ്, രാഹുല്‍ ഗാന്ധി എവിടെപ്പോയ് എന്ന് പാടിയത് അദ്ദേഹം കേട്ട് കാണാന്‍ ഇടയില്ല. കാരണം അന്ന് മുങ്ങിയ അദ്ദേഹം പിന്നെ പൊങ്ങിയത് ഏറെ കഴിഞ്ഞാണല്ലോ. അതോടൊപ്പം ആ വര്ഷം തന്നെ നടന്ന ഗുജറാത്ത് തെരഞ്ഞെടുപ്പിലും വീരചരമമടയാന്‍ തന്നെയായിരുന്നു യുവരാജാവിന്റെ വിധി. എന്നാല്‍ അടുത്ത വര്ഷം രാജസ്ഥാന്‍ തിരഞ്ഞെടുപ്പില്‍ വിജയിച്ചപ്പോള്‍ നേരത്തെ ഉറങ്ങിക്കിടന്ന സ്തുതി പാടകര്‍ ഉണര്‍ന്നു. രാഹുല്‍ മാജിക് എന്ന് ഉറക്കെ അലറി. അതിനു ശേഷം ലോക്സഭാ തിരഞ്ഞെടുപ്പ് വന്നപ്പോള്‍ ഉത്തര്‍ പ്രദേശില്‍ പഴയ തോല്‍വിയുടെ പാശ്ചാത്തലത്തില്‍ സമാജ്‌വാദി പാര്‍ട്ടിയുമായും ലാലുവിന്റെ ആര്‍ ജെ ഡി യുമായും സഖ്യമുണ്ടാക്കാന്‍ ശ്രമിക്കുക എന്നതായിരുന്നു യുവരാജാവിന്റെ ആദ്യ തീരുമാനം. എന്നാല്‍ അവര്‍ വച്ചു നീട്ടിയ സീറ്റുകളുടെ എണ്ണം യുവരാജാവിന്റെ ശത്രുക്കള്‍ പോലും കരുതിയിരുന്നതിലും കുറവായിരുന്നു. നാണം കേട്ട യുവരാജന്‍ ഗതികെട്ട് ഒടുവില്‍ തീരുമാനിച്ചു. ഒറ്റയ്ക്ക് തന്നെ വീണ്ടും. ഒടുവില്‍ എതിരാളികള്‍ തമ്മില്‍ കടിച്ചു കീറിയപ്പോള്‍ നോകി നിന്ന രാജന്റെ തന്ത്രം ജയിച്ചു. ഉത്തര്‍പ്രദേശില്‍ തിളങ്ങുന്ന വിജയം. വീണ്ടും സ്തുതി പാടകര്‍ക്ക് വിശ്രമമില്ലാതായി. രാഹുല്‍ മാജിക്. രാഹുല്‍ മാജിക്.

എന്നാല്‍ സംഗതി ചക്ക വീണു ചത്ത മുയലിന്റെ കഥയാണെന്ന് ബീഹാര്‍ തിരഞ്ഞെടുപ്പ് കഴിഞ്ഞപ്പോഴാണ് മാലോകരറിഞ്ഞത്. ഇത്തവണ നിതീഷ് കുമാര്‍ എന്ന ഭയങ്കരനോടോത്തു വര്‍ഗീയ വാദികള്‍ മുന്നേറിയപ്പോള്‍ ഏറെ പിന്നിലായി ആണ് യുവരാജന്‍ ഫിനിഷ് ചെയ്തത്. കഴിഞ്ഞ തവണത്തെ ഉത്തര്‍ പ്രദേശ്‌ അനുഭവത്തെക്കള്‍ കയ്പേറിയതായി യുവരാജന് ബീഹാര്‍. ആകെയുള്ള 243 സീറ്റിലേക്കും മത്സരിച്ച യുവരാജന്റെ പാര്‍ട്ടി ഒടുവില്‍ നേടിയത് വെറും 4 സീറ്റ് മാത്രം. 239 വീരന്മാരും അടര്‍ക്കളത്തില്‍ വീണു. ജനാധിപത്യത്തില്‍ ജയവും തോല്‍വിയും ഒക്കെ സ്വാഭാവികമാണ്. എന്നാല്‍ ഈ തോല്‍വിക്ക് ശേഷവും അതിനു മുന്‍പും കൊണ്ഗ്രസ്സിലെ നേതാക്കന്മാരുടെ പ്രതികരണങ്ങള്‍ ആണ് എന്നെ ആകര്‍ഷിച്ചത്.

ഒരു മലയാളം വാര്‍ത്ത ചാനലിലെ പരിപാടിയില്‍ ശ്രീമാന്‍ പി. സി. ചാക്കോ പറഞ്ഞത്, ഇത് രാഹുല്‍ ഗാന്ധിയുടെ പരാജയമല്ല. അവിടെ രാഹുല്ജിയുടെ തെരഞ്ഞെടുപ്പു യോഗങ്ങളില്‍ ജനങ്ങള്‍ തിങ്ങി നിറഞ്ഞിരുന്നു. വോട്ടു കിട്ടിയില്ല എന്തു ഞങ്ങള്‍ കാര്യമാക്കുന്നില്ല. പക്ഷെ ബീഹാറില്‍ രാഹുല്ജിയുടെ നേതൃത്വത്തില്‍ കോണ്ഗ്രസ് വളരുക തന്നെയാണ്. എങ്ങനുണ്ട്. തിരഞ്ഞെടുപ്പില്‍ വോട്ടു കിട്ടുന്നതൊന്നും വലിയ കാര്യമല്ല അത്രേ. ശോ ജനാധിപത്യത്തിന്റെ പുതിയ പുതിയ നിര്‍വ്വചനങ്ങള്‍. പക്ഷെ അതൊന്നുമല്ല വിഷയം, നമ്മുടെ രാഹുല്ജിയെ വെള്ള പൂശാന്‍ മത്സരിക്കുന്ന നേതാക്കളെ കാണുമ്പോഴാണ് തമാശ തോന്നുന്നത്. എങ്ങാനും ഭാഗ്യത്തിന് ജയിച്ചാല്‍ അത് രാഹുല്‍ മാജിക്, പിന്നെ എല്ലാ നാവിലും രാഹുല്‍ രാഹുല്‍ എന്ന നാമം മാത്രം. തോറ്റാലോ രാഹുല്‍ എന്ന് പോയിട്ട് 'രാ' എന്ന് പോലും പറയില്ല. ഇത്ര കഷ്ടപ്പെട്ട് ഇന്റെന്‍സീവ് കെയര്‍ യൂണിറ്റിലെന്നോണം ശ്രദ്ധിച്ചു സംരക്ഷിച്ചു ഒരു നേതാവിനെ വളര്‍ത്തിയെടുക്കേണ്ട ഗതികേടിലാണോ ഭാരതം. ഇപ്പോഴും നാടകീയ സംഭവങ്ങള്‍ ഉണ്ടാക്കി മാത്രം ജനശ്രദ്ധ നേടുന്നതിനപ്പുറം രാഷ്ട്രീയപരമായി നിര്‍ണ്ണായക ഇടപെടലുകള്‍ നടത്താന്‍ രാഹുലിന് ഇതുവരെയും കഴിഞ്ഞിട്ടില്ല. അതിനിടക്ക് പറഞ്ഞുപോകുന്ന ചില മണ്ടത്തരങ്ങളും കൂടിയാവുമ്പോള്‍ എല്ലാം തികയുന്നു.

2007 - ലെ ഉത്തര്‍ പ്രദേശ്‌ തിരഞ്ഞെടുപ്പ് പ്രചാരണത്തിനിടെയാണ് രാഹുല്‍ ഒരു വേദി പൊട്ടിച്ചത്. "നെഹ്‌റു കുടുംബത്തിലെ ആരെങ്കിലും ആയിരുന്നു 1992 ഇല്‍ ഭരിച്ചിരുന്നതെങ്കില്‍ ബാബറി മസ്ജിദ് സംഭവം ഉണ്ടാകുമായിരുന്നില്ല." ഒരു ദേശീയ നേതാവിന്റെതായി ഇതിലേറെ അപക്വമായ പ്രസതാവന ഉണ്ടോ എന്ന് മഷിയിട്ടു നോക്കേണ്ടി വരും. ഈ കുടുംബം ഭരിച്ചപ്പോള്‍ തന്നെയല്ലേ ഇവിടെ അടിയന്തിരാവസ്ഥ ഉണ്ടായത്. സ്വാതന്ത്ര്യം കിട്ടി ആര് പതിറ്റാണ്ടിനു ശേഷവും ഇന്ത്യയുടെ ഗ്രാമങ്ങള്‍ ദരിദ്രമായി തുടരുന്നതും ഭൂരിപക്ഷം സമയവും നെഹ്‌റു കുടുംബം ഭരിച്ചതിന്റെ ഭാക്കി പത്രമായിരിക്കും. ഏറ്റവും രസകരമായ കാര്യം ആ പരാമര്‍ശത്തിലൂടെ സ്വന്തം പാര്‍ട്ടിയുടെ തന്നെ മുതിര്‍ന്ന നേതാവായിരുന്ന നരസിംഹ റാവുവിനെയാണ് രാഹുല്‍ പ്രതിക്കൂട്ടില്‍ ആക്കിയതെന്നതാണ്. അതിനിടയില്‍ 2001 - ഇല്‍ ബോസ്ടണ്‍ വിമാന താവളത്തില്‍ വച്ചു കാമുകിയോടൊപ്പം കയ്യില്‍ 2 ലക്ഷം ഡോളറുമായി F B I പിടികൂടിയത് ഭരണതലത്തില്‍ ഒതുക്കിയെങ്കിലും ചില മാധ്യമങ്ങള്‍ റിപ്പോര്‍ട്ട് ചെയ്ത കഥ ആരൊക്കെയോ ഓര്‍ത്തെടുത്തതും രാഹുലിന് തലവേദനയായി. കുടിലില്‍ അന്തിയുറങ്ങുന്നതും മറ്റും സാധാരണ സിനിമകളുടെ വാര്‍ത്തകളിലും മറ്റും നായിക വിവസ്ത്രയാവുന്നു, നായികയുടെ ചുംബനം എന്നൊക്കെ പറയുംപോലെയുള്ള മാര്‍ക്കറ്റിംഗ് തന്ത്രം മാത്രമാണെന്ന് ഒറ്റ നോട്ടത്തില്‍ തന്നെ മനസ്സിലാക്കാവുന്നതെ ഉള്ളൂ. ആ പ്രവര്‍ത്തികളിലെ ആത്മാര്‍ത്തത കാണിക്കേണ്ടത് അത് വാര്‍ത്തയാക്കിയല്ല, അതിനു പരിഹാരം കണ്ടാണ്‌. കാരണം രാഹുല്‍ ഗാന്ധി വെറും ഒരു എം. പി അല്ല, ഭരണ പക്ഷത്തെ നിയന്ത്രിക്കുന്ന അമ്മയുടെ മകനാണ്.

രാഹുലിനെ ഒന്ന് ജനപ്രിയനും സ്വീകാര്യനും ആക്കാന്‍ കൊണ്ഗ്രസ്സും മാധ്യമങ്ങളും പെടാപ്പാട് പാടുന്നത് കണ്ടപ്പോഴാണ് ആദ്യം പറഞ്ഞ ലെയ്ക്കയെ ഓര്‍മ്മ വന്നത്. ലെയ്ക്കയെ ബഹിരാകാശത്തെത്തുന്ന ആദ്യ ജീവിയാക്കി ചരിത്രത്തിലിടം നേടാന്‍ സോവിയറ്റ് ശാസ്ത്രജ്ഞന്‍മാര്‍ പ്രയത്നിച്ചതിലും ബുദ്ടിമുട്ടിയാണ് രാഹുലിനെ ഭാവി പ്രധാനമന്ത്രിയാക്കാന്‍ കോണ്ഗ്രസ് അകത്തളങ്ങള്‍ ശ്രമിക്കുന്നത്. ലെയ്ക്കക്ക് വെറുതെ നിന്ന് കൊടുക്കേണ്ട ചുമതല മാത്രമേ ഉണ്ടായിരുന്നുള്ളൂ. രാഹുല്‍ ഗാന്ധിക്കും അതിലപ്പുറം വിയര്‍ക്കേണ്ട ആയാസമൊന്നും ഇല്ല. പിന്നെ ഉള്ള ഒരു സാമ്യം, രണ്ടു പേരും, ലെയ്ക്കയും രാഹുലും, ഈ ഒരു വഴിത്താരയില്‍ പണയപ്പെടുത്തുന്നത് സ്വന്തം ജീവന്‍ തന്നെയാണ് എന്നതാണ്. ഒരു വ്യത്യാസമുള്ളത്, ലെയ്ക്കയുടെ വിധി മുന്‍പേ നിശ്ചയിക്കപ്പെട്ടിരുന്നു. ചരിത്രത്തിലേക്കുള്ള യാത്രയില്‍ ഒരിക്കലും തിരിച്ചു വരില്ല എന്ന് അവള്‍ അറിഞ്ഞു കാണില്ലെങ്കിലും യാത്രയാക്കുന്ന എല്ലാവര്ക്കും അറിയാമായിരുന്നു. രാഹുലിന്റെത് ഒരു ചൂതാട്ടമാണ്. പക്ഷെ ഇത് പോലുള്ള ചൂതട്ടങ്ങളില്‍ ജീവന്‍ പണയം വച്ചു തന്റെ പിതാവും അദ്ദേഹത്തിന്‍റെ മാതാവും രാഷ്ട്രത്തിനു നല്‍കിയ സംഭാവനകളുടെ തുടര്‍ച്ച അദ്ദേഹത്തില്‍ നിന്നും പ്രതീക്ഷിക്കാമോ എന്നതിന് പലര്‍ക്കും പല ഉത്തരമായെക്കാമെങ്കിലും ഇതുവരെയുള്ള 40 വര്‍ഷത്തെ ജീവിതത്തെ അടിസ്ഥാനമാക്കിയാല്‍ പ്രഗത്ഭനായ ഒരു ഭരണാധികാരി ആയിരിക്കും രാഹുല്‍ എന്ന് കുറഞ്ഞ പക്ഷം ഇപ്പോഴെങ്കിലും പറയാനാവില്ല. നെറ്റിപ്പട്ടം കെട്ടി എഴുന്നള്ളിക്കുന്ന ഒരു ആനയെ ഉത്സവക്കഴ്ച്ചക്ക് കൊള്ളാമെങ്കിലും ഭരണകൂടത്തെ നിയന്ത്രിക്കാന്‍ അത് മാത്രം മതിയാവില്ല എന്നാണു ചരിത്രം നല്‍കുന്ന പാഠം.

കൊടിച്ചി പട്ടികളാകുന്ന മാധ്യമപ്രവര്‍ത്തകര്‍.

2010-11-24T17:07:00.006+05:30

ഇന്ത്യാവിഷന്‍ എന്ന ചാനലില്‍ നിന്നും വിരമിച്ച അവസരത്തില്‍ നികേഷ് കുമാര്‍ ഒരു വാരികക്ക് നല്‍കിയ അഭിമുഖത്തില്‍ ഇങ്ങനെ പറഞ്ഞിരുന്നു. " വാര്‍ത്തകളെ തമസ്കരിക്കുന്ന മാധ്യമ പ്രവര്‍ത്തനം ഇല്ലാതാക്കി എന്നതാണ് ഇന്ത്യാവിഷന്‍ മാധ്യമ ലോകത്തിനു നല്‍കിയ പ്രധാന സംഭാവന." റെജീന സംഭവം മുതല്‍ അഭയ കേസുവരെ കുറെ ഉദാഹരണങ്ങളും അദ്ദേഹം എടുത്തു പറയുകയുണ്ടായി. ഇന്ന് ശ്രീ നികേഷ് ഒരു ചാനലിന്റെ പ്രാരംഭ പ്രവര്‍ത്തനങ്ങളില്‍ ആണ്. എന്നാല്‍ അദ്ദേഹം നല്‍കിയെന്ന് പറയുന്ന പ്രധാന സംഭാവന - വാര്‍ത്തകളുടെ തമസ്കരണം അഥവാ ന്യൂസ് കില്ലിംഗ് - എന്നതിന്റെ ഏറ്റവും വൃത്തികെട്ട മുഖമാണ് കഴിഞ്ഞ കുറച്ചു ദിവസങ്ങള്‍ ആയി മാധ്യമങ്ങള്‍ എടുത്തണിഞ്ഞിരിക്കുന്നതെന്നത് അദ്ദേഹം കാണുന്നുണ്ടോ ആവോ?

ജനാധിപത്യത്തിന്റെ കാവല്‍നായ്ക്കള്‍ ആണ് തങ്ങളെന്ന് ഓരോ മാധ്യമങ്ങളും പ്രവര്‍ത്തകരും അഹങ്കരിക്കാറുണ്ട്. തങ്ങള്‍ ഇല്ലായിരുന്നെങ്കില്‍ അഴിമതിയുടെ നരകമായേനെ ഇവിടം എന്ന രീതിയിലാണ് അവരുടെ പല അവതരണങ്ങളും. രാഷ്ട്രീയ പ്രവര്‍ത്തകരെയും കലാകാരന്മാരെയും തങ്ങള്‍ക്കു ഇഷ്ടപ്പെടുമ്പോള്‍ പുകഴ്ത്തുകയും തങ്ങളെ ഗൌനിച്ചില്ലെങ്കില്‍ അവഹേളിക്കുകയും ചെയ്യുന്ന കാഴ്ചകള്‍ നമ്മള്‍ ഏറെ കണ്ടു കഴിഞ്ഞതാണ്. മറ്റുള്ളവരുടെ സ്വകാര്യതയിലേക്ക് ഒളികണ്ണെറിയുന്നവരാണ് സമൂഹത്തെ അധിക്ഷേപിക്കുന്ന സമയത്ത് തന്നെ താരങ്ങളുടെ കിടപ്പുമുറിയിലും കക്കൂസിലും വരെ നുഴഞ്ഞു കയറുന്ന ഇവരുടെ ധാര്‍മികത ശ്ലാഘനീയമാണ്. കാര്‍ന്നോര്‍ക്ക് അടുപ്പിലും തൂറാം എന്ന പഴമൊഴിയാണ്‌ ഇവരുടെ എത്തിക്സ്. അതൊക്കെ പോട്ടെ, പറഞ്ഞു വന്ന ന്യൂസ് കില്ലിംഗ്, അതിനെ പറ്റി തന്നെ പറയാം.

ഇവിടെ മാധ്യമ പ്രവര്‍ത്തകര്‍ മറ്റുള്ളവരുടെ അഴിമതിക്കഥകള്‍ സ്റ്റിംഗ് ഓപറേഷനുകളിലൂടെ പുറത്തു കൊണ്ടുവരുന്നത് കണ്ടു പൊതു ജനം മൂക്കത്ത് വിരല്‍ വച്ച് പോയ സന്ദര്‍ഭങ്ങള്‍ ഉണ്ട്. അടിസ്ഥാനമില്ലാത്ത ആരോപണമായാല്‍ പോലും നാല് ദിവസം പ്രധാന വാര്‍ത്തയായി ചര്‍ച്ച ചെയ്ത സംഭവങ്ങളും നമ്മള്‍ കണ്ടവരാണ്. എന്നാല്‍ കഴിഞ്ഞ ദിവസം രാജ്യത്തെ വീരന്മാരായ മാധ്യമ പ്രവര്‍ത്തകരുടെ പങ്ക് പുറത്തു കൊണ്ട് വന്ന വിവാദ ടേപ്പ് പുറത്തു വന്നത് നമ്മുടെ ഇവിടെ കേരളത്തില്‍ പാര്‍ട്ടി പത്രമായ ദേശാഭിമാനിക്ക് പോലും വാര്‍ത്തയായില്ല എന്നതാണ് അത്ഭുതകരം. രാജ്യത്തെ ചീറുന്ന വനിതാ പത്രപ്രവര്‍ത്തകയായ ബര്‍ഖാ ദത്തും കോളമിസ്റ്റുപുലി വീര്‍ സംഘ്വിയും 2G സ്പെക്ട്രം അഴിമതിയില്‍ പങ്ക് ചേര്‍ന്നിട്ടുണ്ടെന്നതിന്റെ തെളിവുകളാണ് ഓപ്പണ്‍ എന്ന മാഗസിന്‍ പുറത്തു വിട്ടത്. എന്നാല്‍ രാജ്യത്തെ മാധ്യമങ്ങളെല്ലാം തന്നെ ആ വാര്‍ത്തയെ അവഗണിക്കുകയാണുണ്ടായത്. കണക്കു പ്രകാരം രാജ്യം കണ്ട ഏറ്റവും വലിയ അഴിമതിക്ക് കൂട്ട് നിന്നവരെപറ്റിയുള്ള തെളിവുകള്‍ പ്രധാന വാര്‍ത്തയാവെണ്ടതാണ്. എന്നാല്‍.....

മാധ്യമങ്ങള്‍ കഴിഞ്ഞ ദിവസം വരെ രാജയുടെ ഔദാര്യം പറ്റിയ കമ്പനിയെ പറ്റി ഒരക്ഷരം മിണ്ടിയിരുന്നില്ല. റിലയന്‍സ് ആയിരുന്നു ആ കമ്പനിയെന്നു രാജയുടെ രാജി ഉറപ്പായ ശേഷം മാത്രമാണ് മാധ്യമങ്ങള്‍ ജനങ്ങളോട് പറഞ്ഞത്. രാജ ഒരു ലക്ഷത്തില്‍ പരം കോടിയുടെ അഴിമതി നടത്തിയെന്ന് മത്തങ്ങ വലുപ്പത്തില്‍ വാര്‍ത്ത നിരത്തുമ്പോഴും അതിന്റെ ഗുണം കിട്ടിയ അംബാനിയുടെ പേര് ഒരു കാരണവശാലും ഇതിലേക്ക് വരാതിരിക്കാന്‍ എല്ലാ മാധ്യമങ്ങളും ഒറ്റക്കെട്ടായി ശ്രമിച്ചിരുന്നു. ബര്‍ഖാ ദത്തും വീര്‍ സംഘ്വിയും റിലയന്‍സിന്റെ കയ്യില്‍ നിന്നും അച്ചാരം വാങ്ങി വാര്‍ത്തയും ലേഖനങ്ങളും ചര്‍ച്ചകളും ഇറക്കി വിടുമ്പോള്‍ റിലയന്‍സ് എന്ന് പോയിട്ട് "റി" എന്ന് പോലും ഒരു റിപ്പോര്‍ട്ടില്‍ എങ്ങനെ വരും. ഇപ്പോഴും രാജയെ മാത്രം ആണ് മാധ്യമങ്ങള്‍ ലക്‌ഷ്യം വക്കുന്നത്. സര്‍ക്കാരിനെ പൊതു ജനങ്ങളുടെ സമ്പത്തിനെ കൊള്ളയടിച്ച റിലയന്‍സിനെതിരെ ഇപ്പോഴും ഒരു ലേഖനം എഴുതാന്‍ മാത്രം തന്തക്കു പിറന്ന നട്ടെല്ലുള്ള ഒരു മാധ്യമ പ്രവര്‍ത്തകനും ഇല്ല എന്നത് തന്നെ നമ്മുടെ മാധ്യമ രംഗത്തിന്റെ ദയനീയതയാണ് വിളിച്ചു പറയുന്നത്. സെപ്ടിക് ടാങ്കില്‍ പോലും കയ്യിട്ടാല്‍ നക്കണം എന്ന ചിന്തയുമായി നടക്കുന്ന ഇന്നത്തെ മാധ്യമ തലമുറ മാധ്യമപ്രവര്‍ത്തനത്തെ ആത്മാവായി കണ്ട ഒരു തലമുറ ഉണ്ടാക്കിയെടുത്ത ആദരവ് കൂടിയാണ് തകര്‍ക്കുന്നത്.

ശ്രീമതി ബര്‍ഖ ദത്ത് സുനാമി ദുരന്തം റിപ്പോര്‍ട്ട് ചെയ്ത ലേബലില്‍ പത്മശ്രീ ഒപ്പിച്ചെടുത്തതിനു പിന്നിലെ കളികള്‍ക്ക് കുറച്ചു കൂടി വ്യക്തത വരികയാണ് ഇപ്പോഴത്തെ സംഭവങ്ങളിലൂടെ. താഴെ കൊടുത്തിരിക്കുന്ന ചിത്രത്തില്‍ വീര്‍ സംഘ്വിയോടൊപ്പം നില്‍ക്കുന്നത് റിലയന്‍സിന്റെ ഉടമ അനില്‍ അംബാനിയുടെ പത്നി ടീന അംബാനിയാണ്. സംഘ്വിക്ക് റിലയന്സിനോടുള്ള കടപ്പാട് അദ്ദേഹത്തിന്‍റെ ലേഖനങ്ങളില്‍ ഒരു പാട് തവണ നിഴലിച്ചിട്ടുള്ളതാണ്. ഈ അഴിമതിയില്‍ പ്രതി സ്ഥാനത്തു റിലയന്‍സ് ആവുമ്പോള്‍ ഒരു പങ്കു സംഘ്വിക്കും ഉണ്ടാകാതെ പറ്റില്ലല്ലോ.

കൈരളി ചാനലില്‍ ലോട്ടറി പരസ്യം കാണിക്കുന്നതിലെ ധാര്‍മികത ചോദ്യം ചെയ്ത മനോരമയും റിലയന്‍സ് ആണ് സര്‍ക്കാരിനെ പറ്റിച്ച ഒരു കമ്പനി എന്ന് പറയാന്‍ കാണിക്കുന്ന വൈമുഖ്യം പ്രസക്തമാണ്. പത്രങ്ങളില്‍ കേരള കൌമുദിയും ചാനലുകളില്‍ ദൂരദര്‍ശനും മാത്രമാണ് കുറച്ചെങ്കിലും സംഭവത്തെ അറിഞ്ഞതായി നടിച്ചത്‌. ദൂരദര്‍ശനിലെ ചര്‍ച്ചയില്‍ ഉയര്‍ന്ന ഒരു വാദം ഇതും പുറത്തു കൊണ്ട് വന്നത് ഒരു മാധ്യമ പ്രവര്‍ത്തകനല്ലേ, അപ്പോള്‍ മാധ്യമ പ്രവര്‍ത്തകരെ എങ്ങനെ പൂര്‍ണ്ണമായി വിമര്‍ശിക്കും എന്നാണ്. അത് തന്നെയാണ് എനിക്കും പറയാനുള്ളത്, ഒരു മാധ്യമ പ്രവര്‍ത്തകന്‍ ഉയര്‍ത്തി കൊണ്ട് വന്ന തെളിവുകള്‍ മറ്റൊരു മാധ്യമവും കണ്ടില്ലെന്നു നടിക്കുമ്പോള്‍ അവര്‍ക്കും അതില്‍ പങ്കുണ്ടെന്ന് ജനങ്ങള്‍ സംശയിച്ചാല്‍ അവരെ കുറ്റം പറയുന്നതെങ്ങനെ. ലാവലിനെ കരിം പട്ടികയില്‍ പെടുത്തണമെന്ന് ആക്രോശിച്ച മാധ്യമങ്ങള്‍ റിലയന്‍സിനെതിരെ ഒരക്ഷരം മിണ്ടിയില്ല. മാധ്യമ പ്രവര്‍ത്തകര്‍ കാവല്‍ നായ്ക്കളല്ല കൊടിച്ചി പട്ടികള്‍ മാത്രമാണെന്ന് തെളിയുകയാണ് ഇവിടെ. തങ്ങള്‍ക്കു വിരോധമുള്ളവരെ കെണിയിലാക്കാനും അപ്പക്കഷണങ്ങള്‍ നല്‍കുന്ന അഴിമതിക്കാരുടെ ആസനം വരെ നക്കി വൃത്തിയാക്കി നിരപരാധിയാക്കാനും വാക്കുകള്‍ നിരത്തുന്ന പത്രക്കാരെ ജനങ്ങള്‍ തിരിച്ചറിയാന്‍ ഇനി അധികം താമസമുണ്ടെന്നു തോന്നുന്നില്ല.

ഫോബ്സ് ഹു ജിന്താവോയെ തോല്‍പ്പിച്ചതെങ്ങനെ അഥവാ ജിന്താവോ ഒബാമയെ തോല്‍പ്പിച്ചതെങ്ങനെ?

2010-11-08T22:36:00.009+05:30

ഫോബ്സ് എന്നൊരു മാസികയുണ്ടെന്ന് ലോകമറിയുന്നത് ഇടക്ക് ചില ലിസ്റ്റുകള്‍ പടച്ചു വിടുമ്പോഴാണ്‌. ലോകത്തിലെ ഏറ്റവും ധനികര്‍, കരുത്തര്‍ എന്നിങ്ങനെ ലോകത്തെ ആകമാനം വിറപ്പിക്കുന്ന പട്ടികകളുമായാണ് ഇടയ്ക്കിടെ മാസിക എത്തുക. സമ്പത്തിന്റെയും കരുത്തിന്റെയും ഏറ്റവും ആധികാരികമായ പട്ടിക എന്ന മട്ടില്‍ സകല മാധ്യമങ്ങളും ആ ലിസ്റ്റ് അതെ പടി ഛര്‍ദ്ദിക്കും. അതിലെ ഘടാ ഘടിയന്മാരെ വിലയിരുത്തും. ഒത്താല്‍ ഒരു സ്തുതി പാടലും നടത്തും.

കഴിഞ്ഞ ആഴ്ച ഫോബ്സ് തങ്ങളുടെ ഏറ്റവും പുതിയ പട്ടിക ലോകത്തിനു മുന്നില്‍ അവതരിപ്പിച്ചു. ലോകത്തിലെ കരുത്തന്മാരായ 68 പുപ്പുലികളുടെ പട്ടിക. ( ഈ 68 ന്റെ മാഹാത്മ്യം എന്താണെന്നൊന്നും ചോദിക്കരുത്. ലോകത്ത് കരുത്തര്‍ 68 പേര്‍ മാത്രമേ ഉള്ളൂ എന്ന സംശയവും അരുത്. ) പതിവുപോലെ ലോകത്തെ മിക്ക മാധ്യമങ്ങളും അടുത്ത ദിവസം സംഭവം മത്തങ്ങയാക്കി. ലിസ്റ്റില്‍ മലയാളികളൊന്നും ഇല്ലെങ്കിലും ഇങ്ങു കേരളത്തിലെ ചില പത്രങ്ങള്‍ക്കു അതായിരുന്നു പ്രധാന തലക്കെട്ട്‌ തന്നെ. പ്രത്യേകിച്ചും മാതൃഭൂമി. അവര്‍ മുന്‍പേജിലെ ആദ്യത്തെ വാര്‍ത്തയായാണ് ചിത്രങ്ങള്‍ സഹിതം പട്ടിക പ്രസിദ്ദീകരിച്ചത്.

പുതിയ പട്ടികയുടെ വിശേഷം എന്താണെന്ന് വച്ചാല്‍ ലോകത്തെ ശക്തരായ മനുഷ്യരില്‍ അമേരിക്കയുടെ പ്രസിഡന്റ്‌ ബരാക് ഒബാമയെ മറികടന്നു ചൈനീസ് പ്രസിഡന്റ്‌ ഹു ജിന്താവോ ഒന്നാമാതെത്തിയിരിക്കുന്നു എന്ന ഭൂലോകത്തെ ഞെട്ടിക്കുന്ന രഹസ്യമാണ് ഫോബ്സ് ഇതിലൂടെ മാലോകരെ അറിയിച്ചത്. (എന്തിന്റെ അടിസ്ഥാനത്തില്‍? ഇതെപ്പോ സംഭവിച്ചു? ഒബാമക്ക് തിരിച്ചടിക്കാന്‍ ഇനി അവസരമുണ്ടോ? എന്നൊന്നും ആരും ചോദിക്കരുതേ...) ഒന്‍പതാം സ്ഥാനത്തുള്ള സോണിയ ഗാന്ധിയെയും പതിനെട്ടാം സ്ഥാനത്തുള്ള പ്രധാന മന്ത്രിയെയും കൂടാതെ മൂന്നു ഇന്ത്യക്കാര്‍ കൂടി ഫോബ്സിന് മുന്നില്‍ ശക്തി തെളിയിച്ചിട്ടുണ്ട് എന്ന് പട്ടിക വ്യക്തമാക്കുന്നു. പാവപ്പെട്ട കച്ചവടക്കാരായ മുകേഷ് അംബാനിയും രത്തന്‍ ടാറ്റയും ലക്ഷ്മി മിത്തലുമാണ് ആ പുലികള്‍.

ഈ ലിസ്റ്റുകൊണ്ട് എന്താണ് അര്‍ത്ഥമാക്കുന്നത്? എന്താണ് ഈ ലിസ്റ്റു കൊണ്ടുള്ള പ്രയോജനം? (ഇവരോട് മുട്ടാന്‍ പോകുമ്പോള്‍ ഗുണ്ടകളെ കുറച്ചു കൂടുതല്‍ കരുതിക്കോ എന്നെങ്ങാനുമായിരിക്കുമോ? ) ഇപ്പോള്‍ തന്നെ ഇങ്ങനെ ഒരു പട്ടിക ഇറക്കാന്‍ കാരണമെന്താണ്? തുടങ്ങിയ ഒരു പാട് ചോദ്യങ്ങള്‍ പലരുടെയും മനസ്സില്‍ ഓടിയിട്ടുണ്ടാകും. കൃത്യമായ അടിസ്ഥാനങ്ങള്‍ ഒന്നുമില്ലാതെ ആരോ തയ്യാറാക്കിയ ഈ പട്ടികയെ ഗൌരവമായി ചര്‍ച്ച ചെയ്യുന്നതും വിലയിരുത്തുന്നതും വിഡ്ഢിത്തരമാണെന്നറിയാതെയല്ല. എങ്കിലും പ്രത്യക്ഷത്തില്‍ പറയുന്ന കാര്യങ്ങള്‍ക്കപ്പുറത്ത് പരോക്ഷമായ മറ്റു ചില ലക്ഷ്യങ്ങള്‍ കൂടിയുണ്ടോ എന്ന ആശങ്ക നിങ്ങളുമായി പങ്കുവക്കാതെ വയ്യ.

ആദ്യമായി ഫോബ്സിന്റെ പട്ടികയിലെ തന്നെ ചില വൈരുധ്യങ്ങള്‍.

കരുത്തരെ പറ്റി രണ്ടു പട്ടികകളാണ് ഫോബ്സ് പ്രസിദ്ദീകരിച്ചിട്ടുള്ളത്. THE WORLD'S MOST POWERFUL PEOPLE, പിന്നെ THE WORLD'S 100 MOST POWERFUL WOMEN.

ആദ്യത്തെ ലിസ്റ്റ് നോക്കാം. ഈ ലിസ്റ്റു പ്രകാരം ആറാം സ്ഥാനത്തുള്ള ജര്‍മ്മന്‍ ചാന്‍സ് ലര്‍ എയ്ഞ്ചല മാര്‍ക്കല്‍ ആണ് ഏറ്റവും കരുത്തയായ സ്ത്രീ. തൊട്ടു പുറകില്‍ ഒന്‍പതാം സ്ഥാനത്തുള്ള നമ്മുടെ സോണിയ ഗാന്ധി. പിന്നീടു പതിനാറാം സ്ഥാനത്തുള്ള ബ്രസീലിന്റെ പുതിയ വനിതാ പ്രസിഡന്റ് ദില്‍മ രൌസേഫും ഇരുപതാം സ്ഥാനത്തുള്ള ഹില്ലരി ക്ലിന്റനും കഴിഞ്ഞാല്‍ ആകെയുള്ള സ്ത്രീ രത്നം അറുപത്തി നാലാം സ്ഥാനത്തുള്ള ടെലിവിഷന്‍ അവതാരക ഓപെറ വിന്‍ഫ്രി മാത്രമാണ്. ആകെ 68 പേരില്‍ 5 സ്ത്രീകള്‍ മാത്രം. ശതമാന കണക്കു നോക്കിയാല്‍ 7.35% മാത്രം. ( നമ്മുടെ സ്ത്രീ വാദികള്‍ ആരും തന്നെ ഈ സ്ത്രീ വിരുദ്ധ പട്ടിക കണ്ടില്ലെന്നു തോന്നുന്നു. സ്ത്രീകളെ ദുര്‍ബലകളാക്കി ചിത്രീകരിച്ച ഫോബ്സ് മാസികക്കെതിരെ തിരിഞ്ഞില്ലെങ്കിലും ആ പട്ടിക കൊട്ടി ഘോഷിച്ച ഇവിടത്തെ മാധ്യമങ്ങള്‍ക്കെതിരെ ഒരു പ്രസ്താവനയെങ്കിലും ആകാമായിരുന്നു.)

ഇനി അടുത്ത ലിസ്റ്റു നോക്കാം. കരുത്തരായ സ്ത്രീകളുടെ ലിസ്റ്റ്. സ്വാഭാവികമായ രീതിയില്‍ ഒന്നാമത് വരേണ്ടത് ആദ്യത്തെ പട്ടികയില്‍ മുന്നിലുള്ള എയ്ഞ്ചല മാര്‍ക്കല്‍ ആണ്.എന്നാല്‍ ഈ ലിസ്റ്റിലെ ഒന്നാമതും രണ്ടാമതും ഉള്ളവര്‍ ആദ്യത്തെ ലിസ്റ്റിലേ ഇല്ലാത്തവരാണ്. മൂന്നാമത് ആദ്യത്തെ ലിസ്റ്റിലെ അറുപത്തി നാലാം സ്ഥാനത്തുള്ള ഓപെറ വിന്‍ഫ്രി. നാലാമത് എയ്ഞ്ചല മാര്‍ക്കല്‍ എത്തിയപ്പോള്‍ അഞ്ചാമത് ഹില്ലരി ക്ലിന്റനും ആണെന്ന് ഫോബ്സ് പറയുന്നു. എന്നാല്‍ ആദ്യത്തെ ലിസ്റ്റില്‍ 16 - ആം സ്ഥാനത്തുള്ള ദില്‍മ ഇവിടെ 95 - ആം സ്ഥാനത്താണ്. ആദ്യ ലിസ്റ്റിലെ ഒന്‍പതാം സ്ഥാനത്തെ സോണിയ ഗാന്ധി ഈ ലിസ്റ്റില്‍ തന്നെ ഇല്ല. ഇനി ഈ പട്ടികകളുടെ അടിസ്താനത്തെക്കുറിച്ചു കൂടുതല്‍ പറയേണ്ടല്ലോ. വേണമെങ്കില്‍ വനിതകളുടെ ലിസ്റ്റ് കുറച്ചു മാസങ്ങള്‍ക്ക് മുന്‍പ് പ്രസിദ്ദീകരിച്ചതാണെന്നു പറയാം. പക്ഷെ അതിലെ വ്യക്തികളുടെ പ്രൊഫൈല്‍ പുതിയ ലിസ്റ്റിലെ തന്നെയാണ്. പരസ്പര ബന്ധമില്ലാത്ത ഇത്തരം തരികിടകള്‍ ആരെ തൃപ്തിപ്പെടുത്താനാണ്?

ലിസ്റ്റിലെ ശക്തരും ലിസ്റ്റില്‍ ഇല്ലാത്ത അശക്തരും.

ആത്മീയ നേതാക്കളായ പോപ്‌ ബെനഡിക്റ്റ് പതിനാറാമന്‍, ദലൈ ലാമ തുടങ്ങിയ ഭയങ്കരന്മാര്‍ക്കൊപ്പം പാവം ഒസാമ ബിന്‍ ലാദനും 57 - ആമനായി പട്ടികയില്‍ കയറിക്കൂടിയിട്ടുണ്ട്. ഇങ്ങനെ ഒരു പട്ടികയിലെങ്കിലും ഇവരെയെല്ലാം ഒരു മാലയില്‍ കോര്‍ത്ത ഫോബ്സ് മാസികയെ അഭിനന്ദിക്കാതെ വയ്യ. തങ്ങളെ ഇങ്ങനെ ഒരു പട്ടികയില്‍ കൊള്ളക്കാര്‍ക്കും മത വിരോധികള്‍ക്കും ഒപ്പം ( അതും അവരെക്കാള്‍ ദുര്‍ബലരാണെന്ന രീതിയില്‍) അവതരിപ്പിച്ചതിനെതിരെ ആത്മീയ നേതാക്കളൊന്നും ഇതുവരെ പ്രതികരിച്ചില്ല എന്നത് വിചിത്രം തന്നെ. ഒരു പക്ഷെ അവര്‍ തന്നെ ഞെട്ടിക്കാണും തങ്ങള്‍ ഇത്ര ശക്തരോ എന്ന്. മതപരമായ കാര്യങ്ങളില്‍ അല്ലാതെ ലോകത്തെ ഒരു കാര്യത്തിലും ഇട പെടാന്‍ കഴിയാത്ത, (ഒരിക്കല്‍ ഇടപെട്ടതിനോട് ജോര്‍ജ് ബുഷ്‌ തിരിച്ചിടപെട്ടത്‌ ആരും മറന്നിട്ടില്ല) താന്‍ ലോകത്തെ അഞ്ചാമത്തെ കരുത്തനാണെന്നത് ഫോബ്സ് പറഞ്ഞപ്പോഴായിരിക്കും പിതാവ് അറിഞ്ഞു കാണുക. ഇനി ദലൈ ലാമയുടെ കാര്യമെടുത്താല്‍ സ്വന്തം രാജ്യത്ത് നില്‍ക്കാനാവാതെ പലായനം ചെയ്യേണ്ടി വന്ന ഒരു നേതാവാണ്‌ അദ്ദേഹം. അദ്ദേഹത്തിന്‍റെ ജനത ഇപ്പോഴും അഭയാര്‍ഥികളായി തന്നെ കഴിയുന്നു. താന്‍ ശക്തനാനെന്നു എങ്ങനെ ഫോബ്സ് കണ്ടെത്തിയെന്നു അദ്ദേഹം ചിന്തിച്ചു വശാകുന്നുണ്ടാകും. ഇനി ഒസാമ ബിന്‍ ലാദന്റെ കാര്യമെടുത്താലോ, ലോകത്തിനു മുന്നില്‍ വരാന്‍ ഭയന്ന് ഇപ്പോഴും കഴിയുന്ന അദ്ദേഹം എതിരാളികളെ ചെറിയ തോതില്‍ വിഷമിപ്പിക്കുന്നതോഴിച്ചാല്‍ എങ്ങനെയാണ് രാജ്യങ്ങളെക്കാള്‍ ശക്തനാനെന്നു ഫോബ്സ് കണ്ടെത്തിയതെന്നതും അജ്ഞാതം.

ഒരു കാര്‍ട്ടൂണോ സിനിമയിലെ സംഭാഷണമോ, ചോദ്യപേപ്പറിലെ ചോദ്യമോ ഒക്കെ കാണുമ്പോഴേക്കും കലിയിളകി ഉറഞ്ഞു തുള്ളുന്ന ആത്മീയ വാദികള്‍ പട്ടിക കണ്ടിട്ടുണ്ടാവില്ല എന്ന് തോന്നുന്നു. എന്തായാലും കുറഞ്ഞത്‌ ഒരു കമ്മ്യൂണിസ്റ്റുകാരനെക്കാള്‍ എങ്കിലും ദുര്‍ബലനാണ് മാര്‍പാപ്പ എന്ന് പ്രഖ്യാപിക്കാന്‍ ഫോബ്സിന് കഴിഞ്ഞിരിക്കുന്നു. ആ ധീരതക്ക് ഫോബ്സിനും പട്ടികയില്‍ ഒരു സ്ഥാനം അവകാശപ്പെടാവുന്നതാണ്. അടുത്ത പട്ടിക ഇറക്കുമ്പോള്‍ നമ്മുടെ സത്യസായി ബാബയും അമൃതാനന്ദമയിയും ഒക്കെ ലിസ്റ്റില്‍ വന്നാലും അത്ഭുതപ്പെടേണ്ട.

ലിസ്റ്റിലെ പാവപ്പെട്ടവര്‍ ഇനിയുമുണ്ട്. 60 - ആം സ്ഥാനത്തുള്ള ജോവക്വിന്‍ ഗസ്മന്‍ ലോറ അതില്‍ വിശേഷപ്പെട്ട ഒരാളാണ്. മെക്സിക്കോ ആണ് പുള്ളിയുടെ ദേശം. തൊഴില്‍ മയക്കുമരുന്ന് കള്ളക്കടത്ത്. മെക്സിക്കോ ഭരണകൂടത്തെ ഭയന്ന് ഒളിവില്‍ കഴിയുന്ന ഇദ്ദേഹം എങ്ങനെയാണ് ഫോബ്സിന് മുന്നില്‍ ശക്തി തെളിയിച്ചതെന്നത് കക്ഷിയെപ്പോലെ തന്നെ അജ്ഞാതം. എന്തൊക്കെയായാലും കരുത്തനായ മെക്സിക്കോ പ്രസിഡന്റ് ഫെലിപ്പേ കാല്‍ഡറോണെക്കാള്‍ ശക്തനാണ് ഈ കള്ളക്കടത്ത്കാരന്‍ എന്ന കണ്ടു പിടിത്തം തീര്‍ച്ചയായും ശ്ലാഘിക്കേണ്ടത് തന്നെ. പിന്നെ ഒരാള്‍ 63 - ആം സ്ഥാനത്തുണ്ട്. കക്ഷിയെ നമ്മളില്‍ പലരും കണ്ടിട്ടില്ലെങ്കിലും കേട്ടറിവ് കാണാതിരിക്കില്ല. ദാവൂദ് ഇബ്രാഹിം ലാസ്കര്‍. ഭരണകൂടങ്ങളെ ഭയന്ന് ഒളിച്ചു കഴിയുന്ന ഇവരെ പോലുള്ളവര്‍ ഉള്ളപ്പോള്‍ ഒസാമ ബിന്‍ ലാദന്‍ ലിസ്റ്റില്‍ ഇല്ലെങ്കിലല്ലേ അതിശയമുള്ളൂ. ഒരു പക്ഷെ ജീവനോടെ ഉണ്ടായിരുന്നെങ്കില്‍ വീരപ്പനും പ്രഭാകരനും ഒക്കെ ഈ ലിസ്റ്റില്‍ ഉണ്ടായേനെ. പക്ഷെ അടുത്തകാലത്ത് ലോകം കണ്ട ഏറ്റവും വലിയ ആഭ്യന്തര യുദ്ദത്തെ ധീരമായി അമര്‍ച്ച ചെയ്ത ശ്രീലങ്കന്‍ പ്രസിടന്റ്റ് മഹീന്ദ രാജപക്ഷെ ഈ ലിസ്റ്റില്‍ പെട്ടിട്ടുമില്ല. സ്വേച്ഛാധിപത്യമാണ് കരുത്തിന്റെ ലക്ഷണമെന്നാണല്ലോ ഫോബ്സിന്റെ പക്ഷം. അങ്ങനെ എങ്കില്‍ സിംബാബ്വെ പ്രസിടന്റ്റ് റോബര്‍ട്ട്‌ മുഗാബെയും അതില്‍ കാണണമായിരുന്നു. 18 വര്‍ഷമായി മ്യാന്മാറിന്റെ പരമാധികാരിയായി ഭരിക്കുന്ന പട്ടാള മേധാവി ജെനറല്‍ താന്‍ ഷ്വെ ആ പട്ടികയില്‍ ഉണ്ടാകുമായിരുന്നു. പിന്നെ പതിറ്റാണ്ടുകളായി ഈജിപ്റ്റ്‌ ഭരിക്കുന്ന ഹോസ്നി മുബാറക്, ഇവരൊക്കെ തന്നെ ഈ ലിസ്റ്റിലെ പലരെക്കാളും ( ജനാധിപത്യത്തില്‍ അടുത്ത തെരഞ്ഞെടുപ്പു വന്നാല്‍ തീരാവുന്ന ശക്തിയെ ഇതു നേതാവിനും ഉള്ളൂ. ) ശക്തരാണ്; ഫോബ്സ് ശക്താരാണെന്ന് പറയാന്‍ കാട്ടുന്ന കാരണങ്ങള്‍ അടിസ്ഥാനമാക്കിയാല്‍ തന്നെ. പിന്നെ എന്ത് കൊണ്ട് ഈ പട്ടിക?

ഫോബ്സിന്റെ ഇടതുപക്ഷ സോഷ്യലിസ്റ്റ് വിരോധം.

ആദ്യം തന്നെ ലിസ്റ്റിലെ രണ്ടു കമ്മ്യൂണിസ്റ്റ് രാഷ്ട്രങ്ങളുടെ തലവന്മാരെ കുറിച്ചുള്ള കുറിപ്പ് നോക്കാം.

ആദ്യം ഒന്നാം സ്ഥാനത്തുള്ള ചൈനീസ് പ്രസിടണ്ട് ഹു ജിന്താവോ. "ലോക ജനസംഖ്യയുടെ അഞ്ചിലൊന്നു ഭാഗം വരുന്ന ചൈനീസ് ജനതയെ സ്വേച്ഛാധിപത്യത്തിനടുത്തുനില്‍ക്കുന്ന രീതിയില്‍ ഭരിക്കുന്നു. ലോകത്തിലെ ഏറ്റവും അംഗബലമുള്ള സൈനിക ശക്തിയുടെ മേധാവിയായ അദ്ദേഹത്തിന് നദികളുടെ വഴി തിരിച്ചുവിടാനും നഗരങ്ങള്‍ പണിയാനും കോടതിയുടെയോ ഉദ്യോഗസ്ഥരുടെയോ ഇടപെടലില്ലാതെ വിമതരെ ജയിലിലിടാനും ഇന്റര്‍നെറ്റിനു നിയന്ത്രണമേര്‍പ്പെടുത്താനും കഴിയുന്നു"

അടുത്തത്‌ 31 - ആം സ്ഥാനത്തുള്ള ഉത്തര കൊറിയയുടെ പരമാധികാരി കിം ജോങ്ങ് ഇല്‍ ആണ്. " അലട്ടുന്ന ശാരീരികാസ്വാസ്ഥ്യങ്ങള്‍ക്കിടയിലും രാജ്യത്തെ 22.7 മില്ല്യന്‍ ജനങ്ങളുടെയും രാജ്യത്തെ ആണവ ശക്തിയുടെയും മേല്‍ അപകടകരമായ അധീശത്വവും നിയന്ത്രണവും നിലനിര്‍ത്തി പോരുന്നു. ലോകത്തെ ഇപ്പോഴും മുള്‍മുനയില്‍ നിര്‍ത്താന്‍ ശ്രമിച്ചുകൊണ്ടിരിക്കുന്നു."

ഈ രണ്ടു നേതാക്കളുടെ വിശേഷണങ്ങളും ഒറ്റനോട്ടത്തില്‍ തന്നെ മനസ്സിലാക്കാം അവരെ പുകഴ്ത്തിക്കൊണ്ടുള്ളതല്ല മറിച്ച് താഴ്ത്തി കെട്ടാന്‍ വേണ്ടി മാത്രമുള്ളതാണെന്ന്. അവരുടെ ഭരണ നേട്ടങ്ങള്‍ ഒന്നുമില്ല, പകരം നദി തിരിച്ചു വിടുക എതിരാളികളെ ജയിലിലിടുക തുടങ്ങി താന്തോന്നിത്തരങ്ങള്‍ മാത്രമാണ് അവരെ കരുത്തന്മാരുടെ പട്ടികയില്‍ എത്തിച്ചതെന്നാണ് ഫോബ്സ് വ്യക്തമാക്കുന്നത്. മുകളില്‍ സൂചിപ്പിച്ച കള്ളക്കടത്ത്കാരുടെയും ഭീകരവാദികളുടേയും പ്രൊഫൈല്‍ മാറ്റി നിര്‍ത്തിയാല്‍ മറ്റാരെക്കുറിച്ചും നിഷേധാത്മക വിവരണം ഇല്ല എന്ന് കാണാം. ചുരുക്കത്തില്‍ അവരെ മുകളിലുള്ളവരെ പോലെ തന്നെയാണ് ഫോബ്സ് പരിഗണിക്കുന്നതെന്ന് വേണം മനസ്സിലാക്കാന്‍. ഒരു പക്ഷെ ഇവരുടെ കൂടെ അവതരിപ്പിക്കാന്‍ മാത്രമാവണം അവരെ പട്ടികയില്‍ ഉള്‍പ്പെടുത്തിയതും. അമേരിക്കന്‍ മാധ്യമങ്ങള്‍ സോഷ്യലിസ്റ്റ് അനുഭാവ രാഷ്ട്രങ്ങളോട് എന്നും പുലര്‍ത്തിയിരുന്ന വിരോധത്തിന്റെ മറ്റൊരു പതിപ്പ് മാത്രമാണ് ഈ ലിസ്റ്റ് എന്ന് വിശദമായി നോക്കിയാല്‍ മനസ്സിലാകും. അമേരിക്കയോട് വിധേയത്വം പുലര്‍ത്താത്ത രാഷ്ട്ര നേതാക്കളെ പരോക്ഷമായി വിമര്‍ശിക്കാനും ഫോബ്സ് മടിക്കുന്നില്ല. ഇറാന്‍ പ്രസിടന്റ്റ് മെഹമൂദ് അഹമദി നിജാദിനെകുറിച്ചു നിഷേദാത്മകമായ പ്രസ്താവന അലി ഖൊമേനിയുടെ പ്രൊഫൈലില്‍ എഴുതിയിട്ടുണ്ട്. ഇറാനോട് അമേരിക്കക്കുള്ള വിരോധം ഈ പ്രൊഫൈലിലും വായിക്കാവുന്നതാണ്. കൂടാതെ ലോകത്തെ ശക്തരായ നേതാക്കളില്‍ മുന്നിലുള്ള ആളായ ഒപെക് രാജ്യങ്ങളില്‍ മുന്‍നിരയില്‍ ഉള്ള വെനിസ്വെലയുടെ പ്രസിടന്റ്റ് ഹ്യൂഗോ ഷാവെസിനെയും ഫോബ്സ് ഒഴിവാക്കിയത് തുടര്‍ച്ചയായ അമേരിക്കന്‍ വിരുദ്ധ നിലപാടുകള്‍ കൊണ്ട് തന്നെയാവണം. ഒസാമ ബിന്‍ ലാദനെക്കാള്‍ ധീരതയോടെ അമേരിക്കക്ക് തൊട്ടടുത്തു നിന്ന് കഴിഞ്ഞ അരനൂറ്റാണ്ടായി പരസ്യമായി അമേരിക്കയെ വെല്ലുവിളിച്ചു കൊണ്ടിരിക്കുന്ന ക്യൂബന്‍ നേതാവ് ഫിദല്‍ കാസ്ട്രോയും ലിസ്റ്റില്‍ പെടുത്തിയില്ല. കാസ്ട്രോയോടു ഇതിനു മുന്‍പും ഫോബ്സ് മാസിക കൊമ്പു കോര്‍ത്തിട്ടുണ്ട്. 2005 - ഇല്‍ ലോകത്തെ സമ്പന്നരായ രാഷ്ട്ര തലവന്മാരുടെ പട്ടികയില്‍ എലിസബത്ത് രാജ്ഞിക്കും മീതെ പ്രതിഷ്ടിച്ചാണ് ഫോബ്സ് ഈ കമ്മ്യൂണിസ്റ്റ് നേതാവിനെ ബഹുമാനിച്ചത്. കാസ്ട്രോ അത് തെളിയിക്കാന്‍ അവരെ വെല്ലുവിളിച്ചെങ്കിലും ഫോബ്സിന് അതിനു കഴിഞ്ഞില്ല. പക്ഷെ എന്നിട്ടും അവര്‍ അദ്ദേഹത്തിന്‍റെ പേര് പട്ടികയില്‍ നിന്നും നീക്കിയില്ല. മുന്‍പ് പലസ്തീന്‍ നേതാവ് യാസര്‍ അറാഫത്തിനെയും ഫോബ്സ് ഇത്തരത്തില്‍ കൈകാര്യം ചെയ്ത ചരിത്രമുണ്ട്.

ചൈനയെ ലോക രാഷ്ട്രങ്ങള്‍ക്ക് മുന്നില്‍ ഇടിച്ചു താഴ്ത്തുക എന്ന ലക്ഷ്യത്തിന്റെ ഒരു തുടര്‍ച്ച തന്നെയാണ് ഈ ലിസ്റ്റ്. ഈ വര്‍ഷത്തെ നോബല്‍ സമ്മാനം ചൈനയില്‍ ജയിലില്‍ കിടക്കുന്ന നേതാവിന് നല്‍കിയതിനു പിന്നിലും അതെ ലക്ഷ്യമായിരുന്നിരിക്കണം. ലോക രാഷ്ട്രങ്ങളിലെ ജനതയ്ക്ക് മുന്നില്‍ ചൈന മനുഷ്യാവകാശങ്ങളെ കാറ്റില്‍ പരത്തുന്ന ഒരു രാഷ്ട്രമാണെന്ന് വരുത്തി തീര്‍ക്കണം. മുന്‍പ് ആങ്ങ് സാന്‍ സുകിക്ക് നോബല്‍ സമ്മാനം നല്‍കിയതും ഇതേ അവസ്ഥയായിരുന്നു. ലിയു സിയാബോയേക്കാള്‍ അര്‍ഹര്‍ ഇല്ലഞ്ഞിട്ടോന്നുമല്ല. ലിയുവിനെ കൊടുക്കൂ. അത് കൊണ്ട് തന്നെ ഹു ജിന്താവോയെ ഒന്നമാതാക്കി അപകീര്‍ത്തിപ്പെടുത്താന്‍ മാത്രമായിരിക്കണം ഈ ലിസ്റ്റ് ഇപ്പോള്‍ തന്നെ പ്രസിദ്ധീകരിച്ചത്. ഒബാമയെ രണ്ടാമതാക്കാന്‍ ഒരു കാരണം കാത്തിരുന്ന പോലെ. ചൈനയിലെ അടിച്ചമര്‍ത്തലുകളോട് യോജിക്കാന്‍ ആവില്ലെങ്കിലും മറ്റൊരു രാജ്യത്തിന്റെ ആഭ്യന്തര കാര്യങ്ങളില്‍ ഇടപെടാനുള്ള അമേരിക്കന്‍ ആക്രാന്തം അത്ര പോലും അനുവദിക്കാന്‍ ആവില്ല. അതിനു വേണ്ടി അവര്‍ ഉണ്ടാക്കുന്ന പഴുതുകള്‍ ആയല്ലാതെ ഇത്തരം ബഹുമതികളെയും കാണാനാവുന്നതെങ്ങനെ?

രസകരമായ മറ്റൊരു കാര്യം ദില്‍മ രൌസേഫിന്റെതാണ്. ബ്രസീലില്‍ സാങ്കേതിക തടസ്സങ്ങള്‍ കൊണ്ട് മാത്രം മത്സരിക്കാതിരുന്ന ഇപ്പോഴത്തെ പ്രസിഡന്റ് ലുല ഡാ സില്‍വ തന്നെയാണ് വര്‍ക്കേഴ്സ് പാര്‍ട്ടിയുടെയും ബ്രസീലിലേയും നേതാക്കളില്‍ ഒന്നാമന്‍. ദില്‍മ ജനുവരിയില്‍ മാത്രമേ അധികാരം ഏറ്റെടുക്കൂ എന്നിരിക്കെ അതിനു മുന്‍പേ തന്നെ അവരെ കരുത്തരുടെ നിലയില്‍ കൊണ്ടുവന്നത് ബ്രസീലിന്റെ അമേരിക്കന്‍ വിധേയത്വവും ഇറാനോടുള്ള എതിര്‍പ്പും കൊണ്ട് തന്നെയാവണം.

ഫോബ്സിന്റെ വംശീയ വര്‍ഗീയത.

രണ്ടു അമേരിക്കക്കാരെ (ഒബാമയും ഓപെറ വിന്ഫ്രിയും) മാറ്റി നിര്‍ത്തിയാല്‍ ലിസ്റ്റില്‍ മറ്റു കറുത്ത വര്‍ഗക്കാര്‍ ആരും തന്നെ ഇല്ല എന്നതും ശ്രദ്ദേയം. ദക്ഷിണാഫ്രിക്കന്‍ പ്രസിഡന്റ് ജേക്കബ് സുമയും നെല്‍സന്‍ മണ്ടേലയും റോബര്‍ട്ട് മുഗാബെയും ജോര്‍ജ് വിയയും ഈ ലിസ്റ്റിലെ പലരെക്കാളും ശക്തമായി തീരുമാനങ്ങള്‍ നടപ്പിലാക്കാന്‍ കഴിവുള്ളവര്‍ ആയിരിക്കുമ്പോഴും അവരെ ഫോബ്സിന്റെ കണ്ണില്‍ പെടാതെ പോയത് വംശീയ വിരോധം കൊണ്ട് കൂടി ആയിരിക്കണം. കുറച്ചു അമേരിക്കന്‍ ബന്ധമുള്ള വ്യവസായികള്‍ മാത്രമാണ് ലോകത്തെ ശക്തര്‍ എന്നെഴുതിയാല്‍ ആരും അംഗീകരിക്കില്ല എന്ന് തോന്നിയത് കൊണ്ടാകാം ലിസ്റ്റ് 68 ആക്കി നീട്ടിയത്. ഇന്ത്യയിലെയും ചൈനയിലെയും ആളുകളെ കൂടി ഉള്‍പ്പെടുത്തുന്നത് ഈ ലിസ്റ്റിന്റെ പ്രചാരത്തിനു വേണ്ടി മാത്രം ആണെന്നതില്‍ ഒരു സംശയവും വേണ്ട. ലോകത്തെ വലിയ കമ്പോളമായ ഇന്ത്യയെ അവഗണിച്ചു കൊണ്ട് ഒരു ലിസ്റ്റ് തയ്യാറാക്കാന്‍ മാത്രം വിഡ്ഢികള്‍ അല്ലല്ലോ അമേരിക്കന്‍ മാധ്യമങ്ങള്‍. സൌന്ദര്യ മത്സരങ്ങളുടെ മറ്റൊരു പതിപ്പായി മാത്രമേ ഈ സ്ഥാനങ്ങളെയും കാണേണ്ടതുള്ളൂ. മാധ്യമ ഭീമന്‍ റൂപ്പര്‍ട്ട് മര്‍ഡോക്ക് ലിസ്റ്റില്‍ ഉണ്ടാവുമ്പോള്‍ അദ്ദേഹത്തിന്‍റെ മാധ്യമങ്ങള്‍ അത് ലോകം മുഴുവന്‍ പ്രചരിപ്പിക്കുകയും ചെയ്തോളും..

ഇത്തരമൊരു പട്ടികയുടെ സാധുത, വൈരുധ്യങ്ങള്‍ തുറന്നു കാട്ടുന്നതിന് പകരം ആ പട്ടിക അവസാന വാക്കെന്നവണ്ണം അവതരിപ്പിക്കുന്നതില്‍ നമ്മുടെ മാധ്യമങ്ങളും മുന്നില്‍ തന്നെ നിന്ന് എന്നത് ഖേദകരമാണ്. നെഹ്രുവിനു ശേഷം ഇന്ത്യ കണ്ട ഏറ്റവും മികച്ച പ്രധാനമന്ത്രി ആണ് മന്‍മോഹന്‍ എന്നാണു മാസികയുടെ പക്ഷം. ഇന്ത്യയിലെ വേണ്ട കൊണ്ഗ്രസിലെ തന്നെ കരുത്തരുടെ പട്ടികയെടുത്താല്‍ ഫോബ്സിന്റെ പട്ടികയിലെ സ്ഥാനം പോലും ഒന്ന് മൂളാന്‍ 10 - ആം ജന്‍പഥിലേക്ക് നോക്കേണ്ട നമ്മുടെ പ്രധാനമന്ത്രിക്ക് കിട്ടുമോ എന്ന് സംശയമാണ്. പ്രകാശ് കാരാട്ടിനെയും പിണറായി വിജയനെയും കരുത്തരായി അംഗീകരിക്കാത്തത് കൊണ്ടോ എന്തോ ദേശാഭിമാനി വളരെ സംയമനത്തോടെ അവസാന പേജിലാണ് ചൈനീസ് സഖാവ് ഒബാമയെ മറിച്ചിട്ട വാര്‍ത്ത വലിയ പ്രാധാന്യമോന്നുമില്ലാതെ നല്‍കിയത്. കുറച്ചു കോപ്പികള്‍ കൂടുതല്‍ വിറ്റഴിക്കുക എന്നതിനപ്പുറം ഒരു മസ്തിഷ്ക പ്രക്ഷാളനം കൂടി ഇത്തരം പട്ടികകള്‍ക്ക് പിന്നില്‍ ഒളിച്ചിരിക്കുന്നുണ്ടെന്നു നമ്മുടെ പത്രങ്ങള്‍ക്കു അറിയാത്തതോ അതോ അറിഞ്ഞിട്ടും അറിവില്ലെന്ന് നടിക്കുന്നതോ?
RELATED POST : നുണകള്‍ നുണകള്‍ സര്‍വേകള്‍ .....

ഇതും ബ്ലോഗ്‌ തന്നെ???

2010-10-20T14:47:00.010+05:30

ബ്ലോഗില്‍ ഒരു പാട് സൃഷ്ടികള്‍ ദിനവും ഉണ്ടാകുന്നുണ്ട്. പലതും വായിക്കാന്‍ കഴിയാറില്ലെങ്കിലും സ്ഥിരമായി നോക്കുന്ന ബ്ലോഗുകളും ഉണ്ട്. കഴിഞ്ഞ ദിവസം ഫേസ് ബുക്കില്‍ കണ്ട ഒരു പ്രൊഫൈലില്‍ നിന്ന് കിട്ടിയ ഒരു ബ്ലോഗ്‌ ആണ് ഇവിടെ ഈ കുറിപ്പിനാധാരം. അഖില ഹെന്‍ട്രി എന്ന പെണ്‍കുട്ടിയുടെ പ്രൊഫൈലില്‍ കൊടുത്തിരിക്കുന്ന ലിങ്ക് ആയിരുന്നു അത്. ബ്ലോഗിന്റെ പേര് വിചിത്രമാണ്. The last KIss Is mInE TO take HoMe. ബ്ലോഗ്ഗില്‍ പ്രൊഫൈല്‍ പേര് കൊടുത്തിരിക്കുന്നത് midnight murderer എന്നാണു. അഖിലയെ കുറിച്ചു പല സുഹൃത്തുക്കളില്‍ നിന്നും മുന്‍പ് കേട്ട് പരിചയം ഉണ്ടായിരുന്നത് കൊണ്ട് തന്നെ കൌതുകത്തോടെ ആണ് ആബ്ലോഗ് വായിച്ചു തുടങ്ങിയത്. കൂടുതലൊന്നും ഞാന്‍ പറയുന്നില്ല. നിങ്ങള്‍ തന്നെ പറയൂ.
ഏറ്റവും അരോചകമെന്നു തോന്നിയത് : manassaastram
പക്ഷെ ബാക്കിയുള്ളതു മോശമല്ല. ക്ഷമിക്കുക, നിങ്ങളെ നല്ലൊരു ബ്ലോഗ്‌ പരിചയപ്പെടുത്തമെന്ന പ്രതീക്ഷയില്‍ നിരാശപ്പെടുത്തിയെങ്കില്‍. പക്ഷെ ഇങ്ങനെയും ഇവിടെ എഴുത്തുകള്‍ നടക്കുന്നുണ്ടെന്നും അറിഞ്ഞിരിക്കുന്നത് നല്ലതല്ലേ.

എന്തിരനെ വിമര്‍ശിക്കുന്നവരോട് ഒരു വാക്ക്.

2010-10-19T16:44:00.013+05:30

ക്ഷമിക്കുക, ഇത് സിനിമയെക്കുറിച്ച് ഇഴ കീറി പരിശോധിക്കുന്ന നിരൂപകന്റെ കുറിപ്പല്ല. ഈയുള്ളവന്‍ നിരൂപണത്തിന് സംസ്ഥാന അവാര്‍ഡ്‌ സംഘടിപ്പിക്കാന്‍ കഴിഞ്ഞിട്ടുള്ളവനും അല്ല. ഇത് യന്തിരന്‍ ആസ്വദിച്ച ഒരു സാദാരണ സിനിമാ പ്രേക്ഷകന്റെ ചിന്തകള്‍ മാത്രം.

കഴിഞ്ഞ ദിവസം newshouse.in എന്ന ഒരു വെബ് സൈറ്റില്‍ യന്തിരന്‍ പുനര്‍വായന എന്നൊരു ലേഖനം കാണാനിടയായി. സംസ്ഥാന അവാര്‍ഡ്‌ നേടിയ സിനിമ നിരൂപകനും പത്രപ്രവര്‍ത്തകനും രണ്ടു ദശകങ്ങളായി മീഡിയ ഇന്‍ടസ്ട്രിയില്‍ വിഹരിക്കുന്നവനും ഒക്കെ ആണെന്ന അവകാശവാദവുമായി കന്യക ദ്വൈ വാരികയുടെ എഡിറ്റര്‍ ശ്രീമാന്‍ എ ചന്ദ്രശേഖര്‍ അവര്‍കള്‍ ആണ് ടി ലേഖനം പടച്ചു വിട്ടിരിക്കുന്നത്. പക്ഷെ മേല്‍പ്പറഞ്ഞ നിലവാരമൊക്കെ ലേഖനം വായിക്കുന്നവര്‍ പ്രതീക്ഷിച്ചാല്‍ മമ്മൂട്ടിയുടെ ദ്രോണ സിനിമ കണ്ട അവസ്ഥയാവും.

കരുണാനിധിയുടെ യുക്തിയും മറ്റും പുകഴ്ത്തി തുടങ്ങിയ ലേഖനം എന്തിരന്‍ എന്ന ഒരു ചിത്രം മാത്രം ആധാരമാക്കി കലൈഞ്ജറുടെ പുതു തലമുറ ആ യുക്തി ബോധം ഇല്ലാത്തവര്‍ ആണെന്നാണ് നമ്മുടെ അവാര്‍ഡു പുലി കണ്ടെത്തിയിരിക്കുന്നത്. വാര്‍ധക്യം അദ്ദേഹത്തെയല്ല നമ്മുടെ രചയിതാവിനെ ആണ് ബാധിച്ചിരിക്കുന്നതെന്ന് പറയാന്‍ മാത്രമേ ഈയുള്ളവന് കഴിയൂ. യന്തിരന്‍ എന്ന ഒരു ചിത്രം എടുത്തത് കൊണ്ട് അവരുടെ ആദര്‍ശങ്ങളില്‍ എന്ത് വീഴ്ചയാണ് ശ്രീമാന്‍ എ ചന്ദ്രശേഖര്‍ കണ്ടെത്തിയത്? സിനിമയെ സിനിമ ആയും രാഷ്ട്രീയത്തെ രാഷ്ട്രീയം ആയും കാണാനുള്ള ബോധം പോലുമില്ലാത്ത ആളാണോ ഇരുപതു കൊല്ലം മീഡിയയില്‍ വിലസിയത്. കന്യകയുടെ അവസ്ഥ ഓര്‍ത്ത്‌ സഹതാപം തോന്നുന്നു. സണ്‍ പിക്‌ചേഴ്‌സ്‌ എന്തിരന്റെ നിര്‍മ്മാണം ഏറ്റെടുക്കാന്‍ ഉണ്ടായ സാഹചര്യങ്ങള്‍ മിടുക്കനായ സിനിമാ നിരൂപകന്‍ മറന്നു. ( അതോ എന്തിരനെ എതിര്‍ക്കാന്‍ വേണ്ടി മാത്രമായി മറന്നതായി നടിക്കുന്നതോ. ) സാമ്പത്തിക മാന്ദ്യത്തിന്റെ പേരില്‍ ഇറോസ് എന്റര്‍ടൈന്‍മെന്റ്സ് നിര്‍മ്മാണത്തില്‍ നിന്നും പിന്മാറിയതോടെ പ്രോജക്റ്റ് നടക്കില്ല എന്നാ അവസ്ഥയിലാണ് കലാനിധി മാരന്‍ ഇത് ഏറ്റെടുക്കുന്നത്. തന്നെയുമല്ല ഈ ചിത്രം ഇത്ര വലുതായി ചെയ്യാന്‍ കഴിവുള്ള നിര്‍മ്മാണ കമ്പനി റിലയന്‍സ്‌ ബിഗ്‌ പിക്‌ചേഴ്‌സ്‌ മാറ്റി നിര്‍ത്തിയാല്‍ പിന്നെ ഏതാണുള്ളത്. പിന്നെ ആദര്‍ശം. താങ്കളുടെ കന്യകയില്‍ വരുന്ന ഗോസ്സിപ്പ് സെലിബ്രിറ്റി ലേഖനങ്ങള്‍ മാത്രം എടുത്തു പറഞ്ഞാല്‍; താങ്കളുടെ നിലവാരം അത്ര മാത്രമാണെന്ന് പറഞ്ഞാല്‍... എന്തിനാണ് സുഹൃത്തെ വെറുതെ... സിനിമ കലാനിധി മാരന് വ്യവസായമാണ്‌. ആ അര്‍ത്ഥത്തില്‍ എന്തിരന്‍ ഒരു വമ്പന്‍ വിജയവുമാണ്‌. 162 കോടി രൂപ മുടക്കി എടുത്ത ചിത്രം 17 ദിവസങ്ങള്‍ കൊണ്ട് തന്നെ ലോകത്താകമാനം 320 ഓളം കോടി രൂപ നേടിയെടുത്തു എന്നാണ് കണക്കുകള്‍. ഇനിയും എത്രയോ പ്രദര്‍ശനങ്ങള്‍ ബാക്കി ഇരിക്കുന്നു. അല്ലാതെ സിനിമ നിര്‍മിച്ചു നാട്ടുകാരെ പ്രബുദ്ധരാക്കാം എന്ന് കലാനിധി മാരന്‍ ശ്രീമാന്‍ എ ചന്ദ്രശേഖരന് വല്ല കരാറും ഒപ്പിട്ടു തന്നിട്ടുണ്ടോ. ഇപ്പറയുന്ന കരുണാനിധിയുടെ ചിത്രങ്ങളിലും കച്ചവട ചിത്രങ്ങള്‍ ഉണ്ടായിരുന്നില്ലേ. കണ്ണടച്ചാല്‍ ലോകം ഇരുട്ടിലാണ് എന്നാ ചിന്ത മാറ്റി വച്ച് നിരൂപണം എഴുതിയാല്‍ സ്വയം അപഹാസ്യനാവാതെ രക്ഷപ്പെടാം. അല്ലെങ്കില്‍ താങ്കള്‍ കരുണാനിധിയുടെ പുതു തലമുറയെ കുറിച്ചു എഴുതിയ പോലെ താങ്കളെ കുറിച്ചും എഴുതേണ്ടി വരും.

വെറുമൊരു പ്രണയകഥയായ ജീന്‍സും ( എ ചന്ദ്രശേഖറെ പോലുള്ള ബുജി അവാര്‍ഡു നിരൂപകര്‍ സിബ്ബില്ലാത്ത ജീന്‍സ് എന്നാണു അക്കാലത്ത് ചിത്രത്തെ വിശേഷിപ്പിച്ചത്‌.) ജെന്റില്‍മാനും കാതലനും ഇന്ത്യനും മുതല്‍വനും ബോയ്സും ശിവാജിയും ഒക്കെ അതിലെ ഏതെങ്കിലും ഒരംശത്തിന്റെ പേരില്‍ ഇഷ്ടപ്പെട്ടിരുന്നു എന്നാണ് ശ്രീ എ ചന്ദ്രശേഖരന്‍ പറയുന്നത്.

"വാസ്‌തവം പറയട്ടെ, ശങ്കറിന്റെ നാളിതുവരെയുള്ള എല്ലാ ചിത്രങ്ങളും അവയുടെ ഏതെങ്കിലും അംശത്തിന്റെ/ അംശങ്ങളുടെ പേരില്‍ ഇഷ്ടപ്പെട്ടിട്ടുണ്ട്‌ എനിക്ക്‌. ശങ്കര്‍ പോലും ഓര്‍മ്മിക്കാന്‍ ആശിക്കാത്ത ബോക്‌സോഫീസ്‌ ദുരന്തമായിരുന്ന ബോയ്‌സ്‌ എന്റെ ഇഷ്ടചിത്രങ്ങളില്‍ ഒന്നു പോലുമാണ്‌.

രജനീകാന്തിന്റെ തന്നെ ശിവജിയടക്കം ശങ്കറിന്റെ സിനിമകളെയെല്ലാം ഏതെങ്കിലും തലത്തില്‍ സ്‌നേഹിക്കുന്ന എന്നെപ്പോലുള്ളവരെ തീര്‍ത്തും വിഡ്‌ഢികളാക്കുന്നതാണ്‌ യന്തിരന്‍ എന്ന ഈ സിനിമാഭാസം."

ബോയ്സ് ഇഷ്ട ചിത്രങ്ങളില്‍ ഒന്നാണ് എന്ന് പറയുന്ന ആള്‍ എന്തിരന്‍ ഇഷ്ടമല്ല എന്ന് പറഞ്ഞോട്ടെ. എന്താണ് കാരണം എന്ന് ഒന്ന് പറയേണ്ടേ. ജീന്‍സിനെക്കാലും ശിവാജിയെക്കാളും മോശമാണ് എന്തിരന്‍ എന്ന് താങ്കള്‍ നിരീക്ഷിക്കുന്നത് ഏതു കണ്ണിലൂടെ ആണ്? അതിനു കാരണമായി അദ്ദേഹം പറയുന്നത് ഇങ്ങനെ ആണ്.

"കഥാഗതി നമ്മുടെ ബുദ്ധിയെ ചോദ്യം ചെയ്യുന്നു എന്നതിലല്ല എനിക്കു വിഷമം. അല്ലെങ്കിലും ശങ്കര്‍ സിനിമ ഞാന്‍ കാണാന്‍ പോകുന്നത്‌ കുട്ടിസ്രാങ്കോ, എലിപ്പത്തായമോ കാണാന്‍ പോകുന്ന മാനസികാവസ്ഥയില്‍ അല്ലല്ലോ. എന്നാല്‍ യന്തിരന്‍ നിരാശപ്പെടുത്തുന്നത്‌ നല്ലൊരു ഹോളിവുഡ്‌ പ്രമേയത്തെ സുരാജ്‌ വെഞ്ഞാറമ്മൂടിന്റെ ഭാഷയില്‍ പറഞ്ഞാല്‍ തനി കൂതറയാക്കിയതിനാലാണ്‌."

സത്യത്തില്‍ തനി കൂതറ ആയി എനിക്ക് തോന്നിയത് താങ്കളുടെ ഈ ഘടാ ഘടിയന്‍ നിരൂപണമാണ്. താങ്കള്‍ എഡിറ്ററായ കന്യക വനിതയുടെ കൂതറ മോഡല്‍ ആണെന്ന് പറഞ്ഞാല്‍ എങ്ങനിരിക്കും. ഏതൊരു ഹോളീവുഡ് ചിത്രത്തോടും കിട പിടിക്കുന്നതാണ് അതിന്റെ ഗ്രാഫിക്സ് എന്നാണ് എനിക്ക് തോന്നിയത്. പിന്നെ പ്രമേയം സയന്‍സ് ഫിക്ഷന്‍ എന്നും പറഞ്ഞു അന്യഗ്രഹ ജീവികള്‍ വന്നു യുദ്ദം ചെയ്യുന്ന ചവറുകള്‍ ആണ് ഹോളീവുഡില്‍ കൂടുതലും. വെറുതെ അങ്ങ് കൂതറയാക്കി എന്ന് പറയുമ്പോള്‍ അതില്‍ എന്താണ് കൂതറയായി തോന്നിയ അംശം എന്നൊന്ന് പറയാതെ വെറുതെ അങ്ങ് പറയുമ്പോള്‍ തങ്കളുടെ നിരീക്ഷണം കൂതറ ആയി എന്നല്ലാതെ മറ്റൊന്നും പറയാനില്ല. ബോയ്സ് ഇഷ്ട ചിത്രമാക്കിയത് താന്‍ വെറും ഒരു ബുജിയല്ല വാണിജ്യ ചിത്രങ്ങളും ഇഷ്ടപ്പെടുന്ന ആളാണ്‌ എന്ന് സ്വയം ബോധിപ്പിക്കാനാണോ? പിന്നെ ഒന്ന് കൂടി പറയട്ടെ. താങ്കള്‍ പറഞ്ഞല്ലോ "ശങ്കര്‍ സിനിമ ഞാന്‍ കാണാന്‍ പോകുന്നത്‌ കുട്ടിസ്രാങ്കോ, എലിപ്പത്തായമോ കാണാന്‍ പോകുന്ന മാനസികാവസ്ഥയില്‍ അല്ലല്ലോ", അങ്ങനെ ആണെങ്കില്‍ പിന്നെ എന്തിനാണ് താങ്കള്‍ മറ്റു ഹോളീവുഡ് ചിത്രങ്ങളുമായി അതിനെ താരതമ്യം ചെയ്യാന്‍ പോയത്. പിന്നെ ഇവിടെ ഒരു പ്രാദേശിക ഭാഷയില്‍ ഇതില്‍ കൂടുതല്‍ എന്ത് കാണിക്കാനാണ് താങ്കള്‍ക്കു കഴിയുക. 162 അല്ല 200 കോടി തന്നാല്‍ ഒരു സയന്‍സ് ഫിക്ഷന്‍ ചിത്രം ഉണ്ടാക്കി പണം തിരിച്ചു പിടിക്കാന്‍ താങ്കള്‍ക്കു കഴിയുമോ. വെറുതെ അത് കൂതറ ആയി എന്നും പറഞ്ഞു ഗീര്‍വാണം വിടാതെ ബഹുമാന്യ അവാര്‍ഡു ജേതാവേ. ഇത്തരം ആധികാരികതയില്ലാതെ വിമര്‍ശിച്ചു അവാര്‍ഡു തന്നവര്‍ക്ക് മാനക്കെടുണ്ടാക്കല്ലേ എന്നൊരു അപേക്ഷ.

പിന്നെ ചാരു നിവേദിത എന്ന മഹാത്മാവ് കലാ കൌമുദിയില്‍ എന്തൊക്കെയോ എഴുതി എന്ന് പരാമര്‍ശിച്ചു കണ്ടു. അത് വായിക്കാത്തതിനാല്‍ അതിനെക്കുറിച്ചു പരാമര്‍ശിക്കുന്നില്ല. എന്നാല്‍ അതെ തുടര്‍ന്ന് എഴുതിയ രണ്ടു വരി; അതിനെക്കുറിച്ചു പറയാതിരിക്കാന്‍ ആവില്ല.

"പന്നെ, ചാരുനിവേദിത കലാകൗമുദിയില്‍ എണ്ണിയെണ്ണിപ്പറഞ്ഞിട്ടുള്ള എല്ലാ കാരണങ്ങളും കൊണ്ടാണ്‌. ചാരുനിവേദിത പറഞ്ഞു, ഈ സിനിമ കണ്ട്‌ ദേഷ്യം സഹിക്കവയ്യാതെ തമിഴ്‌നാട്ടില്‍ രണ്ടുപേരുണ്ടെന്ന്‌-കമല്‍ഹാസനും പിന്നീട്‌ ചാരുനിവേദിതയും.

അവരോട്‌ ഒപ്പത്തിനൊപ്പം കയറി ഇരിക്കുന്നതല്ല എന്നു തെറ്റിദ്ധരിക്കില്ലെങ്കില്‍ പറഞ്ഞോട്ടെ, അവര്‍ക്കു കൂട്ടായി ഇങ്ങു കേരളത്തില്‍ ഇതാ ഈ എളിയവനായ ഞാനുമുണ്ട്‌. തറവളിപ്പ്‌ രജനീകന്ത്‌ ചെയ്യുന്നത്‌ സഹിക്കാം. കാരണം അദ്ദേഹം എന്നും അങ്ങിനെ തന്നെയാണ്‌ ചെയ്‌തിട്ടുള്ളത്‌. അതിനു തക്ക സംവേദനക്ഷമതയും വിദ്യാഭ്യാസവുേ അദ്ദേഹത്തിനുള്ളൂ എന്നു സമാധാനിക്കാം.

എന്നാല്‍ അത്യാവശ്യം വിദ്യാഭ്യാസവും, വിശ്വസുന്ദരിപ്പട്ടവും ഹോളിവുഡ്‌ നടനാനുഭവവുമൊക്കെയായി ലോകം കുറേ കണ്ട, ഇന്ത്യയുടെ പുതുതലമുറയുടെ പ്രതീകമായ ഐശ്വര്യ റായിയെപ്പോലൊരാള്‍ ഈ കോപ്രായങ്ങള്‍ക്കു കൂട്ടുനില്‍ക്കുന്നതിനെ കുറ്റകരമായിത്തന്നെയേ കണക്കാക്കാനാവൂ."

കമലഹാസന് എന്ത് കൊണ്ട് ദേഷ്യം വന്നു എന്നറിയില്ല. അദ്ദേഹം അങ്ങനെ പറഞ്ഞതായി എവിടെയും കേട്ടില്ല. പിന്നെ ചാരു നിവേദിത. അങ്ങേരുടെ പക്ഷവും കാഴ്ച്ചയുടെ തലവും കലാ കൌമുദി വായിക്കുന്നവര്‍ക്കറിയാം. ഇനി കമലഹാസന് ദേഷ്യം വന്നിട്ടുണ്ടെങ്കില്‍ ഒരു പക്ഷെ നിരാശ കൊണ്ടായിരിക്കാം. കാരണം ഈ കഥയുമായി ഷങ്കര്‍ ആദ്യം ചെന്നത് കമലഹാസന്റെ അടുത്തായിരുന്നു. അല്ലാതെ ഒരു സിനിമ ഇറങ്ങിയതിന്റെ പേരില്‍ ദേഷ്യം കൊള്ളാന്‍ മാത്രം സഹിഷ്ണുത ഇല്ലാത്ത കലാകാരനാണ് അദ്ദേഹം എന്ന് തോന്നുന്നില്ല. അടുത്തതായി രാജീനീകാന്തിനു നേരെയുള്ള വ്യക്തിപരമായ ആക്രമണമാണ്. ഭൂലോക പണ്ഡിതനായ എ ചന്ദ്രശേഖറോട് സഹതാപിക്കുകയെ നിവൃത്തിയുള്ളൂ. താന്‍ കണ്ടത് മാത്രമാണ് ലോകം എന്ന് ചിന്തിക്കുന്ന കൂപ മണ്ടൂകങ്ങളെ എങ്ങനെ മംഗളം പോലുള്ള സ്ഥാപനങ്ങള്‍ സഹിക്കുന്നു. ദളപതി തുടങ്ങിയ രജനീകാന്ത് ചിത്രങ്ങളൊന്നും അദ്ദേഹം കണ്ടിട്ടില്ല എന്നതില്‍ സങ്കടമുണ്ട്. അതോ നേരത്തെ പറഞ്ഞ വാര്‍ധക്യം ഓര്‍മ്മകള്‍ക്കും ബുദ്ദിക്കും മരവിപ്പ് സമ്മാനിച്ചതോ? കേട്ടാല്‍ തോന്നും രജനീകാന്തിന്റെ സ്കൂള്‍ പ്രോഗ്രസ് കാര്‍ഡ് ഒപ്പിട്ടിരുന്നത് ശ്രീമാന്‍ എ ചന്ദ്രശേഖര്‍ ആണെന്ന്. പിന്നെ ഐശ്വര്യാ റായ്. സുന്ദരിമാരുടെ മുന്നില്‍ നട്ടെല്ല് വളയാത്ത ബുദ്ദി ജീവികളില്ല എന്ന ആപ്തവാക്യം പോലെ ചന്ദ്രശേഖരന്‍ അവരെ പുതു തലമുറയുടെ പ്രതീകമാക്കി മാറ്റിയിരികുകയാണ്. അവരുടെ ഇതിലും മുന്‍പുള്ള എല്ലാ ചിത്രങ്ങളും അപാരമായിരുന്നു എന്ന് തോന്നും എ ചന്ദ്രശേഖര്‍ പറയുന്നത് കേട്ടാല്‍. പിന്നെ ഒരു അഭിനേത്രിയുടെ ജോലി അഭിനയമാണ്. അവര്‍ ചെയ്ത എല്ലാ വേഷവും നന്നാവണം എന്നൊന്നും ഇല്ല. പക്ഷെ അതിനെ കുറ്റമായി കണക്കാക്കി പ്രോസിക്യൂട്ട് ചെയ്യാന്‍ ശ്രീ എ ചന്ദ്രശേഖറെ പോലെ തല തിരിഞ്ഞവര്‍ക്കെ കഴിയൂ. രജനീകാന്ത് എന്തോ ആയിക്കൊള്ളട്ടെ, എന്തായാലും ശ്രീ എ ചന്ദ്രശേഖറെക്കാള്‍ മോശമാണ് എന്ന് താങ്കള്‍ കരുതുന്നുണ്ടോ? അദ്ദേഹത്തിന്‍റെ ഏറ്റവും വലിയ ഗുണം വിനയമാണ്. അത് പോലെ ജീവിതത്തിലെ അഭിനയമില്ലായ്മയും. വിനയം എന്നത് താങ്കളോട് പറഞ്ഞിട്ട് കാര്യമില്ല എന്ന് താങ്കളുടെ ലേഖനം വായിക്കുന്നവര്‍ക്ക് അറിയാം. അത് കൊണ്ട് വ്യര്‍ത്ഥ വ്യായാമത്തിന് നില്‍ക്കുന്നില്ല.

ഇനി അടുത്ത വരികള്‍ കൂടി ഒന്ന് നോക്കുക.

"ഓര്‍ക്കുക, ബുദ്ധിയുടെ വള്ളിപുള്ളി ഇനിയും വിട്ടുപോയിട്ടില്ലാത്തതിനാലാണ്‌ അമിതാഭ്‌ ബച്ചന്‍ ഈ കഥാപാത്രം വേണ്ടെന്നു വച്ചത്‌. അമ്മായിയപ്പന്‍ പോലും വേണ്ടെന്നുവെച്ച്‌ ഈ കുരിശിനൊപ്പം ആടിപ്പാടി ചുംബിക്കാന്‍ വെറുമൊരു വിളയാട്ടുബൊമ്മയാകാന്‍ ഐശ്വര്യയ്‌ക്കു നാണമില്ലേ.

ഏതായാലും എ.ആര്‍.റഹ്മാനോടും ശങ്കറിനോടും രജനിയോടും ഐശ്വര്യയോടും ദൈവം പൊറുക്കട്ടെ. അല്ലാതെ നമുക്ക്‌ ക്ഷമിക്കാന്‍ സാധ്യമല്ല തന്നെ. കാരണം ഒരു ദിവസം നീണ്ടുനിന്ന ദഹനക്കേടാണ്‌ ഈ ചിത്രം സമ്മാനിച്ചത്‌. അത്രയ്‌ക്കു ഗ്യാസുണ്ടാക്കുന്നതായിരുന്നു യന്തിരന്‍."

എന്റെ സുഹൃത്തെ ബച്ചനെ വിളിച്ചത് റോബോട്ടവാനല്ല. വില്ലനാവാന്‍ ആണ്. ഒരു പരിപൂര്‍ണ്ണ വില്ലന്‍ എന്നത് തന്റെ പ്രതിച്ഛയക്ക്‌ പ്രശ്നമുണ്ടാക്കും എന്ന് പറഞ്ഞു സൌഹാര്‍ദ്ദപരമായി തന്നെയാണ് ബച്ചന്‍ അതില്‍ നിന്നും പിന്മാറിയത്. എന്നിട്ട് അമ്മായി അപ്പന്‍ പോലും വേണ്ടെന്നു വച്ച കുരിശിനൊപ്പം എന്നൊക്കെ പറഞ്ഞു സ്വന്തം സംസ്കാരം ഇങ്ങനെ വെളിവാക്കല്ലേ. പിന്നെ എന്തിരനില്‍ നായികക്ക് കഥാ ഗതിയില്‍ വ്യക്തമായ പങ്കുണ്ട്. താങ്കള്‍ സിനിമ കണ്ടിട്ടുണ്ടെങ്കില്‍ അത് മനസ്സിലാകും. പിന്നെ ആടി പാടുന്നത്, സുഹൃത്തെ അവര്‍ ഒരു അഭിനേത്രിയാണ്. അവരുടെ തൊഴില്‍ ആണത്.അതെന്തായാലും സംസ്ഥാന അവാര്‍ഡ് ജേതാവായ താങ്കള്‍ ഇപ്പോള്‍‍ എഴുതിയ ഈ നിരൂപണവുമായി തട്ടിച്ചു നോക്കുമ്പോള്‍ നൂറിരട്ടി ഭേദമാണ്. ഈ ബച്ചന്‍ തന്നെ ആടിപ്പടിയ പഴയ ചിത്രങ്ങള്‍ ഒന്നും ശ്രീമാന്‍ ചന്ദ്രശേഖര്‍ക്ക് ഓര്‍മ്മയില്ലേ. കഷ്ടം തന്നെ. ബച്ചന്‍ ഇതുവരെ ചെയ്ത കഥാപാത്രങ്ങളെല്ലാം ഉല്‍കൃഷ്ടമാണെന്ന് കണ്ടെത്തിയ എ ചന്ദ്രശേഖര്‍ക്ക് സംസ്ഥാന്‍ അവാര്‍ഡ് അല്ല ഒരു ഓസ്കാര്‍ തന്നെ കൊടുക്കണം എന്നാണ് എന്റെ പക്ഷം.

പിന്നെ സിനിമ കണ്ടു ദാഹനക്കെടുണ്ടാകുന്ന വിദ്യ ആദ്യമായാണ്‌ കേള്‍ക്കുന്നത്. എന്തിരന്‍ എങ്ങനെ ഗ്യാസുണ്ടാക്കി എന്ന് മനസ്സിലാവുന്നില്ല. ഏതു ഡോക്ടറാണ് താങ്കളുടെ രോഗ നിര്‍ണ്ണയം നടത്തിയത് എന്നറിഞ്ഞാല്‍ കൊള്ളാം. അതോ സ്വയം അങ്ങ് തീരുമാനിച്ചോ ദഹനക്കേടിന്റെ കാരണം ഈ സിനിമ കണ്ടതാണെന്ന്. അല്ല അതിശയമൊന്നുമില്ല. താങ്കളുടെ ലേഖനത്തില്‍ മൊത്തം എഴുതിയ സംഭവങ്ങളുടെ സ്വഭാവം തന്നെയാണ് അതിലും ഉള്ളത്. അത് കൊണ്ട് താങ്കള്‍ കാണേണ്ടത് ഒരു വെറും ഡോക്ടറെ അല്ല, നല്ല ഒരു മനോരോഗ വിദഗ്ദനെ ആണ്. ഈ അസുഖത്തിനു അതല്ലാതെ വേറെ മരുന്നില്ല.

ഒടുവില്‍ ടിപ്പണി എന്നും പറഞ്ഞു ഒരു മണ്ടത്തരം കൂടി വിളമ്പി വച്ചിട്ടുണ്ട് അവാര്‍ഡു ജേതാവ്.

ടിപ്പണി: റോബോ (റോബോട്ട്‌ എന്ന്‌ ആവര്‍ത്തിച്ചാല്‍ തെറ്റു ശരിയാവില്ല)യ്‌ക്ക്‌ അസ്സല്‍ തമിഴില്‍ യന്തിരന്‍ എന്നു മൊഴിമാറ്റം നല്‍കിയതിനെ യന്ത്രന്‍ എന്നു മനസിലാക്കാനുള്ള ബുദ്ധിപോലും കിട്ടാതെ എന്തിരന്‍ എന്നു പദാനുപദം വിവര്‍ത്തനം ചെയ്‌തുപയോഗിച്ച മലയാളത്തിലെ വിതരണക്കാര്‍ക്കും ഇരിക്കട്ടെ ശാപത്തിലൊരു പങ്ക്‌. അല്ല പിന്നെ.

എന്റെ സുഹൃത്തെ താങ്കള്‍ എത്രയും പെട്ടെന്ന് തന്നെ മനോരോഗ വിദഗ്ദനെ കാണൂ. ഈ സിനിമ ഡബ്ബിംഗ് സിനിമ അല്ല. എന്തിരന്‍ എന്നത് ആ സിനിമയുടെ പേരാണ്. മുതല്‍വന്‍, കാതലന്‍ എന്നൊക്കെ പറയുമ്പോലെ ഒരു പേര്. അതിനെ മലയാളമാക്കണം എന്ന് പറഞ്ഞാല്‍ കുറ്റം കണ്ടെത്താന്‍ തപ്പി നടക്കുന്ന ഒരു മനോരോഗിയുടെ വിടുവായത്തരമായെ അതിനെ കാണാന്‍ ആകൂ. അങ്ങനെ എങ്കില്‍ ഇവിടെ വരുന്ന ഹിന്ദി ഇംഗ്ലീഷ് ചിത്രങ്ങളെല്ലാം പേര് മലയാളീകരിക്കണം എന്ന് ശ്രീമാന്‍ പറയുമായിരിക്കും അല്ലെ. ഇവനൊക്കെ ആരെടാ അവാര്‍ഡ്‌ കൊടുത്തത്!!!

ഇത് മാത്രമല്ല വേറെയും വിമര്‍ശനങ്ങള്‍ ബ്ലോഗുകളില്‍ കണ്ടു. "സിനിമ കാണാന്‍ കയറി കുറച്ചു കഴിഞ്ഞപ്പോള്‍ ഉറങ്ങി. പിന്നെ കാട്ടുവാസികളുടെ പാട്ടായപ്പോഴാനു എഴുന്നേറ്റത്." ഒരാള്‍ എഴുതിയതാണ് ഇത്. എന്നിട്ട് അയാള്‍ തന്നെ പറയുന്നു സിനിമ ഒന്നിനും കൊള്ളില്ലെന്ന്. മുക്കാല്‍ ഭാഗവും ഉറങ്ങിയ ആ കക്ഷി പറയുമ്പോള്‍ പിന്നെ എന്ത് പറയാന്‍. ഇത് പോലെ ഒരുപാട് വിമര്‍ശനങ്ങള്‍. സാദാരണ പ്രേക്ഷകര്‍ സിനിമക്ക് ഇപ്പോഴും കയറുന്നുണ്ട്. ഉറങ്ങാന്‍ വേണ്ടിയാണ് അവരൊക്കെ കയറുന്നത് എനെനിക്ക് തോന്നുന്നില്ല. പിന്നെ എനിക്കും ഇഷ്ടപ്പെടാതെ പോയ രംഗങ്ങള്‍ ഉണ്ട്. ഉദാഹരണത്തിന് കൊതുകിനെ പിടിക്കാന്‍ റോബോട്ട് പോകുന്ന രംഗങ്ങള്‍. എന്നാലും അതിനെക്കാളേറെ ഇഷ്ടപ്പെട്ട രംഗങ്ങള്‍ തന്നെയാണ് കൂടുതല്‍. അത്ര നല്ല തിയേറ്ററില്‍ ഒന്നുമല്ല കണ്ടതെന്നിട്ടു കൂടി അതിലെ ഗ്രാഫിക്സ് എല്ലാം ആസ്വദിക്കാനായി. പിന്നെ വിമര്‍ശിക്കണം എന്ന ലക്‌ഷ്യം മാത്രം വച്ച് കണ്ടാല്‍ അങ്ങനെയും ചെയ്യാം. വിമര്‍ശിക്കാന്‍ പ്രത്യേകിച്ചു കാരണമൊന്നും വേണ്ടല്ലോ. വെറുതെ കൂതറ എന്നൊക്കെ അങ്ങ് കാച്ചി വിട്ടാല്‍ പോരെ.

ആ സിനിമ എടുക്കുന്നതിനു വേണ്ടി ഷങ്കറും അദ്ദേഹത്തിന്‍റെ ടീമും അനുഭവിച്ച ബുദ്ദിമുട്ടുകള്‍... വന്‍ മുതല്‍മുടക്ക് തിരിച്ചു പിടിക്കെണ്ടതിന്റെ സമ്മര്‍ദ്ദം ഏറ്റെടുത്ത സണ്‍ പിക്‌ചേഴ്‌സ്‌. നിങ്ങള്‍ പടം കൂതറ ആയി എന്ന് പറയുന്ന ലാഗവത്തോടെയല്ല അവര്‍ പരിശ്രമിച്ചത്. ചിലപ്പോള്‍ അവരുടെ ശ്രമങ്ങള്‍ പൂര്‍ണ്ണമായും വിജയിചിട്ടുണ്ടാകില്ല. എങ്കിലും സിനിമാ പ്രേഷകര്‍ക്കായി അവരുടെ കാഴ്ച്ചയുടെ ആഘോഷത്തിനായി വിയര്‍പ്പൊഴുക്കിയ ഒരുപാട് പേരുടെ അധ്വാനത്തെ കാണാതിരിക്കാന്‍ കഴിയുന്നത്‌ അത്ഭുതം തന്നെ. അതൊന്നും ഓര്‍ത്തില്ലെങ്കിലും സാദാരണ സിനിമാ പ്രേഷകരെ നിരാശയുടെ പടുകുഴിയാഴ്ത്തുന്ന ചിത്രമാണ് എന്തിരന്‍ എന്ന് എനിക്ക് പറയാനാവില്ല. എന്തിരന്‍ കാണാന്‍ സാദാരണ ടിക്കറ്റെടുത്ത് തന്നെയല്ലേ കയറുന്നത്. അല്ലാതെ 162 കോടിയുടെ ചിത്രമാണെന്ന് പറഞ്ഞു കൂടുതല്‍ പണമൊന്നും വാങ്ങിയില്ലല്ലോ. അതിനു കിട്ടിക്കൊണ്ടിരിക്കുന്ന കളക്ഷന്‍ കാണിക്കുന്നതും ഭൂരിപക്ഷത്തിനും അതിഷ്ടപ്പെട്ടു എന്ന് തന്നെയാണ്. പിന്നെ ഭൂരിപക്ഷത്തിന് ഇഷ്ടപ്പെടുന്നത് വിമര്‍ശിക്കുന്നത് ഒരു മേന്മയായി കാണുന്നവര്‍ക്ക് ആകാം. എങ്കിലും അതിന്റെ അണിയറപ്രവര്‍ത്തകരെ, അവരുടെ ശ്രമങ്ങളെ അഭിനന്ദിക്കേണ്ട. വിമര്‍ശിച്ചോളൂ. ഇങ്ങനെ കണ്ണടച്ചു അധിക്ഷേപിക്കരുത്. പ്ലീസ്.

വെബ് സൈറ്റിലെ ലേഖനത്തിന്റെ ലിങ്ക് ഇതാ: newshouse.in

അപ്പുക്കുട്ടന്‍ നമ്മള്‍ തമ്മില്‍ മോഡറേറ്റ് ചെയ്യുമ്പോള്‍....

2010-10-17T17:34:00.005+05:30

ഫുട്ബാള്‍ മത്സരത്തില്‍ ഏറ്റവും കൂടുതല്‍ ഓടുന്നത് ആരാണ്?

അധികം ആലോചിച്ചു തല പുണ്ണാക്കേണ്ട. റഫറി തന്നെ. തന്നെയുമല്ല, കളിയുടെ സാങ്കേതികത്വങ്ങളെക്കുറിച്ച് ഏറ്റവും അറിവുണ്ടായിരിക്കേണ്ട ആളും റഫറി തന്നെ. കളിയുടെ പുരോഗതിയില്‍ തലയിടാതെ കളിയുടെ വിജയ പരാജയങ്ങള്‍ക്കു കാരണമാകാതെ കളി കായങ്കളിയാവാതെ നിയന്ത്രികേണ്ട ആളും നമ്മുടെ റഫറിച്ചേട്ടന്‍ തന്നെ. കോളിനയെപ്പോലുള്ള ശൂരനമാരായ റഫറിമാര്‍ കണ്ണുരുട്ടി പേടിപ്പിക്കുമെങ്കിലും കളി ജയിപ്പിക്കാന്‍ മാത്രം അവകാശമില്ലാത്ത ഹതഭാഗ്യരാണ് അവര്‍. തോല്‍പ്പിക്കാനും പാടില്ല. നല്ല ഒരു മത്സരം കഴിഞ്ഞാല്‍ ജയിച്ചവരെ ആരാധകര്‍ തോളിലേറ്റും. പരാജിതരെ കല്ലെറിയും, ചിലപ്പോള്‍ സഹതപിക്കും. എന്നാല്‍ ആ മത്സരം നിയന്ത്രിച്ച റഫറിയെ ആരോര്‍ക്കുന്നു. റഫറികള്‍ കയറി കളിച്ചു കളി കുളമാകുമ്പോഴാണ്‌ നിഷ്പക്ഷമായി കളി നിയന്ത്രിക്കാറുള്ള റഫറിമാരെ നാം ശരിക്കും ഓര്‍ത്ത്‌ പോകുന്നത്. കഴിഞ്ഞ രണ്ടാഴ്ചയായി ഏഷ്യാനെറ്റില്‍ നമ്മള്‍ തമ്മില്‍ എന്നാ ടോക് ഷോ കണ്ടപ്പോഴും മനസ്സില്‍ തോന്നിയത് ആ വികാരമാണ്.

ഏഷ്യാനെറ്റിന്റെ ആദ്യകാലം മുതലേ പ്രേക്ഷകരുടെ ശ്രദ്ദ നേടി പോരുന്ന പരിപാടിയാണ് ശ്രീ ശ്രീകണ്ഠന്‍ നായര്‍ അവതരിപ്പിച്ചിരുന്ന നമ്മള്‍ തമ്മില്‍ എന്ന ടോക് ഷോ. നായരുടെ അവതരണ ശൈലി കൊണ്ട് തന്നെ മലയാളത്തിലെ സമാനമായ മറ്റു പ്രോഗ്രാമുകളെക്കാള്‍ എല്ലാ കാലത്തും മുന്നില്‍ തന്നെയായിരുന്നു ആഴ്ചയില്‍ രണ്ടു തവണ പ്രക്ഷേപണം ചെയ്തിരുന്ന നമ്മള്‍ തമ്മില്‍. വിവാദങ്ങളും കാലിക പ്രസക്തമായ മറ്റു വിഷയങ്ങളും എല്ലാം ചര്‍ച്ചക്ക് വരാറുണ്ടെങ്കിലും വളരെ സഭ്യമായി മികവുറ്റ രീതിയില്‍ ചര്‍ച്ചകളെ മുന്നോട്ടു കൊണ്ട് പോകാന്‍ അവതാരകന് കഴിഞ്ഞിരുന്നു. എത്ര പ്രകോപനപരമായ അവസരങ്ങളെയും കൃത്യമായ ഇടപെടലുകള്‍ കൊണ്ട് മറികടക്കാനും ഒരു പക്ഷവും ചേരാതെ ചര്‍ച്ചയെ മുന്നോട്ടു നയിക്കാനും ഉള്ള നായരുടെ കഴിവ് ഒന്ന് വേറെ തന്നെ ആയിരുന്നു. കുറച്ചു നാള്‍ മുന്‍പാണ് ശ്രീ ശ്രീകണ്ഠന്‍ നായര്‍ ഏഷ്യാനെറ്റിനെ വിട്ട് മനോരമയിലേക്ക് കൂട് മാറിയത്. അതോടെ നമ്മള്‍ തമ്മിലിനു പുതിയ അവതാരകനെ കൊണ്ടുവരേണ്ട അവസ്ഥയിലായി ചാനല്‍. റേറ്റിങ്ങില്‍ മുന്നിലുള്ള പ്രോഗ്രാം പെട്ടെന്ന് നിര്‍ത്തുന്നത് ബുദ്ധിയല്ലല്ലോ. ചാനല്‍ ഒടുവില്‍ കണ്ടെത്തിയത് സിനിമാതാരം ജഗദീഷിനെ ആയിരുന്നു. സിനിമകളില്‍ വിഡ്ഢി കഥാപാത്രങ്ങളെ അവതരിപ്പിക്കുന്ന നടനാണെങ്കിലും ആള്‍ ചില്ലറക്കാരനല്ല. പണ്ട് ബിരുദാനന്തര ബിരുദത്തിനു റാങ്ക് വാങ്ങിയ കക്ഷിയാണ്. കൂടാതെ തങ്ങളുടെ തമാശ പരിപാടിയായ വോഡാഫോണ്‍ കോമഡി ഷോയില്‍ എയര്‍ പിടിച്ചു വലിയ ഗൌരവത്തോടെ ഇരുന്നു മാര്‍ക്കിട്ട് താന്‍ വെറും ബഫൂണല്ല എന്ന് മാലോകരെ അറിയിച്ചു കൊണ്ടിരിക്കുകയും ചെയ്യുന്നു. കോട്ടും സൂട്ടും ഇട്ടു വന്നാല്‍ ഒരു ബുദ്ധി രാക്ഷസന്‍ ആണെന്ന് കാണികള്‍ കരുതിക്കോളും. നമ്മള്‍ തമ്മിലിന്റെ സ്ഥിരം പ്രേക്ഷകര്‍ പുതിയ അവതാരത്തിനെ കാത്തിരുന്നു.

ഒടുവില്‍ അവതരിപ്പിച്ചപ്പോഴാണ് പൂച്ച് പുറത്തു ചാടിയത്. കക്ഷി നിയന്ത്രിക്കുക മാത്രമല്ല ഇടയ്ക്കു കയറി ഗോളടിക്കുകയും ചെയ്യുന്ന റഫറി ആണ്. അതൊക്കെ പോട്ടെ പറ്റുമെങ്കില്‍ അവസരം കിട്ടിയാല്‍ കളിക്കാരെ ഫൌള്‍ ചെയ്യുകയും ചെയ്യും. ജഗദീഷ് കൊണ്ട് വന്ന വിഷയം രസകരമായിരുന്നു. മലയാള സിനിമ നാശത്തിലേക്കോ? കോഴിയോ മുട്ടയോ ആദ്യമുണ്ടായത് എന്നതിനേക്കാള്‍ ഉത്തരം കിട്ടാന്‍ ബുദ്ദിമുട്ടുള്ള ചോദ്യം.

മുതിര്‍ന്നവരോടുള്ള ബഹുമാനം സിനിമയിലെ പുതിയ തലമുറയ്ക്ക് നഷ്ട്ടപ്പെട്ടിരിക്കുന്നു എന്നതാണ് ചര്‍ച്ചയിലെ ഒരു ഭാഗം. ഇത് കുറച്ചു മുതിര്‍ന്നവര്‍ക്ക് എപ്പോഴും എല്ലാ രംഗത്തും പറയാനുള്ള കാര്യമാണ്. ഈ മുതിര്‍ന്നവര്‍ ചെറുതായിരുന്ന കാലത്ത് അന്നത്തെ മുതിര്‍ന്നവരും പറഞ്ഞിട്ടുണ്ട് പണ്ട് ഇതിലും നല്ല കാലമായിരുന്നു എന്ന്. ഇനി കുറച്ചു നാള്‍ കഴിഞ്ഞാല്‍ ഇപ്പോഴത്തെ യുവതലമുറയും പറയും ഇതേ പല്ലവി. ഈ പറയുന്ന ജഗദീഷ് അടക്കമുള്ളവര്‍ ശ്രീ തിലകനോട് കാട്ടുന്നത് വലിയ ബഹുമാനമാനല്ലോ. അതിനെ പറ്റിയുള്ള പരാമര്‍ശം വരാതിരിക്കാന്‍ അവതാരകന്‍ ഏറെ ശ്രദ്ധിച്ചു. അതോ പറഞ്ഞത് എഡിറ്റ് ചെയ്തു കളഞ്ഞതോ? എന്നിട്ട് ജഗദീഷ് പറയുന്നത് ഞങ്ങളുടെ തലമുറ പണ്ട് മുതിര്‍ന്നവരോട് വലിയ ബഹുമാനം കാട്ടിയിരുന്നു, പ്രിത്വി രാജ് അടങ്ങുന്ന യുവതലമുറ അഹങ്കാരികളായി പെരുമാറുന്നു എന്നൊക്കെയാണ്. ജഗദീഷിന്റെ സുഹൃത്ത് ശ്രീ ഗണേഷ് കുമാറും സിദ്ധിക്കും തിലകനോട് അമ്മയുടെ യോഗത്തില്‍ പെരുമാറിയത് ശ്രീ ജഗദീഷിനും അറിയാവുന്നതാണ്. ജഗദീഷ് വെറും അവതാരകന്‍ മാത്രമായിരുന്നു എങ്കില്‍ ഈ വാദം പറയാനാവുമായിരുന്നില്ല. എന്നാല്‍ ജഗദീഷ് അതിനപ്പുറത്തു ചര്‍ച്ചയില്‍ സ്വന്തം അഭിപ്രായം പറയുകയും അതിനെ എതിര്‍ക്കുന്നവരെ നിശബ്ദരാക്കുകയും ചെയ്യുന്നത് കൊണ്ട് ഈ ചര്‍ച്ച അമ്മ സ്പോണ്‍സര്‍ ചെയ്ത പരിപാടിയായിട്ടാണ് സാദാരണ പ്രേക്ഷകന് തോന്നുക.

അടുത്തതായി ശ്രദ്ദയില്‍ പെട്ടത് ശ്രീ കമലഹാസനെ സംസ്ഥാന സര്‍ക്കാര്‍ അംഗീകരിച്ചപ്പോള്‍ അവിടെ നിന്നും അമ്മ മാറി നിന്നതിനെ കുറിച്ചുള്ള ചര്‍ച്ചയാണ്. ഫെഫ്കയും നിര്‍മ്മാതാക്കളുടെ സംഘടനയും പങ്കെടുത്തപ്പോള്‍ ഒരു പ്രതിനിധിയെ പോലും അയക്കാതിരുന്നത് ശരിയായില്ല എന്ന് ഒരാള്‍ പറഞ്ഞപ്പോഴേക്കും ജഗദീഷ് പന്ത് പിടിച്ചെടുത്തു സ്വയം കളി തുടങ്ങി.

"അമ്മയുടെ ട്രഷറര്‍ എന്ന നിലക്ക് ഞാന്‍ പറയുന്നു, അത് ഒരു ചാനലിന്റെ പരിപാടി ആയതു കൊണ്ടാണ് ഞങ്ങള്‍ പോകാതിരുന്നത്. ഇന്നസേന്റെട്ടന്‍ അതിനെ കുറിച്ചു പറഞ്ഞത് ചിലര്‍ വളച്ചൊടിച്ചതാണ്. ഇനി ഞങ്ങള്‍ അമ്മ കമലഹാസനെ ആദരിക്കാന്‍ ഒരു പ്രോഗ്രാം സംഘടിപ്പ്പിക്കുന്നുണ്ട്. അതില്‍ എല്ലാ മലയാളികളും സഹാരിക്കണം."

അവതാരകന്‍ പെട്ടെന്ന് അമ്മയുടെ ട്രഷറര്‍ ആകുന്നു. നമ്മള്‍ തമ്മില്‍ അമ്മയുടെ നിലപാട് ന്യായീകരിക്കാന്‍ ഉള്ള പരിപാടിയാണോ? അതിനു അമ്മയുടെ ഒരു പ്രതിനിധിയെ വിളിക്കാമായിരുന്നില്ലേ. അല്ലാതെ അവതാരകന്‍ അമ്മയുടെ പ്രതിനിധി ആകുമ്പോള്‍ പിന്നെ ചര്‍ച്ചക്കെന്തു പ്രസക്തി. പോട്ടെ റഫറി കേറി ഗോളടിച്ചു. എന്നാല്‍ അതിങ്ങനെ സെല്‍ഫ് ഗോള്‍ ആകണമായിരുന്നോ? ഈ പറയുന്ന കമലഹാസനെ ഏഷ്യാനെറ്റ് ആദരിച്ചപ്പോള്‍ അമ്മയുടെ നായരും പിള്ളാരും ഒക്കെ വന്നു പ്രസംഗിച്ചല്ലോ. ഏഷ്യാനെറ്റ് സ്വകാര്യ ചാനലല്ലേ. അതൊന്നുമല്ല കാര്യം. ആര് എന്ത് നടത്തിയാലും അമ്മയുടെ അനുമതി വാങ്ങണം. അനുമതി കിട്ടണമെങ്കിലോ? അതാണ്‌ കാര്യം. പണം കൊടുത്താല്‍ കമലഹാസനെയല്ല ആരെയും ഇവര്‍ ആദരിക്കും. കൊടുത്തില്ലെങ്കില്‍ ഇതു കമലഹാസന്‍? ഇനി അവര്‍ നേരിട്ട് കമലഹാസനെ ആദരിക്കുന്നു. അതിന്റെ പേരില്‍ ഒരു പരിപാടി നടത്തി പണമുണ്ടാക്കണം. അല്ലാതെ ആദരിക്കലോന്നുമല്ല പ്രധാനം. സ്വന്തം ചേട്ടന്‍ മരിച്ചപ്പോള്‍ വരാതെ പ്രോഗ്രാം തുടര്‍ന്ന ഗായകന്‍ ചാനലില്‍ പണം വാങ്ങി ചേട്ടനെ ഓര്‍ത്ത്‌ കണ്ണീര്‍ വാര്‍ക്കുന്നത് കണ്ടപ്പോള്‍ തന്നെ മനസിലായി ഇവരുടെ മുതിര്‍ന്നവരോടുള്ള ബഹുമാനം. മരണാന്തര ചടങ്ങിനു വന്നാല്‍ പണം കിട്ടില്ല. ടൂറിന്റെ പണം നഷ്ടമാവുയും ചെയ്യും. ചാനലില്‍ വന്നിരുന്നു കരഞ്ഞാല്‍ പണവും കിട്ടും നാട്ടുകാരും അറിയും. ഏഷ്യാനെറ്റിന്റെ ഒരു ജനപ്രിയ പരിപാടിയായ ഐഡിയ സ്റ്റാര്‍ സിങ്ങറിന്റെ ഫൈനലിന്റെ അന്ന് രാവിലെ ആണ് മനോരമ പത്രാധിപര്‍ കെ.എം. മാത്യു അന്തരിച്ചത്‌. അദ്ദേഹത്തിന്‍റെ മൃത ശരീരം കോട്ടയത്ത് കിടക്കുമ്പോള്‍ വേദിയില്‍ "എസ് എം എസ്, എസ് എം എസ്, " എന്ന് പാടി ആടിയ നമ്മുടെ പ്രിയ ഗായിക അടുത്ത ദിവസം കോട്ടയത്ത് ചെന്ന് പൊട്ടിക്കരഞ്ഞ് മൃത ശരീരത്തിനടുത്ത് നിന്ന് വിഷാദ ഗാനം ആലപിക്കുന്നതും നാം കണ്ടു. ഇതൊക്കെയാണ് യദാര്‍ത്ഥ ബഹുമാനം. ഷോയില്‍ പാടിയാല്‍ പണം കിട്ടും. ഒരു കൊല്ലം വിധികര്‍ത്താവായി ഇരിക്കുകയും ചെയ്യാം. എന്നിട്ട് ചെന്ന് മരണവീട്ടില്‍ പൊട്ടിക്കരഞ്ഞ് പത്രങ്ങളില്‍ വാര്‍ത്തയാവുകയും ചെയ്യുക. നല്ല ആദരവ് തന്നെ. ഇവര്‍ കമലഹാസനെ ആദരിക്കുന്ന ചടങ്ങില്‍ പോകാതിരുന്നതില്‍ ഒരു അസ്വാഭാവികതയും ഇല്ല.

അടുത്ത എപ്പിസോഡില്‍ സുകുമാര്‍ അഴീക്കോടിനെയും സംവിധായകന്‍ ഹരികുമാറിനെയും അധിക്ഷേപിക്കുന്ന ചര്‍ച്ചയാണ് നടന്നത്. അവാര്‍ഡിന് പിന്നിലെ ധാരണകളെ പറ്റി ഹരികുമാറിനെ പോലെ ഒരാള്‍ പറയരുതായിരുന്നു എന്ന് പറഞ്ഞു അദ്ദേഹത്തിന്‍റെ മെക്കട്ട് കയറുമ്പോള്‍ ഒരാള്‍ പോലും എതിരഭിപ്രായം പറയാന്‍ ഉണ്ടായിരുന്നില്ല. അഴീക്കൊടിന്റെയും കാര്യത്തില്‍ ഇത് തന്നെയാണ് ഉണ്ടായത്. തികച്ചും ഏകപക്ഷീയമായ ഈ ചര്‍ച്ചകള്‍ക്ക് അമ്മയുടെ പ്രത്യേകാനുമതി വാങ്ങിയിരുന്നിരിക്കണം. ഇതിലും വിവാദങ്ങള്‍ ഉണ്ടാക്കിയ അവാര്‍ഡു പ്രഖ്യാപനങ്ങള്‍ ഉണ്ടായിരുന്നു. എന്നാല്‍ അതൊന്നും ചര്‍ച്ച ചെയ്യേണ്ട എന്നാണു ജഗദീഷ് തീരുമാനിച്ചത്. ശ്രീ ഹരികുമാറിനെ മാത്രം ലക്ഷ്യം വച്ച് അധിക്ഷേപിക്കുക എന്നത് മാത്രമായിരുന്നു ചര്‍ച്ചയുടെ ആഭാഗത്തിന്റെ ലക്ഷ്യം. അച്ഛന്റെ ചിത്രം മകന്‍ വിലയിരുത്തുന്നതോ കേരളത്തില്‍ കുട്ടി സ്രാങ്ക് തഴയപ്പെട്ടതോ അതിനു പിന്നില്‍ ഉയര്‍ന്ന വിവാദങ്ങളോ ഒന്നും ചര്‍ച്ച ചെയ്യേണ്ട. ഹരികുമാറിനെതിരെ എന്തെങ്കിലും പറയാനുണ്ടെങ്കില്‍ പറയാം. അത്ര മാത്രം. അതിനിടക്ക് സോനാ നായര്‍ കേറി ഒരഭിപ്രായം പറയുന്നത് കേട്ടു. സ്വകാര്യ ചാനലുകള്‍ നല്‍കുന്ന അവാര്‍ഡുകളില്‍ ഇത്തരം വിവാദങ്ങള്‍ ഉണ്ടാകാറില്ല അത്രേ? അവരുടെ വിവേകം തിരിച്ചറിയാന്‍ ഈ ഒരു പരാമര്‍ശം മാത്രം മതി. സ്വകാര്യ ചാനലുകളുടെ അവാര്‍ഡുകള്‍ ആര് വില മതിക്കുന്നു. അമ്മയെപ്പോലെ ഉള്ള സംഗടനകള്‍ക്ക് അച്ചാരം കൊടുത്ത് നടത്തുന്ന ചാനലുകള്‍ക്ക് കാശുണ്ടാക്കാനുള്ള അത്തരം പരിപാടികള്‍ ആണ് ശ്രേഷ്ഠം ആധികാരികം എന്ന് പറയാനുള്ള പുത്തി അവര്‍ക്ക് മാത്രമേ കാണൂ. പിന്നാലെ ജഗദീഷിന്റെ കമന്റും വന്നു. " എനിക്ക് അവാര്‍ഡ്‌ കിട്ടിയത് കൊണ്ട് പറയുന്നതല്ല, നിര്‍മ്മാതാക്കളുടെ സംഘടന നല്‍കുന്ന അവാര്‍ഡാണ് ഏറ്റവും സുതാര്യവും മാതൃകാപരവുമെന്നു." കൊള്ളാം, എനിക്ക് കിട്ടിയത് കൊണ്ട് പറയുന്നതല്ല.

ഇത് വരെ സദസ്സില്‍ ഇല്ലാതിരുന്ന ആളുകള്‍ക്കെതിരെയായിരുന്നു അധിക്ഷേപങ്ങള്‍. അവര്‍ അവിടെ ഉണ്ടായിരുന്നെങ്കില്‍ തിരിച്ചു ചോദിക്കുന്ന ചോദ്യങ്ങള്‍ക്ക് ഉത്തരം പറയാന്‍ ഈ പറയുന്ന ജഗദീഷിനോ കൂട്ടാളികള്‍ക്കോ കഴിയുമോ? അത് പോട്ടെ, ഒടുവില്‍ സിനിമാ താരങ്ങള്‍ സീരിയലില്‍ അഭിനയിക്കുന്നതിനെ കുറിച്ചായി ചര്‍ച്ച. അതിനെ ന്യായീകരിക്കേണ്ടത് ജഗദീഷിന്റെ കൂടി ആവശ്യമായത് കൊണ്ട് കാണിച്ച അഭിപ്രായങ്ങളുടെ ദൃശ്യങ്ങള്‍ പോലും ഏകപക്ഷീയമായിരുന്നു. (ജഗദീഷ് അടക്കമുള്ള താരങ്ങള്‍ നിര്‍മ്മാതാക്കളുടെ ആ നിര്‍ദേശത്തെ പരസ്യമായി വെല്ലു വിളിച്ചതാണല്ലോ. ശ്രീ കുമാര്‍ ഇനി സിനിമയില്‍ പാടുകയില്ല എന്ന് പറഞ്ഞു തന്റെ അഹങ്കാരം അരക്കിട്ടുറപ്പിച്ചു.) സുരേഷ് ഗോപി സാദാരണ രീതിയില്‍ പറഞ്ഞ ഒരു അഭിപ്രായം മാത്രം എതിര്‍ത്ത്, ശ്രീകുമാറിന്റെയും കമലഹാസന്റെയും ഒക്കെ ഘടാ ഘടിയന്‍ അഭിപ്രായങ്ങള്‍ മറുവശത്ത്‌. സ്വാഭാവികമായും സ്വന്തം പക്ഷത്തു ന്യായമുണ്ടായിട്ടും ചര്‍ച്ചയില്‍ പങ്കെടുത്ത നിര്‍മ്മാതാക്കളുടെ പ്രതിനിധി സുരേഷ് കുമാറിനെ ശബ്ദിക്കാന്‍ അനുവദിച്ചില്ല. അവരുടെ നിലപാട് തെറ്റാണെന്ന് പറയുന്നത് നിസ്സഹായതയോടെ അദ്ദേഹത്തിനു കേട്ടിരിക്കേണ്ടി വന്നു. രാഹുല്‍ ഈശ്വര്‍ ഹിന്ദി ചാനലുകളെ അനുകരിച്ചു സിനിമയുടെ പ്രമോഷന്‍ ടി വി പരിപാടികള്‍ക്കിടെ നടത്താന്‍ പറഞ്ഞപോള്‍ ജഗദീഷ് വീണ്ടും കയറി ഗോളടിച്ചു. " ഞങ്ങളുടെ വോഡാഫോണ്‍ കോമഡിയില്‍ ഇങ്ങനെ സിനിമകളുടെ പ്രചാരത്തിനു താരങ്ങളെ വിട്ട് തരുമോ" സുരേഷ് കുമാര്‍ അതിനു പറഞ്ഞ മറുപടി, " അതിനുത്തരം ഈ പരിപാടി കഴിഞ്ഞിട്ട് പറഞ്ഞു തരാം" എന്നാണ്. ആ മറുപടിയില്‍ തന്നെ ചര്‍ച്ചയുടെ സ്വഭാവം നിലപാട് പക്ഷപാതിത്വം എല്ലാം വ്യക്തമായിരുന്നു.

എന്തായാലും ഏഷ്യാനെറ്റ് അമ്മ എന്ന സംഘടനയുമായി കൈ കോര്‍ത്തു തങ്ങളെ എതിര്‍ക്കുന്നവര്‍ക്കെതിരെ നടത്തുന്ന ഈ ടോക് ഷോ ഇങ്ങനെ എത്ര മുന്നോട്ടു പോകുമെന്ന് കണ്ടറിയാം. സ്വന്തമായ രാഷ്ട്രീയ നിലപാടുകളുള്ള കൈരളിയും ജയ് ഹിന്ദും നടത്തുന്ന ചര്‍ച്ചകള്‍ പോലും ഇങ്ങനെ പക്ഷം ചേര്‍ന്നതാവാറില്ല. താന്‍ വളര്‍ത്തി കൊണ്ട് വന്ന പരിപാടിയുടെ ഇപ്പോഴത്തെ അവസ്ഥ കണ്ടു ശ്രീ ശ്രീകണ്ഠന്‍ നായര്‍ തീര്‍ച്ചയായും വേദനിക്കുന്നുണ്ടാകണം. അതിനേക്കാള്‍ വേദന ആഴ്ചതോറും അതിനായി കാത്തിരുന്ന പ്രേക്ഷകര്‍ക്കുണ്ടെന്ന് മര്‍ഡോക്കിന്റെ കൂട്ടാളികള്‍ക്കു എന്നെങ്കിലും തിരിച്ചരിവുണ്ടാകുമോ?

ഒരു സംശയം: അടുത്തിടെ ചര്‍ച്ചകളിലും മറ്റും നിത്യ സാന്നിധ്യമാണ് സോനാ നായര്‍. ഒരു കുന്നുമ്മല്‍ ശാന്തയോ മറ്റോ ഒഴിച്ചാല്‍ സിനിമയില്‍ അത്ര വലിയ കഴിവൊന്നും ഇത് വരെ കണ്ടിട്ടില്ല. കക്ഷി വന്നിരിക്കുന്നത് വലിയ ബുദ്ദി ജീവി നാട്യങ്ങളുമായാണ്. പക്ഷെ വാ തുറന്നാല്‍ ശുദ്ദ അബദ്ധങ്ങളും. ആരാണാവോ ഇങ്ങനെ കെട്ടി എഴുന്നള്ളിച്ചു കൊണ്ടുവരാന്‍ നിര്‍ദേശിക്കുന്നത്?

ആ, അതൊക്കെ വിടാം, നമുക്ക് അപ്പുക്കുട്ടന്റെ ഈ കലാപരിപാടി കണ്ടു തല്ക്കാലം നിര്‍ത്താം. അഭിപ്രായങ്ങള്‍ അറിയിക്കുക.

ദേശാഭിമാനിയിലെ വനിതാ സബ് എഡിറ്ററുടെ മോഷണം.

2010-07-28T22:44:00.006+05:30

മോഷണം ഒരു കലയാണെന്ന് പറഞ്ഞതാരാണപ്പാ !!!

ആ ആര്‍ക്കറിയാം...

പക്ഷെ മോഷണമാണ് കല എന്ന് പറയിപ്പിക്കുന്ന ചിലരുടെ ഇടയിലൂടെയാണ് പക്ഷി ഇന്നു പറക്കുന്നത്....

സിനിമയുടെ കഥ മോഷ്ടിച്ചു എന്നൊക്കെ സ്ഥിരം കേട്ട് കേട്ട് പുതുമയില്ലാതായിരിക്കുന്നു. എന്നാല്‍ ഇത് കുറച്ചു കൂട രസമുള്ളൊരു കഥയാണ്. ഒരു വേദിയില്‍ അവതരിപ്പിച്ച മറ്റൊരാളുടെ നാടകം ( മാധ്യമങ്ങളില്‍ വാര്‍ത്തയും വന്നിരുന്നു) മറ്റൊരു വേദിയിലെത്തിയപ്പോള്‍ രചനയും സംവിധാനവുമെല്ലാം സ്വന്തം പേരിലാക്കിയ "നവയുഗ എട്ടുകാലി മമ്മൂഞ്ഞി"യുടെ കഥ.

ആദ്യ ഭാഗം നടക്കുന്നത് കൊച്ചിയില്‍ വച്ചാണ്. കിറു കൃത്യമായി പറഞ്ഞാല്‍ ഇക്കഴിഞ്ഞ ഫെബ്രുവരി ആദ്യവാരം കൊച്ചിയില്‍ വച്ച് നടന്ന ഡി. സി. ബുക്‌സിന്റെ അന്താരാഷ്ട്ര പുസ്തകോത്സവത്തിലാണ്. അവിടെ നടന്ന വലിയ വലിയ പരിപാടികളുടെ കൂട്ടത്തില്‍ ഞങ്ങളുടെ ഒരു കൊച്ചു പരിപാടിയും ഉണ്ടായിരുന്നു. കേരള കൌമുദിയിലെ ശ്രീ പി.സി. ഹരീഷ് രചനയും സംവിധാനവും നിര്‍വഹിച്ച "നമുക്കിടയില്‍ ഏതോ ഒരു സ്ത്രീ ബോംബുകള്‍ ഉണ്ടാക്കുന്നുണ്ട്" എന്ന നാടകം അവതരിപ്പിച്ചതിന്റെ പിന്നണിയില്‍ ഈയുള്ളവനും ഉണ്ടായിരുന്നു. അന്ന് അതിന്റെ സാക്ഷാല്‍കാരത്തിനായി പ്രവര്‍ത്തിച്ച എറണാകുളത്തെ സാമൂഹിക-തെരുവോര പ്രവര്‍ത്തകനായ മുരുകന്റെയും കൂട്ടുകാരുടെയും സേവനം മറക്കാവുന്നതല്ല. ചിലര്‍ക്കൊക്കെ അതിനു കഴിയുന്നുണ്ടെങ്കിലും. എന്നാല്‍ ഞങ്ങളെ എല്ലാം നിരാശപ്പെടുത്തി കൊണ്ടാണ് ശ്രീമതി ജിഷ അന്ന് ആ ഏകാംഗ നാടകം അരങ്ങത്തു അവതരിപ്പിച്ചത്!!!

സ്ക്രിപ്ടിലുണ്ടായിരുന്ന സംഭാഷണങ്ങളില്‍ ഭൂരിഭാഗവും വേദിയില്‍ പറഞ്ഞില്ലെന്നു മാത്രമല്ല രംഗങ്ങളെല്ലാം ക്രമം തെറ്റിച്ചു തനിക്കു തോന്നുന്ന വിധം കാട്ടിക്കൂട്ടുകയായിരുന്നു അന്ന് നാടകമേ ജീവിതം എന്ന് ശ്വസിക്കുന്ന ഈ പ്രഗല്‍ഭ നടി ചെയ്തത്. ക്ലൈമാക്സിനു ശേഷമാണ് ഇടയിലുള്ള പല രംഗങ്ങളും വെളിച്ചം കണ്ടതെന്നത് തന്നെ ആ സ്ക്രിപ്റ്റിന്റെ പ്രമേയ തീവ്രത ചേര്‍ത്തി കളഞ്ഞു. സിനിമയുടെ റീലുകള്‍ ക്രമം തെറ്റി പ്രദര്‍ശിപ്പിക്കുന്നതു പോലെ. എന്താണ് സംഭവിച്ചു കൊണ്ടിരിക്കുന്നത് എന്ന് അറിയാതെയോ എന്തോ കാണികള്‍ മൂകമായി സഹിച്ചിരുന്നു. അതും കൂടാതെ നടി വേദിയില്‍ തത്സമയം നടത്തിയ സംഭാഷണ രചന സ്ക്രിപ്റ്റിനെ പാടെ അപ്രസക്തമാക്കുകയും ചെയ്തു. അന്നത്തെ അനുഭവം ഇങ്ങനെ ആയിരുന്നെങ്കിലും ആ സ്ക്രിപ്റ്റിന്റെ പ്രാധാന്യം കണക്കിലെടുത്ത് ആ നാടകം നന്നാക്കി അവതരിപ്പിക്കാനുള്ള ചിന്തയിലായിരുന്നു കുറച്ചു കാലമായി ഞങ്ങള്‍.

ഇത്രയും ആദ്യ ഭാഗം. അതില്‍ വലിയ കാര്യമൊന്നുമില്ല. പക്ഷെ ഇനിയുള്ള രണ്ടാം ഭാഗം. അതല്ലേ പൂരം. നമ്മുടെ എട്ടു കാലി മമ്മൂഞ്ഞിയുടെ അവതാരം.

കഴിഞ്ഞ ദിവസത്തെ മാതൃഭൂമിയിലെ ഒരു വാര്‍ത്തയാണ് യദാര്‍ത്ഥത്തില്‍ ഈ കുറിപ്പിനാധാരം. പിച്ചി ചീന്തപ്പെടുന്ന സ്ത്രീകള്‍ക്കിടയില്‍ നിന്നും പൊട്ടിത്തെറിക്കുന്ന ബോംബുകളുമായി സമൂഹത്തിലെ നീറുന്ന പ്രശ്നങ്ങളുമായി കോഴിക്കോട് താജ് അനുസ്മരണ നാടകോത്സവത്തില്‍ തൃശൂര്‍ കുറ്റൂര്‍ അഭിനയ അവതരിപ്പിച്ച " നമുക്കിടയില്‍ ഏതോ ഒരു സ്ത്രീ ബോംബുകള്‍ ഉണ്ടാക്കുന്നുണ്ട് " എന്ന നാടകം അരങ്ങിലെത്തി. ഞങ്ങളുടെ കൂട്ടായ്മയുടെ ഫലമായ നാടകം ഞങ്ങളറിയാതെ മറ്റൊരിടത്തെത്തി എന്നത് വിഷമം ഉണ്ടാക്കിയെങ്കിലും അത് കൂടുതല്‍ പേര്‍ കാണാനുള്ള അവസരമുണ്ടായല്ലോ എന്നോര്‍ത്തു സമാധാനിച്ചപ്പോഴാനു അവസാന വരി കണ്ടത്.

45 - മിനിറ്റ് ദൈര്‍ഘ്യമുള്ള നാടകത്തിന്റെ രചനയും സംവിധാനവും നിര്‍വഹിച്ചത് ജിഷയാണ്????

മുന്‍പ് ഒരു അഭിമുഖത്തില്‍ അവര്‍ ആമേന്‍ എന്നാ നാടകം തന്റെ കൂടി പങ്കാളിതമുല്ലതാനെന്നു പറഞ്ഞത് കണ്ടിരുന്നു. ആമേന്‍ എന്നാ നാടകത്തിനു അവര്‍ ചെയ്ത പങ്കാളിത്തം നാടകം ചെയ്യാമെന്നേറ്റിട്ട് അവസാന നിമിഷം കാലു മാറിയതായിരുന്നു. ഇത്തരം നാണമില്ലാത്തവരാണ് സത്യത്തില്‍ നാടക രംഗത്തെ തന്നെ അപചയങ്ങള്‍ക്കു പ്രധാന കാരണം. ഒരു നാടകം കുളമാക്കുക, എന്നിട്ട് അത് എങ്ങനെയെങ്കിലും മറ്റുള്ളവര്‍ നന്നായി ചെയ്‌താല്‍ അത് തന്റെതാനെന്നു പറയുക. നാടകത്തെ അത്രയേറെ സ്നേഹിക്കുന്നുണ്ട് നമ്മുടെ നടി.

ഇപ്പോള്‍ ദേശാഭിമാനിയില്‍ ജോലി നോക്കുന്ന നടി പണ്ടൊരു പത്രത്തിന്റെ മധ്യാഹ്ന വിഭാഗത്തില്‍ ജോലി നോക്കുമ്പോള്‍ ഒരേ ലേഖനം സ്വന്തം പേരില്‍ മധ്യാഹ്നത്തിലും മറ്റൊരാളുടെ പേരില്‍ വാരാന്ത്യത്തിലും വന്നു ചരിത്രം സൃഷ്ടിച്ചിട്ടുള്ളതാണെങ്കിലും ഇത് അതിനെയൊക്കെ കവച്ചു വയ്ക്കുന്നതായി പോയി. കാരണം അന്ന് അതിന്റെ പിതൃത്വം ആരുടേതാണെന്ന് വായനക്കാരനറിയില്ലെങ്കിലും അത് പിതാവിന് വേണ്ടാത്ത കുട്ടിയായതിനാല്‍ വേറെ പ്രശ്നമൊന്നുമില്ല. പക്ഷെ ഇത് ഞങ്ങളുടെ കുറെ പേരുടെ വിയര്‍പ്പുകൂടി പൊടിഞ്ഞതാണ്. ദേശാഭിമാനി ഇത്തരം എട്ടുകാലി മമ്മൂഞ്ഞുകളെ പ്രോല്‍സാഹിപ്പിക്കന്ന പത്രമല്ല അന്നാണ് ഈയുള്ളവന്റെ അറിവ്. എന്നിട്ടും ഇവരെപ്പോലുള്ള ഇത്തിക്കണ്ണികളെ സഹിക്കേണ്ടി വരുന്നതിന്റെ അവസ്ഥ.... ഹോ സമ്മതിക്കണം. തൊലിക്കട്ടിയും ഉളുപ്പില്ലായ്മയും കൈമുതലായുള്ളവര്‍ക്ക് മറ്റുള്ളവരുടെ സൃഷ്ടികളുടെ പിതൃത്വം ഏറ്റെടുക്കാന്‍ യാതൊരു ബുദ്ദിമുട്ടും ഉണ്ടാകില്ല. എന്നാലും അത് നട്ടുച്ചക്ക് പൂച്ച കണ്ണടച്ചു പാല്‍ കുടിക്കുന്ന പോലെ ആവരുതെന്ന വിനീതമായ അപേക്ഷ.
മത്രുഭുമിയിലെ വാര്‍ത്ത കോഴിക്കോട്‌.html">ഇവിടെ വായിക്കാം.

ജസ്മിയുടെ നഗ്നമേനി മോഹിച്ച പാതിരി...

2010-06-04T16:46:00.004+05:30

ഇന്ത്യ വിഷന്‍ ചാനലില്‍ ആണ് ആ പരസ്യം ആദ്യമായി കണ്ടത്.

"സിസ്റ്റര്‍ ജസ്മി മറയില്ലാതെ എല്ലാം തുറന്നു പറയുന്നത്രേ!!!!"

കലാകൌമുദി വാരികയുടെ ഏറ്റവും പുതിയ ലക്കത്തെക്കുറിച്ചുള്ള പരസ്യമാണ്.

സി. ജെസ്മിയുടെ ആമേന്‍ എന്ന ആത്മകഥ വായിച്ച ഒരാളെന്ന നിലക്ക് എനിക്കും തോന്നിയിരുന്നു, ഇനിയും എന്തൊക്കെയോ തുറന്നു പറച്ചിലിനുള്ള ഒരു സ്ഥലം മാറ്റി വച്ച് കൊണ്ടാണ് ആമേന്‍ അവസാനിപ്പിച്ചത് എന്ന്. സ്വാഭാവികമായും സഭക്കെതിരായി ഉന്നയിക്കുന്ന ആരോപണങ്ങള്‍ക്ക് സപ്പോര്‍ട്ടിംഗ് ആയ വാദങ്ങളും പ്രസ്താവനകളുമായി അവര്‍ വരുമെന്ന് ഉറപ്പായിരുന്നു. പക്ഷെ കലാ കൌമുദിയുടെ ഈ പരസ്യം കണ്ടപ്പോള്‍ ആദ്യം ഞെട്ടലാണ് തോന്നിയത്.

നളിനി ജമീലയായിരുന്നു ഇത് പറയുന്നതെങ്കില്‍ അംഗീകരിക്കാമായിരുന്നു. കാരണം അവരുടെ ജീവിതാനുഭവങ്ങള്‍ പറയുമ്പോള്‍ ഇങ്ങനെ ഉള്ള തലക്കെട്ടുകളുടെ ആവര്‍ത്തനത്തിനപ്പുറത്തേക്ക് മറ്റൊന്നും ഉണ്ടാകാനിടയില്ല. എന്നാല്‍ സമൂഹത്തിന്റെ വിവിധ തലങ്ങളുമായി നിരന്തരം ഇടപഴകിയിരുന്ന ജെസ്മിക്ക് മലയാളികളോട് പറയാന്‍ ഇത്തരം ഒരു തലക്കെട്ടവുമ്പോള്‍ മനസ്സിലുയരുന്നത് നിരാശയാണ്. പ്രത്യേകിച്ചും ആമേന്‍ പ്രസിദ്ധീകരിച്ചു രണ്ടു വര്‍ഷത്തോളം കഴിഞ്ഞിട്ടും അതിലെ ചില ഇക്കിളികള്‍ കലാ കൌമുദി പോലെ ഗൌരവമുള്ള വാരിക വീണ്ടും നിരത്തുമ്പോള്‍.

സീമ സുരേഷ് എന്ന കലാകൌമുദിയുടെ സീനിയര്‍ റിപ്പോര്‍ട്ടര്‍ (???) ജെസ്മിയുമായി നടത്തിയ ഇന്റര്‍വ്യൂവിനെ കുറിച്ചാണ് മുകളില്‍ പരാമര്‍ശിച്ചത്. ആകെ 82 പേജുള്ള വാരികയുടെ 42 -ആം പേജു മുതല്‍ 59 -ആം പേജു അടക്കം നീളുന്ന സാമാന്യത്തിലധികം സുദീര്‍ഘമായ മുഖാമുഖം. സീനിയര്‍ എന്ന് പേരിലുള്ള റിപ്പോര്‍ട്ടര്‍ സത്യത്തില്‍ രണ്ടു വര്‍ഷങ്ങള്‍ക്കപ്പുരത്തു ജെസ്മി നടത്തിയ വെളിപ്പെടുത്തലില്‍ കൂടുതലായൊന്നും ചികഞ്ഞെടുത്തിട്ടില്ല. ഈ രണ്ടു വര്‍ഷത്തിനിടെ ജെസ്മിക്കുണ്ടായ ചില അനുഭവങ്ങളും ഈ മുഖാമുഖത്തില്‍ പരാമര്‍ശിക്കുന്നുണ്ട്. പക്ഷെ കലാ കൌമുദി ഹൈലൈറ്റ് ചെയ്തിരിക്കുന്ന വാക്കുകള്‍ എല്ലാം തന്നെ ആമെനിലെ പരാമര്‍ശങ്ങളാണ്. ആ പുസ്തകത്തിലെ ചില ലൈംഗികച്ചുവയുള്ള പരാമര്‍ശങ്ങള്‍ മാത്രം തിരഞ്ഞെടുത്തു ജെസ്മിയോടു ചോദിക്കുകയും ജെസ്മി അത് തന്നെ മറ്റൊരു രീതിയില്‍ തിരിച്ചു പറയുകയും ചെയ്യുന്നു. പിന്നെ മസാലക്കു വേണ്ടി ജെസ്മിയെ കണ്ടെത്താന്‍ നടത്തിയ ശ്രമങ്ങളും വീട്ടിലേക്കുള്ള യാത്രയിലെ വഴിയോരക്കഴ്ച്ചകളും പൈങ്കിളി വാരികയിലെന്നപോലെ വിവരിച്ചിട്ടുമുണ്ട്. ഇത്തരമൊരു മുഖാമുഖം തയ്യാറാക്കിയ സീമ ശരിക്കും സീനിയര്‍ ആയ റിപ്പോര്‍ട്ടര്‍ തന്നെ. രണ്ടു വര്ഷം മുന്‍പ് മാധ്യമങ്ങളിലെല്ലാം വന്ന പരാമര്‍ശങ്ങള്‍... പിന്നെ പറയുന്ന കുറച്ചു കാര്യങ്ങള്‍, അത് അത്ര പ്രസക്തമല്ലെങ്കിലും പുതിയതാണെന്ന് വേണമെങ്കില്‍ പറയാവുന്നത്, ഹൈലൈറ്റ് ചെയ്തതുമില്ല. സത്യം പറഞ്ഞാല്‍ സീമ ചെയ്ത മുഖാമുഖത്തിന്റെ സാരാംശം അതിലായിരുന്നു താനും. അതുകൊണ്ട് വായനക്കാരുടെ എണ്ണം കൂടുകയില്ലല്ലോ. വില്‍പ്പനക്ക് വേണ്ടി പറഞ്ഞ ആ പാതിരി ആരെന്നെങ്കിലും വ്യക്തമാക്കി വായനക്കാരോട് കുറച്ചെങ്കിലും മാന്യത കാട്ടാമായിരുന്നു.

ഏറ്റവും രസകരമായി തോന്നിയത് നമ്മുടെ റിപ്പോര്‍ത്ടരുടെ ഒരവകാശ വാദമാണ്. "സിസ്റ്ററെ കുറിച്ചെഴുതിയിട്ട് വേണ്ട എനിക്കീ രംഗത്ത് ശോഭിക്കാന്‍..."

എങ്ങനുണ്ട്. ഇങ്ങനത്തെ റിപ്പോര്‍ട്ടര്‍മാര്‍ സീനിയര്‍ ആയില്ലെങ്കിലെ അതിശയമുള്ളൂ.. വായനക്കാരില്‍ ഇക്കിളിയുനര്‍ത്താന്‍ മാത്രം ശ്രമിക്കുന്ന റിപ്പോര്‍ട്ടര്‍ എവിടെയും അതിനല്ലേ ശ്രമിക്കൂ... എളുപ്പവഴിയും അത് തന്നെ ആണല്ലോ.. മറ്റൊരു കാര്യം സ്ത്രീകളെ വില്‍പ്പനചരക്കാക്കുന്നു എന്ന് ഒരുപാട് വിലപിച്ച ഒരു വാരികയാണ് കലാ കൌമുദി. ഇപ്പോള്‍ ചെയ്യുന്നത് എന്താണാവോ? സത്യത്തില്‍ സഹതാപമാണ് തോന്നുന്നത്. കൂടുതലൊന്നും പറയാതിരിക്കുന്നത് സ്ത്രീകളെ കുറച്ചൊക്കെ ബഹുമാനിക്കണം എന്ന ആഗ്രഹം ഉള്ള ഒരാളായത് കൊണ്ട് മാത്രമാണ്.

കലാ കൌമുദിയോട്:-
ഇത്രമാത്രം ആശയ ദാരിദ്രത്താല്‍ വളഞ്ഞോ കേരളത്തിലെ ബൌധിക മണ്ഡലത്തില്‍ പ്രധാന സ്ഥാനമുള്ള വാരിക. ഇത്തരം കാമ്പില്ലാത്ത ഇക്കിളി വാര്‍ത്തകള്‍ എഴുതിപ്പിടിപ്പിച്ചു വില്‍ക്കേണ്ട ആമാശയ ദാരിദ്രം വാരികയുടെ സ്ഥിര വായനക്കാരായ എന്നെപ്പോലെ ഉള്ളവരെ വളരെയേറെ വേദനിപ്പിക്കുന്നുണ്ട്‌.

സീനിയര്‍ റിപ്പോര്‍ട്ടര്‍ സീമ സുരേഷിനോട്:-
സ്ത്രീ പത്ര പ്രവര്‍ത്തകര്‍ സ്ത്രീകളെ ബഹുമാനിക്കുന്ന വാര്‍ത്തകള്‍ എഴുതുന്നില്ലെങ്കില്‍ വേണ്ട. ഇങ്ങനെ വിവസ്ത്രയാക്കരുത്. വേണമെങ്കില്‍ നിങ്ങള്ക്ക് പറയാം ജെസ്മി അല്ല ആ പാതിരി അല്ലെ ലജ്ജിക്കേണ്ടതു എന്ന്. ആ പാതിരി ആരെന്നു വെളിപ്പെടുത്താതെ നില്‍ക്കുന്നിടത്തോളം വായനക്കാരന് മുന്നില്‍ ജെസ്മിയുടെ ചേഷ്ടകള്‍ ഒരു കൊച്ചു പുസ്തകക്കുറിപ്പുകള്‍ മാത്രമായി ചിലപ്പോള്‍ ഒടുങ്ങിയെക്കാം. സ്ത്രീയെ സ്ത്രീത്വത്തെ ഇങ്ങനെ വില്പന ചരക്കാക്കാതിരിക്കുക. നിങ്ങള്‍ പറഞ്ഞ പോലെ നിങ്ങള്ക്ക് ശോഭിക്കാന്‍ ഇതല്ലാതെ വേറെ വഴികളുണ്ടെന്നു പറഞ്ഞാല്‍ പോര. തെളിയിച്ചു കാണിക്കുക.

ജെസ്മിയോടു:-
ഒന്ന് മാത്രമേ പറയാനുല്ലോ... നിങ്ങള്‍ ചെയ്യുന്നതെന്തെന്ന് നിങ്ങള്‍ അറിയുന്നില്ല...
നിങ്ങളുടെ ശ്രമങ്ങള്‍ മുഴുവന്‍ സഭയുടെ അനീതികള്‍ക്കെതിരെ തന്നെയാണ്. അത് അഭിനന്ദനാര്‍ഹാവുമാണ്. എന്നാല്‍ അതിനെ ഈ നിറച്ചാര്‍ത്തില്‍ മറ്റുള്ളവര്‍ അവതരിപ്പിക്കുമ്പോള്‍ സിസ്റര്‍ ലഖ്യ്സ്ത്തില്‍ നിന്നും വളരെ അകലുകയാണ്. ആമേന്‍ വായിക്കുന്നവരുടെ സ്പെല്ലിംഗ് മിസ്റ്റേക്ക് പരാമര്‍ശിച്ചു കണ്ടു. അതിനു അവരെ മാത്രം കുറ്റം പറയാമോ. കലാ കൌമുദി കവര്‍ പേജില്‍ എന്താണ് നിരത്തിയിരിക്കുന്നത്? മത്തന്‍ കുത്തിയിട്ട് കുമ്പളം വേണമെന്ന് പറഞ്ഞാല്‍ അതെവിടത്തെ ന്യായമാണ്?

അവസാനമായി ഒരു സംശയം.
കലാ കൌമുദി അച്ചടിക്കുന്നിടത്തു തന്നെയല്ലേ ഫയറും അച്ചടിക്കുന്നത്. ഇനി ഫയറിലേക്കുള്ള ലേഖനം മാറി കൌമുദിയില്‍ വന്നതാണോ? അങ്ങനെ ആകാനാനെന്നു തോന്നുന്നു സാധ്യത. കാരണം ഇമ്മാതിരി തലക്കെട്ടുകള്‍ അതിന്റെ മുഖചിത്രത്തിന് കൂടെയാണ് കാണാറുള്ളത്‌.

എന്തായാലും നിലവാരത്തകര്ച്ചയില്‍ തങ്ങളെ വെല്ലാന്‍ മറ്റാരുമില്ല എന്ന് കലാ കൌമുദി തെളിയിച്ചിരിക്കുന്നു. അഭിനന്ദനങ്ങള്‍...

കഥാപാത്രങ്ങള്‍ അക്ഷരങ്ങള്‍ക്കപ്പുറത്തെക്ക് വളരുമ്പോള്‍...

2010-05-31T23:15:00.002+05:30

കഥാപാത്രങ്ങളുടെ ആത്മാവ് എവിടെയാണ് കുടികൊള്ളുന്നത്? അവരുടെ ചിന്തകളുടെ ഒഴുക്ക് എവിടെയാണ് ഉറവയെടുക്കുന്നത്‌?

സംശയമൊന്നും വേണ്ട. എഴുത്തുകാരന്റെ മനസ്സില്‍ നിന്ന് തന്നെ. വ്യക്തിത്വമുള്ള കഥാപാത്രങ്ങള്‍ എന്ന് നമ്മള്‍ പറയുമ്പോഴും അവിടെ വെളിവാകുന്നത് ആ സ്രഷ്ടാവിന്റെ ചിന്തകള്‍ തന്നെയാണ്. ഒരു വ്യക്തിയുടെ പല തലത്തിലുള്ള, രൂപത്തിലുള്ള, ഭാവത്തിലുള്ള ആത്മപ്രകാശനങ്ങള്‍ ഓരോ കഥാപാത്രവും. അത് കൊണ്ട് തന്നെയാണ് ആ കഥാപാത്രങ്ങള്‍ മറ്റൊരു മനസ്സ് അണിയിച്ച ഉടയാടകളുമായി അക്ഷരങ്ങളുടെ ജടത്വത്തില്‍ നിന്നും ഉയര്‍ത്തെഴുന്നെല്‍ക്കുന്നു എന്നത് എന്നില്‍ ഏറെ കൌതുകം ജനിപ്പിച്ചതും.

ഇക്കഴിഞ്ഞ മെയ്‌ 28 നു കൊളത്തറ ശിവദാസ് വായനശാല അങ്കണത്തില്‍ മലയാള സാഹിത്യത്തിലെ പ്രശസ്തരായ 50 കഥാപാത്രങ്ങളെ കോര്‍ത്തിണക്കി ശ്രീ പി.സി.ഹരീഷ് തയ്യാറാക്കിയ "കഥയാട്ടം" നര്‍ത്തകിയും അഭിനേത്രിയുമായ ദീപിക രാധാകൃഷ്ണന്‍ അവതരിപ്പിക്കുകയുണ്ടായി. കഥാപാത്രങ്ങള്‍ കാലങ്ങള്‍ക്കിപ്പുറം സദസ്സിനോട് സംവദിക്കുന്ന കാഴ്ച വളരെയേറെ കൌതുകം ജനിപ്പിച്ചു എന്നത് സത്യം. പക്ഷെ അതിനെക്കാളേറെ കാണികളെ ആ കഥാപാത്രങ്ങളുമായി വലിച്ചടുപ്പിക്കാനും അവര്‍ തമ്മില്‍ ഒരു മാനസിക ബന്ധം ഉണ്ടാക്കിയെടുക്കാനും കഴിഞ്ഞു എന്നതാണ് സാദാരണ നാടകാവതരണങ്ങളില്‍ നിന്നും ഈ കഥയാട്ടത്തെ വേറിട്ട്‌ നിര്‍ത്തുന്നത്.

അവിടെ കൂടിയിരുന്ന നൂറുകണക്കിന് ആളുകളിലോരുവളായി ജീവിതത്തിലേക്ക് പ്രകാശം വിതറിയ വന്ന "ആ ഒരു പെണ്‍കുട്ടിയിലൂടെ" ആണ് കഥയാട്ടം ആരംഭിച്ചത്. പുസ്തകത്താളുകള്‍ക്കും വേദികള്‍ക്കും ഇപ്പുറത്തു നമ്മുടെ തന്നെ ഇടയിലാണ് ഓരോ കഥാപാത്രങ്ങളുടെയും സ്ഥാനം എന്ന് പുറകെ വന്ന ഓരോ കഥാപാത്രങ്ങളും വ്യക്തമാക്കി. കാലങ്ങള്‍ക്കിപ്പുറത്ത് പഴയ സൂരി നമ്പൂതിരിപ്പാടുമാരുടെ വിഡ്ഢിച്ചിരികളും ആക്രോശങ്ങളും കല്യാണിക്കുട്ടിമാരുടെ മൌനസഹനങ്ങളും കണ്ടു തരിച്ചു നില്‍ക്കുന്ന ഇന്ദുലേഖയും, അശാന്തിയെന്ന ലക്ഷ്യത്തില്‍ നിന്നും തിരിച്ചുനടക്കാനാവാതെ പോയ ദേവകി മാനമ്പിള്ളിയെന്ന ദേവി ബഹനും, എല്ലാ യുക്തികളും അറിവുകളും നിഷ്കളങ്കതയുടെയും നൈസര്‍ഗ്ഗികതയുടെയും മുന്നില്‍ നിസ്സഹായമാകുന്നു എന്ന് വേദനയോടെ തിരിച്ചറിഞ്ഞ ഖസാക്കിലെ പത്മയും, ഇന്നത്തെ കാലത്തെ സ്വാതന്ത്ര പ്രണയത്തിന്റെ പ്രതീകമായ റസിയയോടും അമുദയോടും സ്വന്തം നിസ്സഹായതകള്‍ പറയുന്ന ചന്ദനമരങ്ങളിലെ ഷീലയും, കല്യാണിക്കുട്ടിയും ഇന്നിന്റെ വര്‍ണ്ണരാജിയിലും ഇന്നലെയുടെ കരിപിടിച്ച വിളക്കില്‍ എപ്പോള്‍ വേണമെങ്കിലും കെട്ട് പോയേക്കാവുന്ന ആ ഭീതിയുടെ നിഴല്നാളങ്ങള്‍ നമ്മോടൊപ്പം കാണുമ്പോള്‍ നമ്മള്‍ തിരിച്ചറിയുകയാണ്... കാലവും കഥയും കഥാപാത്രങ്ങളും മാറി മറിയുമ്പോഴും നിഴലുകള്‍ക്ക് പിന്നില്‍ തങ്ങളുടെ ജ്വാലകളെ മറക്കേണ്ടി വന്ന സ്ത്രീവര്‍ഗ്ഗത്തിന്റെ ദയനീയത....

തന്നെ ബലാല്‍സംഗം ചെയ്തവര്‍ക്ക് മുന്നില്‍ തലയുയര്‍ത്തി ചൂളമടിച്ചു അഗ്നിയിലെ പ്രിയ പോകുമ്പോഴും തന്നെ വിചാരണ ചെയ്യുന്നവരുടെ മുഖത്തു നോക്കി തന്നോടൊത്ത് ശയ്യ പങ്കിട്ടവരുടെ പേരുകള്‍ കുറിയേടത് താത്രി വിളിച്ചു പറയുമ്പോഴും അവര്‍ ജയിക്കുകയായിരുന്നോ? ഒന്നുമാകാതെ പോയ അവരുടെ ബലികള്‍.... പുരുഷന്റെ ലൈംഗിക ദാഹശമനത്തിനായി മാത്രം ജീവിതം ജീവിച്ചു തീര്‍ക്കേണ്ടി വന്ന ശഹര്‍ബാനെപോലുള്ളവര്‍, ദൈവത്തിനു മുന്നില്‍ ബലിയര്‍പ്പിക്കാന്‍ ജന്മം നല്‍കിയ മകനെ ഒരു വാക്ക് പോലും ചോദിക്കാതെ കൊണ്ട് പോകുന്നത് നോക്കി നില്‍ക്കേണ്ടി വന്ന ഹാജറ ബീവിയുടെ നിസ്സഹായത.... പുരുഷനെ മോഹിച്ചതിന്റെ പേരില്‍ ജീവന്‍ നല്‍കേണ്ടി വന്ന താടക, വിരൂപയാക്കപ്പെട്ട ശൂര്‍പ്പണഖ... തന്റെ മനസ്സില്‍ റോസാപൂക്കള്‍ വളര്‍ത്തി ഒടുവില്‍ ഒന്നും മിണ്ടാതെ കടന്നുപോയി ഒരിക്കലും തിരികെ കാണാന്‍ വരാതിരുന്ന, ഒരിക്കല്‍ പോലും കണ്ടിട്ടില്ലാത്ത ബഷീറിനെ ഓര്‍ക്കുന്ന നാരായണി... മരണത്തിന്റെ നനഞ്ഞ മണ്ണിനടിയില്‍ ആഴ്ന്നു കിടക്കുമ്പോഴും സ്വപ്‌നങ്ങള്‍ കാണാന്‍ മാത്രം ശീലിച്ച മജീദിന്റെ സ്വന്തം സുഹറ.... എല്ലാവരും ഓര്‍മ്മിപ്പിച്ചത് നഷ്ടങ്ങളും ദുഖങ്ങളും മാത്രം തിരിച്ചു നല്‍കിയിട്ടും പുരുഷനെ തള്ളിക്കളയാനാവാതെ മറ്റുളവര്‍ക്ക് വേണ്ടി ജീവിതം ചിതലരിപ്പിക്കുന്ന സ്ത്രീകളെതന്നെ...

ഇതിനിടയിലെപ്പോഴോ ഇവര്‍ക്ക് ആശ്വാസമായി കടന്നു വന്ന സാറാമ്മയും, പാത്തെയിയും, ദ്രൌപദിയും, പിന്നെ ഗൌരിയും.... ജീവിക്കുന്നതിലൂടെ സ്വന്തം സ്വത്വം മുറുകെപ്പിടിച്ചവര്‍.... പിന്നെ കറുത്തമ്മ, ഉമ്മാച്ചു, ലളിത, കുറത്തി അങ്ങനെ അങ്ങനെ ഒരു പാട് കഥാപാത്രങ്ങള്‍... സ്വന്തം കുഞ്ഞിനെ പൂതത്തില്‍ നിന്നും തിരിച്ചെടുത്ത നങ്ങേലിക്കുമുന്നില്‍ ഇന്നത്തെ ഭൂതങ്ങളുടെ കയ്യില്‍ നിന്നും സ്വന്തം മകളെ രക്ഷിക്കാനാവാതെ പോയ സൂര്യനെല്ലിയിലെ ആ അമ്മ നിന്നപ്പോള്‍ വിറങ്ങലിച്ചു പോയത് നമ്മുടെ എല്ലാം മനസ്സ് കൂടി ആയിരുന്നു.

തീര്‍ച്ചയായും ഇനി ഒരു പുനര്‍വായനയില്‍ ആ കഥാപാത്രങ്ങള്‍ക്കെല്ലാം ഇവിടെ കണ്ട മുഖമായിരിക്കും എന്നതുറപ്പാണ്. കാരണം അത്രയേറെ തന്മയത്വത്തോടെയാണ് ദീപിക ഓരോ കഥാപാത്രത്തെയും അവതരിപ്പിച്ചത്. തുടര്‍ച്ചയായി അമ്പതു വേഷപ്പകര്‍ച്ചകള്‍... വേഷത്തില്‍ വലിയ മാറ്റങ്ങളൊന്നും കൂടാതെ തന്നെ.... സാദാരണയില്‍ കവിഞ്ഞ പ്രതിഭയും പ്രയത്നവും വേണ്ട സന്ദര്‍ഭം. പക്ഷെ ഒരു തുടക്കക്കാരിയുടെ പതര്‍ച്ചകളൊന്നും കൂടാതെ തന്നെ കഥാപാത്രങ്ങള്‍ നമ്മോടു സംവദിക്കുമ്പോള്‍ ഇനിയും കൂടുതല്‍ കൂടുതല്‍ ഉയരങ്ങള്‍ കീഴടക്കാന്‍ ദീപികക്കു കഴിയുമെന്നതില്‍ സംശയമില്ല. കഥാപാത്രങ്ങളെ തിരഞ്ഞെടുത്തു വിളക്കിചെര്‍ത്ത ശ്രീ പി. സി. ഹരീഷിന്റെ ശ്രമവും മികവുറ്റതായി. ജീവിത യാദര്‍ത്യങ്ങളില്‍ എന്നപോലെ സാഹിത്യത്തിലും സ്ത്രീകള്‍ നേരിടുന്ന അവഗണനയും അടിച്ചമര്‍ത്തലും വെളിവാക്കുന്ന പാത്ര സൃഷ്ടി മൊത്തം സമൂഹം സ്ത്രീകളെ മുഖ്യധാരയില്‍ നിന്നും അകറ്റി നിര്‍ത്തുന്നതിന്റെ നേര്‍ കാഴ്ചയായി.

സ്വത്വരാഷ്ട്രീയ ചര്‍ച്ചയില്‍ ഉയര്‍ന്ന കൌതുകകരമായ ഒരു വാദം ഇവിടെ പറയാതിരിക്കാന്‍ വയ്യ. വനിതാ ബില്ലിന് അനുകൂലമായി വോട്ടു ചെയ്ത ശേഷം സുഷമ സ്വരാജും വൃന്ദ കാരാട്ടും പരസ്പരം ആലിംഗനം ചെയ്തു ആഹ്ലാദം പ്രകടിപ്പിച്ചത് ആഗോള പുരുഷ മേധാവിത്വത്തിനെതിരായി സ്ത്രീകളുടെ സ്വത്വം ഉണരുന്നതിന്റെ സൂചനയാണെന്ന് ഒരു പ്രസ്താവന കണ്ടു. ശ്രീ പി സി ഹരീഷ് തന്റെ കഥയാട്ടത്തില്‍ ഇതേ വാദം ഉറക്കെ പറയുന്നുണ്ട്, ശൂര്‍പ്പണഖയിലൂടെ. ഒന്ന് കൂടെ സൂക്ഷിച്ചു നോക്കിയാല്‍ വര്‍ഗ്ഗസമരത്തിന്റെ ഒരു തലം തന്നെയാണ് അടിച്ചമര്‍ത്തപ്പെടുന്ന സ്ത്രീകള്‍ ഒത്തു ചേര്‍ന്ന് പരുഷവര്‍ഗ്ഗത്തിനെതിരെ പ്രതികരിക്കാന്‍ ആഹ്വാനം ചെയ്യുന്നതും. കഥാകാരന്മാര്‍ കാണാതെ പോയ അവരുടെ കഥാപാത്രങ്ങളുടെ ഈ ഒരു സ്വത്വബോധത്തെയാണ് ഹരീഷ് ആ കഥാപാത്രങ്ങളിലൂടെ തന്നെ നമ്മള്‍ക്ക് മുന്നില്‍ വരച്ചിടുന്നത്. അത് കൊണ്ട് തന്നെയാണ് ഇതിലെ അമ്പതു കഥാപാത്രങ്ങളെയും പുതിയ വേറിട്ടൊരു തലത്തിലുള്ള പുനര്‍വായനക്ക് നമ്മെ പ്രേരിപ്പിക്കുന്നതും. അത് തന്നെയാണ് ഈ ദൃശ്യാവിഷ്കാരത്തിന്റെ ഏറ്റവും വലിയ മികവും വിജയവും.

ദീപികക്കും ഹരീഷിനും തീര്‍ച്ചയായും അഭിമാനിക്കാം. സ്വന്തം സൃഷ്ടാക്കള്‍ പോലും കാണാതെ പോയ മനസ്സിനെ അനാവരണം ചെയ്യാനായ കുറച്ചു കഥാപാത്രങ്ങള്‍.... എഴുത്തുകാരന്‍ അവരെ അണിയിച്ച വിലങ്ങുകള്‍ പൊട്ടിച്ചു അവരെ ചിന്തയും സ്വപ്നങ്ങളും ഉള്ള പച്ച മനുഷ്യരാക്കിത്തീര്‍ത്തതില്‍... മോഹഭംഗങ്ങള്‍ക്കപ്പുറത്ത് കണ്ണീര്‍ക്കടല്‍ മാത്രമല്ല എന്ന തിരിച്ചറിവ് ഓരോ സ്ത്രീകളിലെക്കും സന്നിവേശിപ്പിച്ചാണ് അവസാന കഥാപാത്രവും വീണ്ടും അക്ഷരങ്ങളുടെ ജടത്വത്തിലേക്ക് യാത്രയായത്.

ഇനി ഒരു ട്വീറ്റിനു അവള്‍ ഇല്ല?

2010-05-22T21:49:00.004+05:30

ഹര്ഷിനി. വയസ്സ് 17. തന്റെ അമ്മയോടൊപ്പം ദുബായില്‍ നിന്നും മംഗലാപുരതെക്കുള്ളവിമാനം കയറുന്നതിനു മുന്‍പ് അവള്‍ ട്വിട്ടെരില്‍ കുറിക്കാന്‍ മറന്നില്ല. പക്ഷെ അവള്‍ക്കരിയില്ലായിരുന്നു അത് തന്റെ അവസാന ട്വീറ്റ് ആകുമെന്ന്. അതിനു മുന്‍പുള്ള സന്ദേശങ്ങളിലും അവള്‍ പറഞ്ഞിരുന്നു ഈ വരവിനെ പറ്റി. ഒരു വിവാഹത്തില്‍ പങ്കെടുക്കാനുള്ള വരവ്. ഒരു സുഹൃത്തിനു അവള്‍ എഴുതിയിരുന്നു, ഈ വിവാഹച്ചടങ്ങുകളും ബഹളങ്ങലുമോന്നും അവള്‍ക്കിഷ്ടമല്ല എന്നും. ഇല്ല, ഇനി ഒരു ബഹളങ്ങളുടെ ലോകത്തേക്കും അവള്‍ ഇല്ല. വേദനോയോടെ ഈ സഹോദരന്റെ ബാഷ്പാഞ്ജലി.
ഹര്ഷിനിയുടെ ട്വിറ്റെര്‍
വാര്‍ത്ത

മാതൃഭുമിയും നായര്‍ സ്ത്രീയെ വേശ്യയാക്കുന്നു????

2010-05-22T00:10:00.002+05:30

ബ്ലോഗ്ഗിലെ ഒരു വിരുതന്‍ ഒപ്പിച്ച പണിക്ക് മരുപണി കൊടുത്തു ഒന്ന് നിവര്ന്നത്തെ ഉള്ളൂ പണിക്കര് ചേട്ടന്‍. അതാ വരുന്നു അടുത്ത മാനഹാനി. ഇത്തവണ സ്വന്തം പത്രത്തില്‍ നിന്നു തന്നെയാണ്. കൃത്യമായി പറഞ്ഞാല്‍ പത്രത്തിന്റെ ആനുകാലിക വാരികയായ മാതൃഭൂമി ആഴ്ചപ്പതിപ്പില്‍. അതില്‍ എം. ഗംഗാധരനുമായി താഹ മാടായി നടത്തിയ സംഭാഷനത്തിനിടയിലാണ് സംഭവം നടന്നത്. മാതൃഭൂമി ആയതു കൊണ്ട് മാനം പോകില്ലെന്ന് പണിക്കര് ചേട്ടന്‍ കരുതുമോ എന്തോ. തള്ള ചവിട്ടിയാല്‍ പിള്ളക്ക് കേടില്ലല്ലോ.

1. "മുന്‍പ് നമ്പൂതിരിമാര്‍ മാത്രമായിരുന്നു കേരളത്തില്‍ മുഴുവന്‍ സഞ്ചരിച്ചിരുന്നത്. എവിടെ പോയാലും ഭക്ഷണം കിട്ടും. അത്യാവശ്യം കൂടെ കിടക്കാന്‍ നായര്‍ സ്ത്രീകളെയും കിട്ടും. അപ്ഫന്മാരുടെ ഒരു ചരിത്രം.
2. നായന്മാര്‍ ഒരു കച്ചവടവും നടത്തുന്നില്ല. അവരെ അതിനു കൊള്ളില്ല.

ശ്രീമാന്‍ ഗംഗാധരന്‍ ഊഹാപോഹങ്ങള്‍ വച്ച് ഇമ്മാതിരി തട്ടി വിടുമ്പോള്‍ ചര്ട്ടിച്ചത് അതെ പടി കോരിയെടുത്തു പേജില്‍ നിറക്കാന്‍ മാതൃഭൂമിയെ പോലുള്ള പ്രസിദ്ദീകരണം ശ്രമിച്ചത് ഒട്ടും ശരിയായില്ല. സമുദായത്തെ പൊതുവില്‍ പരിഹസിക്കുന്ന അതും തെളിവോന്നുമില്ലാതെ ചുമ്മാ തട്ടി വിടുന്ന ഗീര്‍വാനങ്ങളിലൂടെ നിലപാടുകളെ എതിര്‍ക്കെണ്ടാതാണ്. ചിലര്‍ അങ്ങിനെ നടന്നിട്ടുണ്ടാവമെങ്കില്‍ മൊത്തം സമുദായത്തെ ഉദാഹരിക്കരുതായിരുന്നു. മറ്റു സമുദായങ്ങളിലും ഇത്തരക്കാര്‍ ഇല്ലെന്നു പറയാന്‍ ആര്‍ക്കു കഴിയും.

സംഗതി എന്തായാലും ഈയുള്ളവന്‍ ഒരു നായരോ നമ്പൂതിരിയോ അല്ല. എന്നാലും ചുമ്മാ കാറ്റ് കൊണ്ടിരിക്കുമ്പോള്‍ തട്ടി വിടുന്ന ഇത്തരം പരദൂഷണങ്ങള്‍ അതെത്ര ശരിയായാലും തെറ്റായാലും അത്രയ്ക്കങ്ങോട്ട് യോജിക്കാനാവുന്നില്ല. അങ്ങനെ ഒരു പരാമര്‍ശം അവിടെ അനാവശ്യമായിരുന്നു. ആ പരാമര്‍ശം കൊണ്ട് ശ്രീ ഗംഗാധരന്‍ ഉയര്‍ത്തുന്ന നിലപാടുകള്‍ക്ക് ഒരു പിന്തുണയും കിട്ടുന്നുമില്ല. പിന്നെ എന്തിനാണ് ഹേ.... മൈല്‍ കുട്ടി കാണുമ്പോള്‍ ശങ്കയില്ലെങ്കിലും ഒന്ന് സാധിച്ചു കളയാം എന്ന് കരുതുന്ന തെരുവ് നായയെ പോലെ....
പ്രതികരിക്കുക. പ്രതിഷേധിക്കുക.

യേശു ക്രുസ്തുവിനെതിരെ ബാല പീഡന കേസ്!!!!

2010-04-10T17:00:00.001+05:30

ഇക്കഴിഞ്ഞ ഏപ്രില്‍ 2 നു മനോരമ പത്രത്തിന്റെ തൃശൂര്‍ എഡിഷന്‍ പത്രത്തിലെ പ്രാദേശികം എന്ന മൂന്നാം പേജില്‍ വന്ന ചിത്രവും അടിക്കുറിപ്പുമാണ്‌ ചുവടെ. ബാക്കിയെല്ലാം നിങ്ങള്‍ തന്നെ പറയുക.

ചിത്രത്തിന്‍റെ അടിക്കുറിപ്പു ഒന്ന് കൂടി ഇവിടെ കുറിക്കട്ടെ.

" കുരിയച്ചിറ ഇടവകയില്‍ നിന്നും 100 കിലോയുള്ള കുരിശു വലിച്ചു മലയാറ്റൂര്‍ തീര്‍ഥാടകരെ അനുഗമിക്കുന്ന മേജോ ജെയിംസ്. കുരിയച്ചിറ എം ടി എച് എസ് സ്കൂളിലെ ആറാം ക്ലാസ് വിദ്യാര്‍ത്ഥിയാണ്."

ബച്ചന്‍ കള്ളന്‍, മനോരമ കഞ്ഞി വച്ചവന്‍

2010-03-26T12:54:00.005+05:30

ബച്ചന്റെ വിഷയം ഇത്ര വലുതാക്കിയത് മനോരമ. കാരണം അവരുടെ പ്രോഗ്രമിലാണ് അമ്പാസിഡര്‍ ആവാമെന്ന് പറഞ്ഞത്. അത് നടക്കാതാവുമ്പോള്‍ അവര്‍ക്കുള്ള കുന്നായ്മ സ്വാഭാവികം. അല്ലാതെ മലയാളികള്‍ക്ക് ബച്ചനുമായി എന്ത് ബന്ധം. ബച്ചനാണോ ലോകത്തിലെ ഇടവും ശ്രേഷ്ടന്‍. മനോരമാക്കാവുമായിരിക്കും. അല്ലാതെ...

പിന്നെ സി.പി.എം ബച്ചനെ എത്രിക്കുന്നതിനു മോഡിയുടെ കാരണം മാത്രമാണോ? രണ്ടു വര്ഷം പിന്നിലേക്ക്‌ നോക്കുക. അന്ന് മുലായം മുഖ്യമന്ത്രിയായ സമയത്ത് കൂട്ട് കൃഷിക്കാരന്‍ അമര്‍സിങ്ങിന്റെ ഒത്താശയില്‍ ഹെക്ടര്‍ കണക്കിന് ഭൂമി കൈവശപ്പെടുത്തിയ പുള്ളിയാണ് ഈ ബച്ചന്‍. അതും താന്‍ ഒരു പാവം കൃഷിക്കാരനാനെന്ന വ്യാജ രേഖയുണ്ടാക്കി. ഇപ്പോള്‍ മൂന്നാര്‍ പ്രശ്നം വച്ചു നോക്കിയത് കൊണ്ടാവും മനോരമക്ക് ബച്ചന്‍ സ്വീകര്യനായത്. കയ്യേറ്റക്കരനാനല്ലോ. പിന്നെ ടൂറിസം വരാന്‍ ബച്ചന്റെ നാല് വാക്ക് കിട്ടണമെന്ന് പറഞ്ഞാല്‍ അത് മൊത്തം കേരളത്തിനു തന്നെ അപമാനമാണ്. എന്താ ഇവിടെ ഉള്ളവരൊക്കെ വെറും എഴാം കൂലികളോ?

ബച്ചന്‍ അമ്പസിടര്‍മാരുടെ അമ്പാസിഡര്‍ ആയിരിക്കാം. പക്ഷെ ഒന്നോര്‍ക്കുക. പുള്ളി അമ്പാസിടരും ജീവാത്മാവും പരമാത്മാവും ഒക്കെയായ എ.ബി.സി.എല്‍ എന്ന കമ്പനിയെ പറ്റി. ബച്ചന്റെ കാര്യത്തില്‍ വിവാദമായത് രാഷ്ട്രീയമല്ല. മറിച്ചു മനോരമയുടെ ധാര്‍ഷ്ട്യമാണ്. അവര്‍ കൊണ്ട് വന്ന ഒരു മഹാ കാര്യം ചീട്ടിപോയത്തിലെ വിഷമം ഇങ്ങനെ ഒക്കെ ചര്‍ച്ച ചെയ്തു കുളമാക്കിയെങ്കിലും ആശ്വസിക്കട്ടെ. ഇനിയുള്ള ചര്‍ച്ചയില്‍ മോഡി ബാന്ധവത്തോടൊപ്പം ബച്ചന്‍ എന്ന കള്ളനെയും വിഷയമാക്കുമെന്ന പ്രതീക്ഷയോന്നുമില്ല. കാരണം ചര്‍ച്ചക്ക് മുന്‍പേ തീരുമാനം പ്രാസമൊപ്പിച്ചു എഴുതി ചര്‍ച്ച എങ്ങനെ ആയാലും ആ വാക്യം വള്ളി പുള്ളി വിടാതെ വായിച്ചു പങ്കെടുത്തവരേയും കാണുന്നവരെയും വിട്ടികലാക്കുന്ന കൌണ്ടര്‍ പോയിന്റു നടത്തുന്നവരില്‍ നിന്നു ഇത്രയൊക്കെയേ പ്രതീക്ഷിക്കെണ്ടൂ...

ഒരുമിച്ചുള്ള സഹവാസം തെറ്റല്ല.

2010-03-24T19:39:00.003+05:30

ഹാവൂ.... അങ്ങനെ സുപ്രീം കോടതി വീണ്ടും നമ്മുടെ രക്ഷക്കെത്തിയിരിക്കുന്നു. ഇനിയും ഇവിടത്തെ കൊമാരങ്ങള്‍ക്ക് അടങ്ങിക്കൂടെ? നടി കുഷ് ബുവിനു നന്ദി. ഒന്നുമില്ലെങ്കിലും കുറച്ചുനാള്‍ അവരെയും നമ്മുടെ നാട്ടുകാര്‍ പൂജിച്ചതല്ലേ. ദൈവങ്ങള്‍ക്കും വെളിവുണ്ടായിരിക്കുന്നു എന്ന് കരുതാം..

ബ്ലോത്രം പൂട്ടി???

2010-01-13T10:47:00.005+05:30

എന്തൊക്കെയായിരുന്നു

ബ്ലോത്രം ആത്മകതയെഴുതാന്‍ തുടങ്ങുക അല്ലായിരുന്നോ?

എന്താ ജിക്കൂസേ കഥ പെട്ടെന്ന് നിര്‍ത്തിയത്..

ഓ നിര്‍ത്തി നിര്‍ത്തി പറഞ്ഞാലല്ലേ ഭാവം വരൂ അല്ലെ.

കൊള്ളാം കേട്ടോ...

മറ്റു ബ്ലോഗുകള്‍ക്ക്‌ ശ്രദ്ദ കിട്ടാന്‍ തുടങ്ങിയ ബ്ലോത്രത്തെ ആരെങ്കിലും ഒന്ന് ശ്രദ്ടിക്ക്... പ്ലീസ്...

ഈ പുതു വര്ഷം പിറന്നിട്ടു പതിമ്മൂന്നു പ്രഭാതം പൊട്ടി വിടര്ന്നെങ്കിലും ( അത്യാവശ്യം സാഹിത്യം നമുക്കും അറിയാം, ) ഇത് വരെ ഒരു പോസ്ടാനു നമ്മടെ ബൂലോക പത്രത്തില്‍ ( അവാര്‍ഡു കിട്ടയ്തു കൊണ്ടാണോ ഇങ്ങനെ നിലവാരം ഉയര്‍ന്നു പോയത്?) വന്നത്. അതോ പത്രം എന്നത് മാറ്റി മാസികയോ വാരികയോ ഒക്കെ ആക്കി മാറ്റിയോ? ഓ ബ്ലോത്രം ദിനപത്രം അല്ലല്ലോ. വന്നാല്‍ വന്നു. സോറി മറന്നു പോയതാണ് കേട്ടോ....

വരി സഖ്യയെടുത്തവരോട് പത്രാധിപര്‍ എന്ത് പറയും???

ആ നല്ല പുളിച്ചത്‌ ഉള്ളില്‍ ധാരാലമുല്ലതല്ലേ... അതുകൊണ്ട് ആ വാഗ്ധോരനിക്കായി കാത്തിരിക്കുന്നു....

ഓ.ടോ.

പത്രം വീണ്ടും ത്ടരാന്‍ ആത്മാര്‍ഥമായ ആശംസകള്‍.

ബൂലോകം വീണ്ടും കള്ളന്മാര്‍ക്ക് കഞ്ഞി വക്കാന്‍ പോകുന്നു.

2009-12-29T12:10:00.001+05:30

മഹാ മാന്യ ദേഹം കാപ്പിലാന്‍ പറയുന്നത് വോട്ടെടുപ്പ് രഹസ്യമാക്കാന്‍ പോകുന്നെനാണ്. നാലതാനല്ലോ. അങ്ങനെ ആവുന്പോള്‍ ഇപ്പോള്‍ പിടിക്കപ്പെട്ട മാതിരി ആവില്ലായിരുന്നു. പെട്ടി പോട്ടുംബോഴല്ലേ നാട്ടാരരിയൂ... ഈ ബുദ്ദി എന്തെ ആദ്യം തോന്നീല എന്ന് പറഞ്ഞു കാപ്പൂ അരിശം കൊള്ളുന്നുണ്ടാവുംഅന്തായാലും കള്ളന്മാര്‍ക്ക് ഒന്ന് കൂടി സുഘമായി... എടൊ വോട്ടെടുപ്പ് നിര്‍ത്തി നാണം കെടുന്നത്‌ അവസാനിപ്പിക്കാന്‍ നോക്ക്. വോട്ടെടുപ്പ് അങ്ങട് രഹസ്യമാക്കിയാല്‍ കള്ളാ വോട്ടു കുറയുമോ... തന്റെ ബുദ്ദി ഇപ്പോഴും ആ രണ്ടു വയസ്സുകാരന്റെ ആണോ... അതോ ബ്ലോഗര്‍ മാര്‍ വെറും മണ്ടന്മാരാണെന്ന് കരുതിയോ... കള്ളാ വോട്ടു ചെയ്യാനുള്ള വസരം ഇപ്പോഴും ഉള്ളപ്പോള്‍ പിന്നെ എന്തിനാടോ രഹസ്യമായി വക്കുന്നത്. തനിക്കും ശിഷ്യനും പേടിയുണ്ടാവും അല്ലെ. ബൂലോകം തട്ടിപ്പ് ഉടന്‍ നിറുത്തുക.

കാപ്പുവിന്റെ പുതിയ ഉരുളല്‍.

2009-12-29T11:51:00.005+05:30

ബൂലോകം ഓണ്‍ ലയിനുമായി വെളിയില്ല, സംബന്ധം മാത്രമേ ഉള്ളൂ ( പി.ഡി.പി.-സി.പി.എം, ഡി. ഐ.സി-സി പി.എം. പോലെ)എന്ന കാപ്പിലാന്റെ പുതിയ വെടി. iതാ വായിക്കുക .

Comments:
There are 1 comments for വ്യാജ വോട്ടിനു കേസ്
കാപ്പിലാന്‍ says...
കള്ളവോട്ടുകള്‍ നടന്നു എന്നാരോപിക്കുന്ന മണ്ഡലങ്ങളില്‍ വീണ്ടും ഒരു തിരഞ്ഞെടുപ്പ് കൂടി നടത്തണം .കൂടാതെ കള്ളവോട്ട് നടത്തിയവര്‍ക്കും ,ബൂത്ത് പിടിച്ചടക്കിയവര്‍ക്കും എതിരെ കര്‍ശനമായ നിയമ നടപടികള്‍ എടുക്കും . ഇത്രയുമാണ് ഇപ്പോള്‍ ബൂലോകം പത്രത്തിന് മുന്നിലുള്ള വിഷയം .ഇതിനെക്കുറിച്ചുള്ള കൂടുതല്‍ അറിയിപ്പുകള്‍ ഉടനെ ഉണ്ടാകും . കാത്തിരിക്കുക .
അവസാന രണ്ട് ദിവസത്തെ വോട്ടെടുപ്പുകള്‍ രഹസ്യ ബാലറ്റ് ആയിരിക്കും എന്നൊരു ശ്രുതിയും കേള്‍ക്കുന്നു .

Posted on: December 28, 2009 4:23 PM
ലിങ്ക് ഇതാ... ശിഷ്യന്റെ പുതിയ പ്രാക്രമംങ്ങള്‍ വച്ചു നോക്കിയാല്‍ തെളിവ് അവിടെ അധികം നേരം കാണാന്‍ സാധ്യതയില്ല. അത് കൊണ്ടാണ് ഇവിടെ എടുത്തെഴുതിയത്. ബൂലോകവുമായി ഒരു ബന്ടവുമില്ലാത്ത കാപ്പിലാന്‍ ഈ തീരുമാനങ്ങള്‍ പാടി നടക്കുന്നത് കാണുമ്പോള്‍... ഹ ഹ ഹ.... പൂച്ച കരുത്തതായാലും വെളുത്തതായാലും പാല് കുടിക്കത്തെയുള്ളൂ... കണ്ണടച്ചു തന്നെ. ലോകം ഇരുളില്‍ ആണല്ലോ....

ജിക്കൂസ് വാലും ചുരുട്ടി ഓടി രക്ഷപ്പെട്ടിരിക്കുന്നു....

2009-12-29T11:27:00.005+05:30

എന്തായിരുന്നു ഇന്നലെ... ഞാനാരാ മോന്‍ എന്നൊക്കെ അങ്ങ് കാച്ചിയിട്ടു.... എന്തൊരു തെറി വിളിയായിരുന്നു.... ബ്ലോത്രത്തിനെ തൊട്ടു കളിച്ചാല്‍ വെവരം അറിയുമെന്നൊക്കെ അല്ലായിരുന്നോ കക്കൂസിന്റെ ഭീഷണി.... ഇപ്പോള്‍ പുലി പോയ വഴി പുല്ലു പോലുമില്ല... ഇന്നലെ വലിയ വായില്‍ പറഞ്ഞതെല്ലാം മാച്ചു കൊണ്ട് കാശി ഓടി രക്ഷപ്പെട്ടിരിക്കുകയാണ്.... കാപ്പോഒ... ബ്ലോത്രം കളരി പോരാ ട്ടോ... ഇങ്ങനെയുള്ള നരുന്ത് പയ്യന്മാരെ ബ്ലോത്രത്തിന്റെ വക്താക്കള്‍ ആക്കാന്‍ വിട്ടാല്‍ നാറുകയെഉള്ളോ... കുറച്ചു കൂടി മനക്കരുതുള്ള ആളുകളെ വിട്... കക്കൂസ് ഇന്നലെ നായരുടെ ബ്ലോഗില്‍ വലിയ ആനത്തരമോക്കെ വിളമ്പിയിരുന്നു... താന്‍ ഒരു ആണും പെണ്ണും കേട്ടവന്‍ ആണെന്ന് ബോധ്യം ഉള്ളത് കൊണ്ടാവാം അങ്ങനെ വീമ്പിളക്കിയത്. ക്ഷമിക്കാം... പ്രായ പൂര്‍ത്തി ആയില്ലല്ലോ... എന്തായാലും താന്‍ ആണല്ല എന്ന് മറ്റുള്ളവരുടെ മുന്നില്‍ ഇങ്ങനെ തെളിയിക്കണ്ടായിരുന്നു ജിക്കൂസേ... വലിയ നാനക്കെടായിപ്പോയി.... കാപ്പൂ... പുതിയ ശിഷ്യരെ വാര്‍ത്തെടുക്കൂ.... ബൂലോകം ഓണ്‍ലയിനിന്റെ കള്ളവോട്ട് ബഹിഷ്ക്കരിക്കൂ.... കള്ളന്മാരെ ഒറ്റപ്പെടുത്തൂ... ജിക്കൂസ് കള്ളത്തരം ഏറ്റു പറഞ്ഞത് നോക്കേണ്ട... ബ്ലോത്രം ഉള്പ്പന്നമല്ലേ... സംഗതി പന്തിയല്ല എന്ന് കണ്ടാല്‍ കഴുത ക്കാല്‍ വരെ പിടിക്കുന്നവരാണ്.. പക്ഷെ അവന്മാരൊക്കെ എന്നും ഇതേ ചെയ്യൂ... ചൊട്ടയിലെ ശീലം. ഗതി കേട്ട് പിടിക്കുമെന്നാവുമ്പോള്‍..... ഏറ്റു പറച്ചില്‍ എന നാടകം... പിന്നെയും തുടരുക തന്റെ ശീലവും... നാണമില്ലാത്ത മാനം കെട്ട വോട്ടെടുപ്പ് തുടരുന്ന ബൂലോകം ഓണ്‍ ലയിനിനെ ബഹിഷ്ക്കരിക്കുക....

ഇതാ ചിക്കൂസ് പോയ പുല്ലില്ലാത്ത വഴി... കമന്റും പറിച്ചോ കൊണ്ടല്ലേ പുള്ളി രക്ഷപ്പെട്ടത്... ശോ... എന്ന ഓട്ടമായിരുന്നു.... ജയ്‌ ഹോ....

പക്ഷെ താന്‍ ഒരു നപുംസകം ആണെന്ന് വ്യക്തമാക്കാനായി ആണും പെണ്ണും കെട്ട അനോണിയായി വന്ന തെറി വിളി മാക്കാന്‍ കക്ഷിക്ക് കഴിഞ്ഞില്ല ... അത് ഇതാ ഇവിടെ...

ബ്ലോത്രത്തിന്റെ തനതു ഭാഷ എ അനോണി കമ്മാന്റില്‍ ഉണ്ട്. വാ വിട്ട വാക്കും... കൈ വിട്ട ആയുധവും.... മോനെ കക്കൂസേ... ആശാനും ശിഷ്യനും കൂടി പണ്ട് തോര്‍ത്തു മുണ്ടില്‍ പരല്‍ പിടിച്ചു കാണും. അതും കൊണ്ട് സ്രാവിനെ പിടിക്കാന്‍ വരല്ലേ....

ഇതൊരു അനുഭവസ്തന്റെ സാക്ഷ്യം... വായിച്ചു നോക്കൂ...

മാനമുള്ളവര്‍ കള്ളാ വോട്ടെടുപ്പ് ബഹിഷ്ക്കരിക്കുക.

2009-12-28T21:32:00.004+05:30

വോട്ടെടുപ്പിന്റെ കള്ളത്തരവും പൊള്ളത്തരവും വ്യക്തമായ നിലക്ക് അത് നിര്‍ത്താന്‍ ആവശ്യപ്പെടുക. കൂടുതല്‍ വിശ്വസനീയമായ ഒരു രീതി കൊണ്ട് വരട്ടെ. ബോലോകം ഓണ്‍ലൈന്‍ പത്രത്തിനു അതിനു കഴിയും. ഇത്രക്കൊക്കെ എത്തിച്ഛതല്ലേ. അത് കൊണ്ട് അര്‍ത്ഥ ശൂന്യമായ ഈ പ്രഹസനം ഇനിയെങ്കിലും നിര്‍ത്തുക. നന്ദി. ഞാന്‍ ഈ ഇടപെടല്‍ ഇവിടെ നിര്‍ത്തുകയാണ്. ചുമ്മാ കളിക്കാനാനെങ്കില്‍ ഇങ്ങനെ ഒരു തമാശ വോട്ടെടുപ്പ് കളി തന്നെ വേണം എന്നുണ്ടോ? മറ്റെന്തെങ്കിലും മത്സരം വച്ച് കൂടെ. ബ്ലോത്രം സ്വന്തമായി ചെയ്യുന്നത് പോലെ ഒരു കവിത അവാര്‍ഡോ അത് പോലെ മറ്റെന്തെങ്കിലും. ഈ വോട്ടിംഗ് രീതിയും മാറ്റണം. എല്ലാ മാന്യ ബ്ലോഗ്ഗര്‍മാര്‍ക്കും നവ വത്സരാശംസകള്‍.

ജിക്കൂസ് തെറി വിളി തുടങ്ങിയതിനാല്‍ കമന്റ്‌ മോടരറേന്‍ ചെയ്യുന്നു.

2009-12-28T20:49:00.003+05:30

ഒടുവില്‍ ജിക്കൂസ് ബ്ലോത്രത്തിന്റെ സല്‍സ്വഭാവം കാണിച്ചു തുടങ്ങിയതിനാല്‍ കമന്റുകള്‍ മോടരെട്ടു ചെയ്യാന്‍ നിര്‍ബന്തിതന്‍ ആയിരിക്കുകയാണ്. തെറി വിളിക്കാത്തവര്‍ ക്ഷമിക്കുക. എന്തായാലും കാപ്പുവിനും ബ്ലോത്രത്തിനും അഭിമാനിക്കാം. ജിക്കൂസായിട്ടു തങ്ങള്‍ക്കൊരു പേരുദോഷം വരുത്തിയില്ലല്ലോ...

ബൂലോകം ഓണ്‍ ലയിനെ രക്ഷിക്കാന്‍ കള്ള വോട്ടു രാജന്‍ ജിക്കൂസ്...

2009-12-28T20:39:00.002+05:30

അങ്ങനെ നമ്മുടെ വിശുദ്ദനായ കള്ള വോട്ടര്‍ ജിക്കൂസ് ബൂലോകം ഒന്ലയിനിനെ താങ്ങാന്‍ വന്നിരിക്കുന്നു. അവാര്‍ഡു വേണ്ടെന്നു പറഞ്ഞതിനുള്ള കാരണം ബൂലോകം ഓണ്‍ലൈന്‍ അല്ല അത്രേ. ആ ബ്ലോത്രത്തിന്റെ എഡിറ്റര്‍ ഇത്രയൊക്കെ പറഞ്ഞില്ലെങ്കിലല്ലേ അതിശയമുള്ളൂ... ബ്ലോത്രം തന്നെ ഒരു കോപ്പിയടി പത്രം അല്ലെ. അല്ലാതെ ഒരു വാര്‍ത്ത അതിലുണ്ടോ... ഈ കമ്മന്റ് നോക്കൂ...

ജിക്കൂസ് ! said...
രാംദാസ്, ഒരു കാര്യം പറയാന്‍ ആഗ്രഹിക്കുന്നു....വെറും ഒരു അവാര്‍ഡിന്റെ പേരില്‍ താന്‍ ഇവിടെ നടത്തുന്ന പ്രകടനം വില പോകില്ല...പ്രതിഷേധം ആകാം പക്ഷെ അത് അതിര് വിട്ടാല്‍ ഒരിക്കലും യോജിക്കാനാവില്ല .ഞാന്‍ അറിയാന്‍ മേലാഞ്ഞിട്ട് ചോദിക്കുവാ ബൂലോകം ഓണ്‍ലൈന്‍ പോളിചെടുക്കാന്‍ വല്ല വഴിപാടും എടുത്തിട്ടുണ്ടോ?ഒരു അബദ്ധം പറ്റിയാല്‍ അയാളെ ജീവിതം മുഴുവന്‍ ക്രൂശിക്കുന്നത് ശരിയല്ല ..രാം തന്നെ പറയൂ ബൂലോകത്ത് എവിടെയും ഇങ്ങനെയുള്ള കള്ളത്തരങ്ങള്‍ നടക്കുന്നില്ലേ?അത് കൊണ്ട് ചേട്ടന്‍ അങ്ങ് ഓവര്‍ ആക്കേണ്ട അതോ ബ്ലോഗില്‍ ഒന്നും എഴുതാന്‍ ഇല്ലാഞ്ഞിട്ടാണോ?രാമിനോട് എനിക്ക് ഒരു ദേഷ്യവും ഇല്ല പക്ഷെ ഇന്നലത്തെ താങ്കളുടെ പ്രതിഷേധം നാലാം കിട പരിപാടിയായി പോയി....ഞാന്‍ നെറ്റില്‍ പിന്നെ വരാതിരുന്നത് കൊണ്ടാണ് അതിനെ കുറിച്ച് നേരത്തെ എഴുതാന്‍ കഴിയാതിരുന്നത് ...ആദ്യം കരുതിയത്‌ താങ്കള്‍ക്കു അല്പം എങ്കിലും വിവരം ഉണ്ടാകും എന്നാണു പക്ഷെ ഇപ്പൊ താന്‍ അത് തിരുത്തി എഴുതി ..പിന്നെ എനിക്ക് അവാര്‍ഡ് വേണ്ട എന്ന് പറഞ്ഞത് ആരോടും എതിര്‍പ്പോ അല്ലെങ്കില്‍ ബൂലോകം പത്രത്തിന്റെ കുഴപ്പം കണ്ടോ ആണെന്ന് ഞാന്‍ പറഞ്ഞിട്ടില്ല ഞാനും അതില്‍ പ്രതിയാണ് എന്ന് മാത്രം .പിന്നെ തെരഞ്ഞെടുപ്പു നിര്‍ത്താന്‍ നമ്മള്‍ ആളല്ല ..അവര്‍ കാശ് മുടക്കി ഉണ്ടാക്കിയ ഡൊമൈന്‍ ..അത് കൊണ്ട് പ്രതിഷേധം അതിര് വിടുന്നു എന്നാ ഒരു മുന്നറിയിപ്പ് തരാന്‍ ആ അവസരം വിനിയോഗിക്കുന്നു ....ക്ഷമ പറഞ്ഞു എന്നരിജതില്‍ സന്തോഷം ഉണ്ട്....
December 28, 2009 6:07 പം

ജിക്കൂസ് ! said...
രാമാ നീ വല്യ കളിയൊന്നും കളിക്കേണ്ട..തരയായാല്‍ തറയാകാന്‍ ഒരു മടുപ്പും ഇല്ലെനിക്ക്..പിന്നെ ആവശ്യമില്ലാതെ ബ്ലോത്രത്തിന്റെ പേര് ഇതിള്‍ക്ക് വലിചിടരുത്‌......ചുമ്മാ തട്ടികളിക്കരുത് അതിനെ....പിന്നെ എന്നോട് എന്തെങ്കിലും പറയനുന്ടെകില്‍ എന്നോട് പറയണം അല്ലാതെ ബ്ലോത്രത്തിന്റെ വാലും പിടിച്ചു സംസാരിക്കരുത് കേട്ടല്ലോ.....അവന്റെ ഒരു ബ്ലോഗ്‌ ....പോടാ ഊവേ............
December 28, 2009 8:13 PM
കാപ്പിലാനോത്ത കുഴലൂത്തുകാരന്‍ തന്നെ... പത്രത്തിനു ജയ്‌ ഹോ.

ബ്രെറ്റിനെ വേദനിപ്പിച്ചെങ്കില്‍ ക്ഷമിക്കുക.

2009-12-28T09:55:00.001+05:30

പ്രിയ ബ്രെറ്റ്, താങ്കളെ കുറിച്ചുള്ള പരാമര്‍ശം അതിര് കടന്നെന്ന് പലരും പറഞ്ഞു. അത് കൊണ്ട് അതിലെ ആ പരാമര്‍ശം ഞാന്‍ എടുത്തു മാറ്റുന്നു. പക്ഷെ എന്റെ നിലപാടുകള്‍ അത് തന്നെയാണ്. എങ്കിലും ഇത്രയൊക്കെ ആളുകള്‍ പറഞ്ഞിട്ടും തെളിയിച്ചിട്ടും താങ്കള്‍ക്കു ഈ വോട്ടിങ്ങിലെ പൊള്ളത്തരം മനസ്സിലാവ്ന്നില്ല എന്നതോര്‍ത്തു സഹതാപം തോന്നുന്നു. ഒരിക്കല്‍ കൂടെ ചോദിക്കട്ടെ ആര്‍ക്കാണ് ആ അവാര്‍ഡു അഭിമ്മനത്തോടെ സ്വീകരിക്കാനാവുക. പിന്നെ എല്ലാ ബ്ലോഗര്‍മാരുടെയും (ബൂലോകം ഓണ്‍ലൈന്‍ വായിക്കുന്ന) നോമിനേഷന്‍ ഉണ്ട്. അവരവര്‍ തനിക്കു തന്നെയല്ലേ വോട്ടു ചെയ്യുക. ഒരാള്‍ക്ക്‌ ഒരു വോട്ടും. അപ്പോള്‍ പിന്നെ എന്ത് വോട്ടിംഗ്. ആദ്യം പറഞ്ഞിരുന്നു ഒരു ജൂറി തീരുമാനിക്കുമെന്ന്. അതിനു കുറച്ചു കൂടി യുക്തി ഉണ്ടാവുആയിരുന്നു. ഇതിപ്പോള്‍.... ഇനിയും ഇത് തുടര്‍ന്ന് കൊണ്ട് പോകുന്നത് നേരത്തെ പറഞ്ഞ പോലെ തന്നെയാണ്. ആസനത്തില്‍ ആള് കിളിര്‍ത്താല്‍ അതും.......

ബ്ലോഗ്‌ അവാര്‍ഡ്: ബൂലോകം ഓണ്‍ലയിനിന്റെ നാണമില്ലാത്ത കുമ്പസാരം.

2009-12-27T23:05:00.003+05:30

മിസ്ടര്‍ ജെയിംസ് ബ്രൈറ്റ്. താങ്കളുടെ തലക്കകത്തും ശുദ്ദ ബ്രൈറ്റ് ആണെന്ന് ഇപ്പോള്‍ മനസ്സിലായി. എടൊ കള്ളത്തരം ചെയ്യാന്‍ പഠിച്ചാല്‍ പോര, നിക്കാനായി പറയുന്ന മണ്ടത്തരങ്ങള്‍ക്ക് കുറച്ചെങ്കിലും യുക്തി വേണം. അല്ല പിന്നെ.
ബൂലോകം പത്രത്തിനു പിന്നില്‍ താനോ തന്റെ അപ്പനപ്പൂപ്പന്മാരോ എന്നത് ബ്ലോഗ്ഗര്‍മാരുടെ വിഷയമാല്ലെടോ. താന്‍ എന്ത് കുന്തം വേണമെങ്കിലും നടത്തോ നിറുത്തോ ആയിക്കോട്ടെ. പക്ഷെ ആള്‍ക്കാരെ പറ്റിക്കാന്‍ ഇറങ്ങുമ്പോള്‍ ലോകം മുഴുവന്‍ തന്റെ മണ്ടത്തരം കേള്‍ക്കാന്‍ മാത്രം കാതോര്‍ക്കുന്ന വിഡ്ഢികളല്ല എന്നോര്‍ക്കുക. കാപ്പിലാന്‍ ഇമ്മാതിരി വഷളന്‍ തന്ത്രങ്ങളില്ലോടെ ഹിറ്റ് കൂട്ടുന്ന ആളല്ല എന്ന ധാരണ ഉണ്ടായിരുന്നു. അത് ശരിയാണെന്ന് താങ്കളുടെ ഇപ്പോഴത്തെ വാക്കുകളും പറയുന്നു. നല്ലത്. പക്ഷെ ബ്രൈട്ടെ ബ്ലോത്രവും കപ്പുവുമായി ബന്ധമില്ലാത്തവരെ ഒതുക്കാനായി ഇത്തരം തന്തയില്ലാത്തരം കാട്ടരുത്.

പല പ്രമുഖ ബ്ലോഗറന്മാ‍രുമായി ഈ പരിപാടിയുടെ വിവിധ അവസ്ഥകളില്‍ ഇതിന്റെ നടത്തിപ്പിനെപ്പറ്റി ചര്‍ച്ച ചെയ്തു. അതുപോലെ തന്നെ പല അവസങ്ങളിലായി പോസ്റ്റുകളിലൂടെ വായനക്കാരുടെ അഭിപ്രായങ്ങളും ആരാഞ്ഞിരുന്നു. ഇതിന്റെ പിന്നില്‍ ഞാനല്ലാതെ വേറെ ആരും പ്രവര്‍ത്തിച്ചിട്ടില്ല. പോള്‍ ഡാഡിയുടെ സോഫ്റ്റ്വയര്‍ ഒന്നിലധികം ആളുകളെ ലോഗിന്‍ ചെയ്യുവാന്‍ അനുവദിക്കയില്ല എന്നു തോന്നുന്നു. ഈ പത്രത്തിന്റെ പുതിയ എഡിറ്ററായ രാജേഷിനോട് അതു ചെയ്യാന്‍ അഭ്യര്‍ത്ഥിച്ചിരുന്നു. പക്ഷേ അദ്ദേഹത്തിന് ലോഗിന്‍ ചെയ്യാന്‍ കഴിഞ്ഞില്ല.

എടൊ താന്‍ ഇതു പ്രമുഖനെയാ ഇത് ചര്‍ച്ച ചെയ്യാന്‍ സമീപിച്ചത്. താനല്ലാതെ മറ്റാരും പ്രവര്‍ത്തിച്ചില്ല എന്ന കുറ്റ സമ്മതം ആര്‍ക്കു വേണ്ടിയാടോ.. തന്റെ തോന്നലുകള്‍ ഒന്നാം ക്ലാസ്സിലെ പിള്ളേര് പോലും ശരിയല്ലാന്ന് പറയും. ജിക്കോസ് പറഞ്ഞത് കേട്ടല്ലോ. തന്റെ പുതിയ എടിട്ടരോട് വേറെ വല്ല കക്കൂസ് കഴുകുന്ന പണിക്കു പോകുന്നതാവും നല്ലതെന്ന് പറയൂ. താനും അത് ചെയ്യുന്നതാവും ഉത്തമം. ഐ. പ. അഡ്രസ്‌ എന്താണെന്ന് ആദ്യം പോയി പടിക്ക്. പറ്റില്ലെങ്കില്‍ പത്രം പൂട്ട്‌. അല്ലാതെ നാട്ടാരെ പറ്റിക്കാന്‍ ഇറങ്ങുകയല്ല വേണ്ടത്.

വോട്ടിംഗ് രീതി കുറ്റമറ്റതാണോ?

അല്ല. ഇതു ബൂലോകം ഓണ്‍ലൈന്‍ കണ്ടു പിടിച്ച ഒരു വോട്ടിംഗ് രീതി അല്ല. ഇക്കാലത്തു നടന്നു വരുന്ന ഒരു അവാര്‍ഡ് നിര്‍ണ്ണയ രീതികളും ശരിയാണെന്നു ആരും കരുതുമെന്നും തോന്നുന്നില്ല. റിയാലിറ്റി ഷോകളെല്ലാം ഇത്തരത്തിലോ ഇതിനു സമാനമായ രീതികളിലോ ആണ് വിജയികളെ തീരുമാനിക്കുന്നത്. പിന്നെ ഒരു പാടു പണം ചിലവാ‍ക്കിയാല്‍ ചിലപ്പോള്‍ നമുക്ക് ഒരു പക്ഷേ വിശ്വാ‍സ്യമായ ഒരു രീതി ചിലപ്പോള്‍ ഉണ്ടാക്കിയെടുക്കുവാ‍ന്‍ കഴിഞ്ഞെന്നു വരാം. പിന്നെ ഈ വോട്ടു ചെയ്തവരില്‍ നിന്നും സത്യ സന്ധമായ ഒരു സമീപനമാണ് ബൂലോകം ഓണ്‍ലൈന്‍ പ്രതീക്ഷിച്ചതും ഇനി പ്രതീക്ഷിക്കുന്നതും. ആരെങ്കിലും അതല്ലാതെ പ്രവര്‍ത്തിച്ചെങ്കില്‍ അതിന്റെ ഉത്തരവാദിത്വം അവര്‍ ഏറ്റെടുക്കുക. പോള്‍ഡാഡി എന്ന ഓണ്‍ലൈന്‍ വോട്ടിംഗ് സിസ്റ്റം ലോകത്തിലെ പ്രശസ്തമായ ഒരു കമ്പനിആണെന്ന് നിങ്ങള്‍ക്കറിയാം. അവരുടെ സിസ്റ്റത്തിലുള്ള പിഴവുകള്‍ക്ക് ബൂലോകം ഓണ്‍ലൈന്‍ ഉത്തരവാദി അല്ല. കള്ള വോട്ടുകള്‍ ചെയ്തവര്‍ അതേറ്റു പറയുക. അല്ലെങ്കില്‍ അതിന്റെ ദോഷം അവര്‍ക്കു തന്നെ.
ബെസ്റ്റ് കണ്ണാ ബെസ്റ്റ്. കുറ്റമറ്റതള്ള എന്ന ബോധമുണ്ടെങ്കില്‍ എന്തിനാണ് ഹേ ഇങ്ങനെ ഒരു വോട്ടെടുപ്പ്. ആരെ ബോധിപ്പിക്കാനാണ്. താന്‍ പിന്നെ എന്തിന്റെ അടിസ്ഥാനത്തിലാണ് അവാര്‍ഡ് കൊടുക്കാന്‍ ഉദ്ദേശിക്കുന്നത്. ഒരു ജൂറി വച്ച് അവാര്‍ഡ് കൊടുക്കുന്നതിനെ വിമര്‍ശിച്ച തനിക്കു ഉളുപ്പില്ലെടോ ഇപ്പോള്‍ ഇത് കുറ്റമറ്റതള്ള എന്ന് പറയാന്‍. താന്‍ അവാര്‍ഡ് കൊടുക്കുമ്പോഴും അതില്‍ എഴുതുമോ അര്‍ഹത ഉണ്ടെന്നു ഉറപ്പു പറയാനാവില്ല എന്ന്. ഒമ്മം... തലക്കകത്ത് ബ്രൈറ്റ് മാത്രമല്ല കളിമണ്ണും ധാരാളം. പിന്നെ അവസാന വരികള്‍. താനൊന്നും ഈ ലോകത്തല്ലെടോ ജീവിക്കുന്നത്. താന്‍ സ്വന്തം ഇഷ്ടത്തിനു തീരുമാനിച്ച ഒരു തെരഞ്ഞെടുപ്പു രീതി. അതിന്റെ പിഴവുകള്‍ക്ക് താന്‍ ഉത്തര വാദിയല്ല. എടൊ തലയില്‍ മുണ്ടുമിട്ട് വ്യഭിചരിക്കാന്‍ പോയാല്‍ ഉണ്ടായേക്കാവുന്ന സന്താനങ്ങള്‍ക്ക് പിന്നാരാടോ ഉത്തരവാദി. തനിക്കു നല്ലൊരു സിസ്റ്റം കൊണ്ട് വരാമായിരുന്നില്ലേ. ആര്‍ക്കു വേണ്ടി അല്ലെ. കള്ളാ വോട്ടുകള്‍ ചെയ്തവര്‍ എട്ടു പറയുക പോലും. താന്‍ എവിടത്തു കാരനാടോ... അല്ലെങ്കില്‍ എന്ത് ദോഷമാണ് അവര്‍ക്ക് താന്‍ ഒണ്ടാക്കികൊടുക്കാന്‍ പോണത്. താനന്ഗഡ് ഓലത്തോ... ഒന്ന് പോടോ ഹേ...

ഒരു ബ്ലോഗിലൊരു പോസ്റ്റിടുമ്പോള്‍ അത് പത്തുപേരു വായിക്കണം എന്നാഗ്രഹിച്ചു കൊണ്ട് നാം ഗ്രൂപ്പു മെയിലുകള്‍ അയക്കും. അതുപോലെ ഇങ്ങിനെഒരു പരിപാടി ഉണ്ടാക്കിയപ്പോള്‍ അതു കുറെ ആളുകളെങ്കിലും ശ്രദ്ധിക്കണമെന്ന് ഞാന്‍ ആത്മാര്‍ത്ഥമായി ആഗ്രഹിച്ചിരുന്നു.

ഇതങ്ങട് പറഞ്ഞാ മതി. പോസ്റ്റിട്ടിട്ട് ആരും നോക്കാനില്ല. അപ്പൊ ഇങ്ങനെ ഒരു പറ്റിക്കല്‍ നടത്തിയാല്‍ ആരെങ്കിലും വന്നു നോക്കുമല്ലോ. തന്റെ ബുദ്ദി കൊള്ളാം. അതിലെ ആത്മാര്‍ഥത. ധ്ഫൂ....

അനേകം ബ്ലോഗറന്മാര്‍ വളരെ പ്രതീക്ഷയോടെയാണ് ഈ വോട്ടിംഗില്‍ പങ്കെടുത്തതും നോമിനേഷനുകള്‍ തന്നതും. ആരോടും കള്ള വോഒട്ടുകള്‍ ചെയ്യുവാന്‍ ആരും ആവശ്യപ്പെട്ടിരുന്നില്ല. ജീവിതത്തില്‍ നമുക്കെന്തു ചെയ്യുവാനുമുള്ള അവസരമുണ്ട് എന്നു കരുതി നാമാരും കുറ്റങ്ങള്‍ പലപ്പോഴും ചെയ്യാറില്ല. അഥവാ അങ്ങിന്നെ നാം ചെയ്യുന്നുവെങ്കില്‍ അതിന്റെ ആത്യന്തികമായ ഉത്തരവാദിത്വം നമുക്കു തന്ന്നെ ആയിരിക്കും. അല്ലാതെ സമൂഹത്തിനോ, വ്യവസ്ഥിതിക്കോ അല്ല. ഈ വോട്ടിംഗില്‍ കള്ള വോട്ടുകള്‍ നടന്നെങ്കില്‍ അതു പോള്‍ ഡാഡിയുടേയോ ബൂലോകം ഓണ്‍ലൈനിന്റെയോ തെറ്റല്ല, മറിച്ച് അത്തരം നീചമായ തന്ത്രങ്ങള്‍ അതു മെനഞ്ഞവരുടെ നേരെ തന്നെയാവും തിരിയുക. കുറ്റക്കാര്‍ നേരിട്ടു വന്നു പറയട്ടെ. ബൂലോകര്‍ തീരുമാനിക്കട്ടെ.

എടൊ താന്‍ ഒരുമാതിരി പാതിരിമാരുടെ പ്രസംഗം ഇവിടെ വിലംബണ്ട. അത് തന്റെ വിവരമില്ലാത്ത എടിട്ടരോട് പറഞ്ഞാ മതി. കുറ്റക്കാര്‍ പറഞ്ഞില്ലെങ്കില്‍ താനെന്തു ചെയ്യും. സത്യത്തില്‍ തനിക്കു വട്ടായോ?

ഈ വോട്ടെടുപ്പ് 31ആം തീയതി വരെ തുടരും. അവാര്‍ഡു കിട്ടുന്ന ആരെങ്കിലും ഇതു തിരസ്കരിച്ചാല്‍ തൊട്ടടുത്ത ആള്‍ വിജയിയായി പ്രഖ്യാപിക്കപ്പെടും. കള്ള വോട്ടുകള്‍ ചെയ്തവര്‍ മുന്നോട്ടു വന്ന് അവര്‍ എത്ര വോട്ട് ആര്‍ക്കൊക്കെ ചെയ്തുവെന്ന് വെളിപ്പെടുത്തുക. അവ മൊത്തം വോട്ടില്‍ നിന്ന് കുറയ്ക്കുന്നതാണ്. അല്ലാതെ ഈ അവാര്‍ഡ് ചിലര്‍ ബ്ലോഗറന്മാര്‍ കള്ള വോട്ടുകള്‍ ചെയ്തതിനാല്‍ നിറുത്തണമെന്ന ആവശ്യം എലിയേപ്പേടിച്ച് ഇല്ലം ചുടുന്നതു പോലെയാണെന്നാണ് എനിക്കു പറയുവാന്‍ ഉള്ളത്.

എന്തിനാ നിറുത്തുന്നത്. എന്നും തുടരട്ടെ വോട്ടു. കള്ളവോട്ട് ചെയ്തവര്‍ വന്നു എത്ര എണ്ണം എത്ര പേര്‍ക്ക് എന്ന് പറഞ്ഞാല്‍ അത് കുറയ്ക്കും പോലും. തന്നെയൊക്കെ ഉണ്ടാക്കിയ നേരം കാര്‍ന്നോന്മാര്‍ നാല് വാഴ വച്ചിരുന്നെങ്കില്‍.... ഒരു ആധികാരികതയും ഇല്ല എന്ന് വ്യക്തമായ നില്കും ഇത് നടത്തി കൊണ്ട് പോണം എന്ന "ആത്മാര്‍ഥമായ" ആവേശത്തെ അഭിനന്ദിക്കാതിരിക്കാന്‍ വയ്യ. മാനമുള്ള ആര്‍ക്കാനെടോ ഇനി അവാര്‍ഡു വാങ്ങാന്‍ കഴിയുക. മാനമില്ലാത്ത തന്നോട് പറഞ്ഞിട്ട് കാര്യമില്ല എന്നറിയാം. ആ... ആസനത്തില്‍ കില്ര്‍ത്ത ആലല്ലേ.... തണല്‍ തന്നെ...

കുറഞ്ഞ പക്ഷം ആ പയ്യന്‍ ജിക്കൂസിനെ എങ്കിലും കണ്ടു പടിക്ക്. താന്‍ ഒരു കക്കൂസായി മാരാതിരിക്കൂ....

ബ്ലോഗ്ഗ് അവാര്‍ഡ് :ഒടുവില്‍ ജിക്കൂസ് ആ സത്യം പറഞ്ഞിരിക്കുന്നു.

2009-12-27T21:30:00.002+05:30

അവാര്‍ഡിന്റെ സുതാര്യത പുറത്തു കൊണ്ട് വരുന്ന അഭിപ്രായം ഇതാ പുറത്തു വന്നിരിക്കുന്നു. ജേതാവ് തന്നെ കള്ളവോട്ടു ചെയ്ത വിവരം പരസ്യമാക്കിയിരിക്കുന്നു. ഇതാ ലിങ്ക് . ( മുന്നറിയിപ്പ് : എപ്പോള്‍ വേണമെങ്കിലും തെളിവുകള്‍ നശിപ്പിക്കപ്പെട്ടെക്കാം.)

ജിക്കൂസ് ! says:
December 27, 2009 at 7:06 am
സത്യത്തില്‍ രാംദാസ് പറഞ്ഞത് ശരിയാണ് ..സ്ടാട്ടിക് ഐ പി അട്രെസ് ഉള്ളവര്‍ക്ക് മാത്രമേ ഒരു വോട്ട് എന്നാ പരിപാടി നടക്കൂ….നിങ്ങള്ക്ക് കിട്ടിയിരിക്കുന്ന വോട്ടുകള്‍ ഭൂരിഭാഗവും കള്ളവോട്ടാണ് എന്ന് ഒരു മുന്നറിയിപ്പ് നല്‍കുന്നു..ഞാനുള്‍പ്പടെ ഒരു തവണയില്‍ കൂടുതല്‍ വോട്ട് ചെയ്തിട്ടുണ്ട് അത് തുറന്നു പറയുന്നതില്‍ എനിക്ക് ഒരു നാണക്കേടും ഇല്ല അതിനാല്‍ ഞാന്‍ ഒന്ന് തീരുമാനിച്ചു എന്നെ ഒഴിവാക്കുക ..ഞാന്‍ ഒരിക്കലും അവാര്‍ഡിന് എതിരല്ല പക്ഷെ ഇതിനെ വിശ്വാസ്യതയെ ചോദ്യം ചെയ്യപെടുന്ന ഒരു അവസ്ഥ എത്തി പെടുകയാണ് …..ബൂലോകം ഓണ്‍ലൈന്‍ എന്റെ ഈ അഭിപ്രായം മുഖവിലക്ക് എടുക്കില്ല എന്ന് വിശ്വസിക്കുന്നു ……ഞാന്‍ ഓരോ തവണയും ലോഗിന്‍ ചെയ്യുമ്പോള്‍ വോട്ട് ചെയ്യാന്‍ പറ്റുന്ന അവസ്ഥ ആയിരുന്നു ഇതില്‍…..അത് കൊണ്ട് തന്നെ അവാര്‍ഡിന്റെ വിശ്വാസ്യത പൊളിയും …എനിക്ക് അവാര്‍ഡ് വേണ്ട പക്ഷെ ബൂലോകം ഓണ്‍ലൈന്‍ പത്രത്തിനോട് എന്നും സ്നേഹം മാത്രം ..ഇപ്പോള്‍ തന്നെ എനിക്ക് വോട്ട് കൂടിയതിനെ ചൊല്ലി ഒരു കൂട്ടം തര്‍ക്കം തുടങ്ങിയിട്ടുണ്ട്….ദയവായി എന്നെ ഈ അവാര്‍ഡില്‍ നിന്നും ഒഴിവാക്കും എന്ന് കരുതുന്നു …എനിക്ക് ബൂലോകത്ത് ഒരു ചേരി തിരിവുണ്ടാക്കാന്‍ താല്പര്യം ഇല്ല എന്റെ പേര് കൊണ്ട് ബൂലോകം ഓണ്‍ലൈന്‍ പത്രത്തിന് എന്തെങ്കിലും കുഴപ്പം ഉണ്ടാകാതിരിക്കാന്‍ എന്നെ ദയവായി അതില്‍ നിന്നും ഒഴിവാക്കും എന്ന് കരുതുന്നു ……..സ്നേഹപൂര്‍വ്വം
ജിക്കൂസ്!

അവാര്‍ഡ്‌ ലഭിക്കാന്‍ പോകുന്ന എല്ലാ വീരന്മാര്‍ക്കും മുന്‍കൂര്‍ അഭിവാദനങ്ങള്‍. അപ്പോള്‍ കണ്ണൂരില്‍ സി പി എമ്മിന്റെയും കോണ്‍ഗ്രസ്സിന്റെയും ശാസ്ത്രീയ കള്ള വോട്ടു രീതികള്‍ ബൂലോകത്തിനും പരിചയപ്പെടുത്തിയ എല്ലാ സഖാക്കള്‍ക്കും നന്ദി.

ബ്ലോഗ്‌ അവാര്‍ഡ് എന്ന ഭൂലോക തട്ടിപ്പ്.

2009-12-27T17:50:00.002+05:30

എന്താണാ എന്റെ കാപ്പൂ.. ഹിറ്റ് കൂട്ടാന്‍ എത്രയോ വഴികള്‍ കിടക്കുന്നു. പിന്നെ ഇമ്മാതിരി തട്ടിപ്പുകള്‍ വേണോ? കൂട്ടം തെറ്റിയ പക്ഷി നിരീക്ഷിച്ച ചിലത് ഇവിടെ കുറിക്കുന്നു.

ഒരു ഐ.പി. ക്ക് ഒരു വോട്ട് എന്നതാണ് നിയമം. ലാപ്ടോപ്പില്‍ വയര്‍ലെസ്സ് നെറ്റ് ഉപയോഗിക്കുന്നവര്‍ക്ക്(സാദാരണ കമ്പ്യൂട്ടറിലും ) ഓരോ തവണ ലോഗിന്‍ ചെയ്യുമ്പോഴും വേറെ വേറെ ഐ.പി. ആയിരിക്കും. രണ്ടു മണിക്കൂര്‍ പ്രയത്നിച്ചാല്‍ നൂറല്ല ആയിരം വോട്ടുണ്ടാക്കാം. സ്റ്റാറ്റിക് ഐ.പി. ഉള്ളവര്‍ മാത്രം ഒരു വോട്ടുമായി മിനുങ്ങസ്യ എന്നും പറഞ്ഞു ബൂലോക വിഡ്ഢികള്‍ക്കുള്ള അവാര്‍ഡിനായി കാത്തിരിക്കാം.
ഒരാള്‍ക്ക്‌ ഒന്നിലേറെ നോമിനശന്‍ ഉണ്ടെങ്കില്‍ ഓരോന്നിലും ചെയ്യുന്ന വോട്ടു മൊത്തത്തില്‍ വരും. മൂന്നു വ്യത്യസ്ത നോമിനേഷനുകളില്‍ ഓരോ തവണ ഒരാള്‍ക്ക്‌ വോട്ടു ചെയ്‌താല്‍ പുള്ളിയുടെ മൂന്നിടതെയും നിഅല മൂന്നു വോട്ട് എന്നാകും. ആ ഈ വോട്ട് നടത്തുന്നവര്‍ അതിനു അത്രയൊക്കെയല്ലേ കരുതുന്നുള്ളൂ.... പത്രത്തിന് ചുമ്മാ കുറച്ചു ഹിറ്റ്‌ കൂട്ടാന്‍ എന്തെങ്കിലും പോടിയിടനം.
ബൂലോകം ഓണ്‍ലൈന്‍ ആദ്യമേ അവാര്‍ഡ് വേണ്ടെന്നു പറഞ്ഞിരിക്കുന്നു. അവര്‍ക്ക് അവര്ടല്ലല്ലോ ഹിറ്റുകള്‍ അല്ലെ ലക്‌ഷ്യം. അത് വേണ്ടതില്‍ അധികം കിട്ടും ഇപ്പരിപാടി കഴിയുമ്പോള്‍. അല്ലെങ്കില്‍ ഇതു കൂതരകള്‍ വായിക്കുന്നു ഈ ബൂലോകം ഓണ്‍ ലയിന്‍.
ചില വിഭാഗങ്ങളില്‍ മാത്രം ( നമ്മുടെ പ്രമാണിമാരുടെ വിഭാഗങ്ങള്‍) ഇരുന്നൂറില്‍ അധികം വോട്ടു. ഭാക്കി മിക്കതിലും നൂരിനടുത്തും. കള്ളാ വോട്ടു എവിടെ എന്നറിയാന്‍ ഇനി പ്രത്യകം വല്ലതും വേണോ? ആ നടക്കട്ടെ നടക്കട്ടെ. ഇന്ത്യാ മഹാ രാജ്യത്തെ തെരഞ്ഞെടുപ്പു തന്നെ ആളുകളെ കൊഞ്ഞനം കുത്തുന്ന പോലെ അല്ലെ. നിയോജക മണ്ഡലങ്ങള്‍ പുനര്‍ നിര്നയിച്ച്ചും, സാമുടായിഅക സ്ഥാനാര്‍ത്തികളെ വച്ചും. ബൂലോകം ഇത്രയല്ലേ കാണിക്കുന്നുള്ളൂ എന്നാശ്വസിക്കാം.

കാപ്പുവിനും കൂട്ടര്‍ക്കും വിരോധമുള്ള ചിലര്‍ക്ക് തീരെ വായനക്കാരില്ലെന്നും ആരാധകര്‍ ഇല്ലെന്നും വരുത്തി തീര്‍ത്ത്‌ തങ്ങളാണ് വമ്പന്മാര്‍ എന്ന് പറയുന്ന രാന്‍ മൂളികളെ പൊക്കാനുള്ള ഒരു പ്രഹസനം. പാവം ബ്ലോഗര്‍മാര്‍. അവരറിയുന്നില്ല അവരെക്കൊണ്ടു എന്ത് കുരങ്ങുകളി ആണ് ആടിക്ക്കുന്നതെന്ന്

ബൂലാകത്തെ എല്ലാ വിഡ്ഢികള്‍ക്കും ഈ പക്ഷിയുടെ നവ വത്സരാശംസകള്‍. വിഡ്ഢികള്‍ക്കു മാത്രമല്ല, വിട്ടികലാക്കാന്‍ പുറപ്പെട്ട കപ്പിത്താന്മാര്‍ക്കും. വോറെന്നാല്‍ കഴിയുമ്പോള്‍ ആണ് എങ്ങനെ ചിലരും ബ്ലോഗ്‌ എഴുതുന്നുണ്ട് എന്ന് പലരും അറിയുക. ആ... അങ്ങനെയെങ്കിലും പുത്യ കുറച്ചു മുഘങ്ങള്‍ കാണട്ടെ. ബൂലോകം വളര്‍ന്നു വലുതാകട്ടെ.

രാഹുല്‍ജിക്ക് പോലീസ് കാവലില്‍, പാവം ഉണ്ണിത്താനോ സസ്പെന്‍ഷന്‍...

2009-12-26T20:45:00.002+05:30

ഓര്‍മ്മയില്ലേ സഖാക്കളെ, അന്ന് കൊളംബിയക്കാരി ജുവാനിട്ടയുമായി രാഹുല്‍ജി അനാശാസ്യത്തിന് ഇറങ്ങിയത്‌ ഫോട്ടോ എടുത്ത ഹത ഭാഗ്യന്റെ കഥ. ആ മുത്തച്ചന്‍ പണ്ട് മദാമ്മയുടെ കൂടെ കരങ്ങിയതല്ലേ.... പാരമ്പര്യം... അന്ന് ഫോട്ടോ എടുത്തവന്‍ കുറ്റവാളി. ഇന്ന് ചെയ്തവന്‍ കുറ്റവാളി. അന്ന് ഫോട്ടോ എടുത്തവനെ തള്ളി ച്ഛതച്ച്ചു. ഇന്ന് എല്ലാവരും ചെര്ര്നു ഉഷാറായി ഉണ്ണിത്താനെ ചതക്കുന്നു. തിവാരി അങ്ങുന്നു അടി കൊല്ലാതെ രക്ഷ പെട്ട് . അത് ബാഗ്യമായിപ്പോയി. അല്ല ഇവരൊക്കെ കൊല്ലെണ്ടാവര്‍ തന്നെയല്ലേ.... പിന്നെ രാഹുല്‍ മോന് മാത്രമെന്താ.... പയ്യന് കൊമ്പ് രണ്ടെന്നമുണ്ടോ ? ...കോണ്ഗ്രസ്സിന്റെ ആശയ സംഹിത കൊള്ളാം. കാര്‍ന്നോന്മാര്‍ക്ക് അടുപ്പിലും.......... ഉണ്ണികള്‍ക്ക്............. ഊം ഊം..... ജനാധിപത്യം ജയിക്കട്ടെ. ജനങ്ങള്‍ പോയി തുലയട്ടെ.

അത്ഭുതക്കുട്ടിയും കിങ്ങിണിക്കുട്ടനും തമ്മിലുള്ള വ്യത്യാസം.

2009-11-16T12:55:00.004+05:30

കിങ്ങിണിക്കുട്ടന്‍ പടിക്കല്‍ സത്യാഗ്രഹം തുടങ്ങിയിട്ട് കാലം ഏറെയാകുന്നു. ഇപ്പോള്‍ മദനിക്ക് പറ്റിയ പറ്റ്പണ്ടൊരിക്കല്‍ പറ്റിയതാണ്. എന്നിട്ടും പഠിച്ചില്ല. പഠിക്കുക എന്നത് പണ്ടേ ചതുര്‍ഥി ആയിരുന്നല്ലോ. ക്ഷമിക്കാം. കഴിഞ്ഞ നിയമസഭയിലേക്ക് നടന്ന തിരഞ്ഞെടുപ്പില്‍ പഴയതൊക്കെ മറന്നു വീട്ടിലേക്ക് കയറ്റിയതാണ് . മത്സരിച്ചു തോറ്റതോടെ വീണ്ടും തൊഴിഅമ്മക്കിട്ടു തന്നെ. പിന്നെയും തെറിവിളി തുടങ്ങി. മദാമ്മ ഗാന്ധി, ഉമ്മന്‍ കോണ്‍ഗ്രസ്, അവശിഷ്ട കോണ്‍ഗ്രസ് തുടങ്ങി കാല്പനികമായ പല പദാവലികളും കൈരളിക്ക്‌ സംഭാവന നല്കിയത് ഇക്കാലത്താണ്. ഒരിക്കല്‍ ഉപയോഗിച്ചു വലിച്ചെറിഞ്ഞവരുടെപടിക്കല്‍ വീണ്ടും കാത്തു കിടക്കാന്‍ തുടങ്ങി. ഒന്നു കൊണ്ടു പടിക്കാതിരുന്ന കുട്ടന്‍ ഇത്തവണ എല്ലാം പഠിച്ചു എന്നും പാസ്‌ മാര്‍ക്കിനുള്ള ഗൃഹപാഠം ചെയ്തിട്ടുണ്ടെന്നും പറഞ്ഞു വന്നപ്പോള്‍ പടി തുറക്കാതത്തിനു അമ്മയെ പഴി പറഞ്ഞിട്ട് കാര്യമുണ്ടോ? ( ചൂടുവെള്ളത്തില്‍ വീണ പൂച്ച.... പഴംചൊല്ലില്‍ പതിരില്ലല്ലോ) നാളെ എന്നത് പോയിട്ട് അടുത്ത നിമിഷം പുള്ളി ആരുടെ തോഴുതിലാണ് കാണുകയെന്നത് പുള്ളിക്ക് പോലും അറിയാന്‍ കഴിയാത്ത അവസ്ഥയില്‍ അമ്മയെ പറഞ്ഞിട്ട് എന്ത് കാര്യം. തെറ്റുകള്‍ ആര്ക്കും പറ്റാം. പക്ഷെ ഒരേ തെറ്റ് തന്നെ പലവട്ടം ആവര്‍ത്തിക്കുന്ന ഒരാളെ എങ്ങനെ വിശ്വസിക്കാനാണ്. ആ കോണ്‍ഗ്രസ്സുകരില്‍ ഇനിയും മണ്ടന്മാര്‍ അവശേഷിചിട്ടുള്ളതാണ് കുട്ടന്റെ ആകെ ഒരു ആശ്വാസം.

ഇതിനിടയിലാണ് ബദ്ദശത്രു ആയിരുന്ന അത്ഭുതക്കുട്ടി കയറി ഗോള്‍ അടിച്ചത്. അപ്പോഴാണ്‌ ചില കാര്‍ന്നോര്‍മാര്‍ക്ക് ഒരു സംശയം. ആ കുട്ടിയേക്കാള്‍ നമ്മുക്ക് വലുത് നമ്മുടെ കുട്ടനല്ലേ. എന്ത് ചെയ്യാം. മണ്ടത്തരം പറ്റുക എന്നതും തെറ്റ് തിരുത്തല്‍ രേഖ ഉണ്ടാക്കുക എന്നത് ചുവപ്പന്മാര്‍ക്ക് മാത്രം പറഞ്ഞിട്ടുള്ളതല്ലാല്ലോ. കാര്‍നോര്‍മാരുടെ അറിവിലേക്ക് ഈ പക്ഷിയുടെ ഒരു ഫ്രീ അഡവൈസ് ഇന്നാ പിടിച്ചോ. (ച്ചുകപ്പന്മാര്‍ക്ക് സുപ്പീരിയര്‍ അഡ്വൈസര്‍മാര്‍ ഉള്ളത് കൊണ്ടു നമ്മുടെ ഉപദേശങ്ങള്‍ അവര്ക്കു വേണ്ട. ആ അതിന്റെ ഗുണം അവര്‍ അനുഭവിച്ചോട്ടെ) അറിയാത്ത പിള്ള ചൊറിയുമ്പോള്‍ അറിയും. ഒരു ചൊറിച്ചില്‍ കഴിഞ്ഞിട്ട് ഏറെ നാളായില്ല. മുട്ടും മടക്കി തലയിണയും ചാരി ഇരിക്കുന്നതിനിടക്ക് നമ്മുടെ ചാന്നലുകള്‍ ഇടക്കൊന്നു നോക്കുക്ക. അപ്പോള്‍ കാണാം കുട്ടന്റെ പ്രച്ഛന്നവേഷ മത്സരങ്ങള്‍. ഒക്കെ ഒന്നാം സ്ഥാനം കിട്ടാന്‍ സ്കൊപ്പുള്ളത് തന്നെ. അത്ഭുതക്കുട്ടി ഒരു തവണ കാലുമാറി. അത് പെട്ടെന്നുള്ള മാറ്റമല്ല. അത് കുട്ടന്റെ പോലെ ചാഞ്ചാട്ടം അല്ല. പിന്നെ നമ്മുടെ ആഭ്യന്തരന്റെ അഭിപ്രായം. അത് കെട്ട് കുട്ടന്‍ ഒന്നു ശ്രമിച്ചു നോക്കിക്കോ. പലരും പറഞ്ഞതു കെട്ട് കുരങ്ങു കളിച്ചു ഒരു വഴിക്കായതല്ലേ. ഒന്നു കൂടി ആവുന്നതില്‍ വലിയ തെറ്റൊന്നുമില്ല. ആകെ മുങ്ങിയാല്‍ കുളിരില്ലല്ലോ. പക്ഷെ ആഭ്യന്തരന്റെ അസുഖത്തിന് മരുന്നില്ല എന്നത് കൊട്ടി ഓര്ക്കുക. കഷണ്ടിക്കും പിന്നെ. ആ എന്ത് ചെയ്യാനാ. പേടിക്കേണ്ട, നേരത്തെ പറഞ്ഞപോലെ വലിയ വലിയ ബുദ്ധിമാന്‍മാര്‍ കൊണ്ഗ്രസ്സില്‍ ഉള്ളിടത്തോളം കിങ്ങിണിക്കുട്ട നീ വിഷമിക്കേണ്ട. എന്തായാലും മൂന്നു ഉറുപ്പിക കൊടുക്കുമ്പോള്‍ ഓര്ത്തു വെക്കേണ്ടത് ഇതാണ്. അടുത്ത ഇലക്ഷനില്‍ സീറ്റ് തന്നില്ലെങ്കില്‍ പിന്നെയും വേലി ചാടി തൊണ്ട പൊട്ടിക്കാനുള്ള പുതിയ പദാവലികള്‍. അത് കാത്തിരിക്കുന്ന ആരാദകരെ നിരാശരാക്കരുത്.

പിന്‍കുറിപ്പ്: നമ്മുടെ മദനി സഖാവിനുള്ള പാഠമാണ് പടച്ചവന്‍ കിങ്ങിനിക്കുട്ടനിലൂടെ കാണിക്കുന്നത്. കണ്ടു പഠിച്ചാല്‍ സഖാവിനു നല്ലത്. ഇല്ലെങ്കില്‍ നാട്ടുകാര്‍ക്ക് നല്ലത്. ശുംഭും.

ഗീതു മോഹന്‍ദാസിന് ഒരു ബിഗ്‌ ക്ലാപ്പ്....

2009-11-07T14:24:00.004+05:30

മാധ്യമങ്ങളുടെ "ചീപ്പ്നെസ്സ്" തുറന്നു പറയാന്‍ തന്റേടം ഒരു മലയാളി പെണ്‍കൊടിക്ക്‌ (ജനിച്ചതും വളര്‍ന്നതും കാനഡയില്‍ ആയതു തല്‍ക്കാലം മറക്കാം.) ധൈര്യം ഉണ്ടായിരിക്കുന്നു. തന്റെ പ്രണയം വിശ്വസംഭവമാക്കാന്‍ തുനിഞ്ഞിറങ്ങിയ മനോരമയുടെ വനിതക്ക് നേരെ ഗീതുവിന്റെ പ്രതികരണം മാതൃകാപരമാണ്. പ്രണയം, സ്നേഹം, വാത്സല്യം, വിഷമം, സ്വകാര്യതകള്‍ എല്ലാം തന്നെ വിപണന മൂല്യമുള്ളതാണെന്ന ആധുനിക മാധ്യമങ്ങളുടെ കണ്ടെത്തലുകളെ തുറന്നെതിര്‍ത്ത ഗീതുവിന് കൂട്ടം തെറ്റിയ ഈ പക്ഷിയുടെ അഭിനന്ദനങ്ങള്‍. തന്റെ പ്രണയം തികച്ചും തന്റെ സ്വകാര്യത തന്നെയാണെന്നുംഅത് വിറ്റു കാശാക്കേണ്ടഗതികേട് തനിക്കില്ലെന്നും ഉള്ള അവരുടെ വാക്കുകള്‍ ഒരു തുടക്കമാകട്ടെ.

കേരള കൌമുദിയിലെ വനിതാ റിപ്പോര്‍ട്ടര്‍മാര്‍..

2009-11-02T00:45:00.009+05:30

ഇന്നു (നവംബര്‍-1) കേരളപ്പിറവിദിനത്തില്‍ വാരാന്ത്യ കൌമുദിയുടെ ഒന്നാം പേജില്‍ തന്നെ കൌമുദിയിലെ നാല് അംഗനമാര്‍ പെണ്‍കുട്ടികളുടെ ആത്മഹത്യയെ പറ്റിഅവരുടെ കാഴ്ചപ്പാടുകള്‍ അവതരിപ്പിക്കുകയാണ്. ഇന്നത്തെ ദിവസത്തിന് പറ്റിയ വിഷയം തന്നെ. പിന്നെ ആത്മഹത്യ എന്നത് പെണ്‍കുട്ടികള്‍ മാത്രമെ ചെയ്യുന്നുള്ളുവോഎന്നൊന്നും ചിന്തിക്കരുത്. കര്‍ഷകരും ജീവിക്കാന്‍ മാര്‍ഗമില്ലാതെ മറ്റുള്ളവരും ഒരു പാടു ചെയ്യുന്നുണ്ട്. അതൊക്കെ എണ്ണാന്‍ നിന്നാല്‍ പെട്ടെന്നൊന്നും തീരില്ല എന്നത് കൊണ്ടു അതിന് പുറകെ പോയാല്‍ പണിയാണ്. ഇതാവുമ്പോ കുറച്ചു പറയാനും കുറ്റപ്പെടുത്താനും എളുപ്പമാണ്. കേള്‍ക്കുന്നവനും കൌതുകം. കടക്കെണിയോവിശപ്പോ ഒക്കെയാണ് ആത്മഹത്യ കാരനന്മേങ്കില്‍ വായിക്കുന്നവര്‍ക്ക് എന്ത് ത്രില്‍. അതിന് പ്രേമം വേണം, പീഡനം വേണം. അപ്പൊ ആണ്‍കുട്ടികളെക്കാളും പെണ്‍കുട്ടികള്‍ തന്നെ ബെസ്റ്റ്. ബെസ്റ്റ് കണ്ണാ ബെസ്റ്റ്.

മൂന്നു അംഗനമാര്‍ ആത്മഹത്യയുടെ കാര്യങ്ങളും കാരണങ്ങളും തേടി കുറച്ചു യാത്ര ചെയ്യുന്നുണ്ട്. യാദാര്‍ത്യങ്ങളിലൂടെ തന്നെ. ഇവിടെ നടന്ന സംഭവങ്ങളും ഓര്‍മ്മിപ്പിക്കുന്നുമുണ്ട്. അംഗന ഷറീനബഷീര്‍ പറയുന്നതു ഒരു തലോടല്‍ നിങ്ങളുടെ കുഞ്ഞിനെ ജീവിതത്തിലേക്ക് തിരിച്ചു കൊണ്ടു വരുമെന്നാണ്. അംഗന ആശ മോഹന്‍ പറഞ്ഞതു ചെറിയ സന്തോഷമായാലും ദുഖമായാലും പങ്കു വക്കാന്‍ തയ്യാറായാല്‍ റീ ടേക്ക് ഇല്ലാത്ത ജീവിതമെന്ന ഷോട്ട് ഓ.കെ. ആവുമെന്നാണ്. അംഗന രമ്യ മുകുന്ദന്‍ ആകട്ടെ ജീവിത മൂല്യങ്ങള്‍ അച്ഛനമ്മമാര്‍ തന്നെ പകര്‍ന്ന് നല്‍കണമെന്ന അഭിപ്രായക്കാരിയാണ്. അതിനെ വിശദീകരിക്കുന്ന കുറിപ്പുകളും അവര്‍ എഴുതിയിട്ടുണ്ട്. വായിക്കാത്തവര്‍ ഇനി പോയി അത് വാങ്ങി വായിക്കേണ്ട കാര്യമൊന്നുമില്ല കേട്ടോ. നിങ്ങള്‍ ഭാഗ്യവാന്മാര്‍. ഞങ്ങള്‍ എന്തായാലും പെട്ട് പോയി. പിന്നെ കുറച്ചു ചിരിക്കണം എന്നുള്ളവര്‍ വെറുതെ കിട്ടിയാല്‍ വായിചെക്കുക.

അതില്‍ ബഹു രസമായത് അംഗന ജിഷയുടെ കണ്ടുപിടിത്തമാണ്. കക്ഷി മറ്റുള്ളവര്‍ ചെയ്തപോലെ കേരളത്തിലെ സംഭവപരമ്പരകളിലൂടെ ഒന്നും യാത്ര ചെയ്തില്ല. പകരം മലയാളത്തിന്റെ സര്‍ഗ്ഗാത്മക സങ്കല്‍പ്പലോകത്ത് നിന്നാണ് ഈ ഗുരുതരമായ്‌ പ്രശ്നത്തിന് ഉദാത്തമായ മറുമരുന്നു കണ്ടെത്തുന്നത്. സംഗതി വളരെ എളുപ്പമാണ്. ലേഖിക പറയുന്നതു (ലേഖികയോട് ഒരു പെണ്കുട്ടി പറഞ്ഞതാനെന്നൊക്കെ പറയുന്നുണ്ട്. പെണ്‍കുട്ടിയുടെ പേരു പറയാതെ പിതൃശൂന്യമായ ഒരു പ്രസ്താവനക്ക് വലിയ പ്രാധാന്യമുണ്ടെന്ന് തോന്നുന്നില്ല.) മലയാളത്തിലെ പത്തു സര്‍ഗാത്മക കൃതികള്‍ എങ്കിലും വായിച്ചിരുന്നെങ്കില്‍ ഈ പെണ്‍കുട്ടികള്‍ ഒന്നും ആത്മഹത്യ ചെയ്യില്ലായിരുന്നു അത്രേ. ശോ എനിക്ക് വയ്യ. സാഹിത്യ ആസ്വാദകരെ നിങ്ങള്‍ ഭാഗ്യവാന്‍മാര്‍. കാരണം നിങ്ങള്ക്ക് ആത്മഹത്യ എന്ന കാലനെ ഭയക്കേണ്ടതില്ല. പറഞ്ഞ മഹത്തായ കണ്ടുപിടിത്തത്തിന്റെ ക്രെഡിറ്റ് കണ്ട മനശാസ്ത്ര വിദഗ്ദനോ സാമൂഹിക പ്രവര്തകണോ കൊണ്ടു പോയാല്‍ നാണക്കേടല്ലേ. അത് കൊണ്ടു ലേഖിക പ്രത്യകം പ്രസ്താവിക്കുന്നു. മനശാസ്ത്രികളെ, സാമൂഹിക പ്രവര്‍ത്തകരെ ഇതു കണ്ടു പിടിച്ചത് ഒരു പാവം പെണ്‍കുട്ടിയാണ്. ഒരുപാടു വായിക്കുന്ന ഒരു പാവം പെണ്കുട്ടി.

അവള്‍ ആരാണെന്ന് പോലും ലെഖികക്ക് സംശയം. ഇനി ഉറക്കത്തിലെങ്ങാനും സ്വപ്നം കണ്ടതായിരിക്കുമോ? ലെഖികക്ക് തന്നെ കണ്‍ഫ്യുഷന്‍ ആയതു കൊണ്ടു നമുക്കു അത് വിടാം. എന്തായാലും അവളുടെ പേരു പറയാഞ്ഞത് ഒരു കണക്കിന് നന്നായി. ഇല്ലെങ്കില്‍ ആത്മത്ത്യക്കുള്ള ഏറ്റവും ഫലപ്രദമായ മരുന്ന് കണ്ടു പിടിച്ചതിനു നോബല്‍ സമ്മാന സംഘാടകര്‍ ഓടിച്ചിട്ട്‌ പിടിച്ചു സമ്മാനം കൊടുത്തേനെ. കോടികള്‍ മുടക്കി പരീക്ഷണം നടത്തി അവാര്‍ഡും കാത്തിരിക്കുന്ന സായിപ്പന്മാരുടെ കഞ്ഞിയില്‍ പാറ്റ ഇടാതിരുന്ന ലെഖികക്ക് അവരില്‍ നിന്നു ഒരു സമ്മാനം പ്രതീക്ഷിക്കാവുന്നതാണ്. എന്തായാലും ആത്മഹത്യ ചെയ്തവരെല്ലാം തന്നെ, സാഹിത്യ അരസികരായിരുന്നു എന്നോ അക്ഷരാഭ്യാസം ഇല്ലാതവരയിരുന്നു എന്നോ പറയാതിരുന്നത് ഭാഗ്യം.

ഇനി കാര്യത്തിലേക്ക്. കേരള കൌമുദിയുടെ വനിതാ റിപ്പോര്‍ട്ടര്‍മാരില്‍ ഇങ്ങനെ സ്വപ്ന ലോകവും യാദാര്‍ത്യവും തിരിച്ചറിയാത്തവര്‍ ഉണ്ടെന്നത് അത്ഭുതം തന്നെ. ആത്മഹത്യ എന്ന പ്രശ്നത്തെ ഇങ്ങനെ നോക്കിക്കാണാന്‍ എന്തായാലും മറ്റാര്‍ക്കും കഴിയില്ല. മൂന്നു പേരുടെ കാര്യമാത്ര പ്രസക്തമായ ലേഖനങ്ങള്‍ നിരത്തിയ കൌമുദി എന്തിനാണ് ഇങ്ങനെ ഒരു യാദാര്‍ത്യങ്ങലുമായി പുലബന്ധം പോലുമില്ലാത്ത വാക്കുകള്‍ കൂടി ആ പേജില്‍ തന്നെ നിറക്കുന്നത്. ഒരു വിഷയത്തെക്കുറിച്ചാണ് പറയുന്നതെന്ന് എഴുതി ഇമ്മാതിരി വാചാടോപം വേണമായിരുന്നോ? ജീവിതത്തിന്റെ പ്രതിസന്ധി എന്ന യാദാര്‍ത്ഥ്യം കാണാതെ ബഷീറിന്റെയും പദ്മനാഭന്റെയും കഥകളുടെ സങ്കല്പ ലോകത്ത് വിഹരിക്കുന്ന ഇവരെ റിപ്പോര്‍ട്ടര്‍ എന്ന് സഹിക്കുന്ന നിങ്ങളെ സമ്മതിക്കണം. ഇനഗ്നെ ആണ് ഇവര്‍ സംഭവങ്ങള്‍ റിപ്പോര്‍ട്ട് ചെയ്യുന്നതെങ്കില്‍ കഷ്ടം എന്നെ പറയാനുള്ളൂ. എലിക്കു പ്രാണ വേദന പൂച്ചക്ക് വീണ വായന. നല്ല റിപ്പോര്‍ട്ടിംഗ് തന്നെ. പൊള്ളുന്ന ഒരു യാദാര്‍ത്ഥ്യം ഇത്ര സാങ്കല്‍പ്പികമായി നിസ്സാരതയോടെ അവതരിപ്പിക്കാന്‍ ഇവരക്കേ കഴിയൂ. ആ പ്രശ്നത്തിന്റെ എല്ലാ ഗൌരവവും കളഞ്ഞു കൊണ്ടു.

ഗൌരിയും കടലിലെ അമ്മയും കടയനല്ലൂരിലെ സ്ത്രീയും മജീദും സുഹറയും പ്രകാശം പരത്തുന്ന പെണ്‍കുട്ടിയും ശജരതുല്‍ മുംതഹയും ഒക്കെ കുത്തി നിറച്ച ലേഖനത്തില്‍ പ്രശ്നവിഷയത്തെ പറ്റി മാത്രം പറയാന്‍ ലെഖികക്ക് വാക്കുകളില്ല. പ്രശ്നത്തെ ലേഖിക നോക്കിക്കണ്ട രീതി അതി ഗംഭീരം തന്നെ. കുറഞ്ഞത് മറ്റു ലെഖികമാരുടെ ലേഖനങ്ങള്‍ കണ്ടെങ്കിലും ഇവര്‍ പഠിച്ചിരുന്നെങ്കില്‍. ഇനി അവരുടെ ലേഖനത്തിന് കണ്ണ് തട്ടേണ്ട എന്ന് കരുതി എഡിറ്റര്‍ കൊടുതതാവുമോ ഇതു?

ഇനി അംഗനയോടൊരു ചോദ്യം. ഭവതി എനസ്റ്റ്‌ ഹെമിംഗ് വേ എന്നൊരാളെ കേട്ടിട്ടുണ്ടോ? കിഴവനും കടലും എന്ന മനുഷ്യനെ അവസാന നിമിഷം വരെ പൊരുതാന്‍ പ്രേരിപ്പിച്ച നോവല്‍ എഴുതിയ ഹെമിംഗ് വേ. അദ്ദേഹം പുസ്തകം വായിക്കാത്തവന്‍ ആയിരുന്നില്ല. പക്ഷെ ആത്മഹത്യ ചെയ്തവന്‍ ആയിരുന്നു. പറഞ്ഞു വന്നത് അതെഴുതുന്നവര്‍ക്ക് പോലും ആത്മഹത്യയെ ചെറുക്കാന്‍ കഴിയുന്നില്ല. പിന്നെയാണ് വായിക്കുന്നവര്‍. ഓ സോറി, ഭവതി പറഞ്ഞതു മലയാളത്തിലെ സര്‍ഗാത്മക കൃതികള്‍ എന്നാണല്ലോ അല്ലെ. പുള്ളി അതൊന്നും വായിച്ചിരിക്കാന്‍ ഇടയില്ല. പാവം...

എന്നാ പോട്ടെ, അടുത്ത കാലത്തെ ഒരു വിഷയമെടുക്കാം. ഒരു നന്ദിതയെപ്പറ്റി കേട്ടിട്ടുണ്ടോ. അവര്‍ വായിച്ചിരുന്നില്ല എന്ന് പറയരുത് പ്ലീസ്. അവരെ തന്നെ എടുത്തു പറഞ്ഞതു അവര്‍ വായിക്കുക മാത്രമല്ല അത്യാവശ്യം എഴുതുക കൂടി ചെയ്തവര്‍ ആയിരുന്നു എന്നത് കൊണ്ടാണ്. ഒരു ജീവിത പ്രശനവും ഒരു പുസ്തകവായന കൊണ്ടു തീരുമെന്ന് ഈയുള്ളവന്‍ കരുതുന്നില്ല. വിശക്കുന്നവനു ബിരിയാണി ഉണ്ടാക്കാനുള്ള പാചകരീതി വായിച്ചാല്‍ വിശപ്പ്‌ മാറുമോ? ലെഖികക്ക് മാറുമായിരിക്കും അല്ലെ. നാടകമല്ല ജീവിതം. ജീവിതം നാടകവും അല്ല.

എന്തായാലും ഭയങ്കരമായ ഈ ലേഖനം എഴുതിയ ലെഖികക്കും അതിന് വള്ളി പുള്ളി വിടാതെ അച്ചു നിരത്തിയ കൌമുടിക്കും അഭിനന്ദനങ്ങള്‍. ഇനിയും ഇത്തരം ലേഖനങ്ങള്‍ പ്രതീക്ഷിക്കുന്നു. മണ്ടതരങ്ങലാനല്ലോ പലപ്പോഴും ചിരിക്കുള്ള വക നല്‍കാറുള്ളത്. ചിരി ആരോഗ്യത്തിനു നല്ലതാണ്. ആരോഗ്യം ആയുസ്സിനും. അപ്പോള്‍ പിന്നെ ഇങ്ങനെ ഉള്ള ലേഖനവും ആയുസ്സ് നീട്ടിക്കിട്ടാന്‍ സഹായകരമാവില്ലേ.

ലേഖനം വായിക്കണം എന്നുള്ളവര്‍ ഇവിടെ ക്ലിക്ക്‌ ചെയ്തു കൌമുദിയുടെ സൈറ്റില്‍ പോവുക. അവിടെ പ്രിന്റ് എഡിഷന്‍ എന്ന് കാണാം. അവിടെ ക്ലിക്ക്‌ ചെയ്‌താല്‍ പ്രിന്റ് എഡിഷന്റെ പേജുകള്‍ കിട്ടും. അതില്‍ വാരാന്ത്യ കൌമുദിയുടെ നവംബര്‍ 1 ക്ലിക്ക്‌ ചെയ്യുക.

സുകുമാര്‍ അഴീക്കോടും മോണിക്ക സെലെസും തമ്മിലെന്ത്???

2009-10-29T19:30:00.003+05:30

ഈ ലക്കം മാതൃഭൂമി ആഴ്ചപ്പതിപ്പിന്റെ മുഖചിത്രത്തിനു മുകളില്‍ (ലക്കം 87: 34) കൊടുത്തിരിക്കുന്ന ഒരു വാചകം ആണിത്. ഉള്ളടക്കതിലെക്കുള്ള വഴി കാട്ടി. ക്രോണിക്‌ ബാച്ച് ലര്‍ ആയ ശ്രീ സുകുമാര്‍ അഴീക്കോടിനെ ടെന്നീസ് സുന്ദരിയായ മോണിക്കയുമായി ബന്ധപ്പെടുതിയതിന്റെ സാംഗത്യം അറിയാനുള്ള കൌതുകം വളരെ ആയിരുന്നു. എന്നാല്‍ ലേഖനം (ആത്മകഥ) വായിച്ചപ്പോഴല്ലേ കാര്യം പിടികിട്ടിയത്. പുള്ളിക്ക് ടെന്നിസും ക്രിക്കറ്റും ഫുട്ബാളും ഒക്കെ ഇഷ്ടമാണ്. സ്റെഫി ഗ്രാഫിനെയും, സച്ചിനെയും മരടോനയെയും പെലെയെയും മോനിക്കയെയും ഒക്കെ ഇഷ്ടമാണ്. പക്ഷെ മാതൃഭൂമിക്ക് മോനിക്കയോട് ഒരു പ്രത്യേക പ്രതിപത്തി തോന്നിയതിന്റെ രഹസ്യം എന്താണാവോ. അതോ അവര്‍ ആഴ്ചപ്പതിപ്പിന്റെ സ്ഥിരം വായനക്കാരി എങ്ങാനും ആണോ എന്തോ? ഇപ്പോഴാണ് മനസ്സിലായത് ആളുകളെ പറ്റിക്കാന്‍ മാതൃഭൂമി തറ നിലവാരതെക്കാലും താഴ്ന്നിരിക്കുന്നു എന്ന്. പറഞ്ഞിട്ട് കാര്യമില്ല ഇന്ത്യവിഷന്‍ ചാനെലിന്റെ ഡയരക്ടര്‍ ബോര്‍ഡിലെ പ്രശ്നങ്ങള്‍ ആണ് കേരളത്തിലെ ഇന്നത്തെ ഏറ്റവും പ്രധാന പ്രശ്നമെന്ന നിലയില്‍ രണ്ടു മൂന്നു ലക്കങ്ങളില്‍ ആയി കൊട്ടി പാടി നടക്കുന്നതല്ലേ. അതോര്‍ക്കുമ്പോള്‍ ഇതൊക്കെ നിസ്സാരം. ഒരു മാധ്യമത്തിന്റെ അണിയറ പ്രവര്‍ത്തകര്‍ മറ്റൊരു മാധ്യമത്തില്‍ വന്നു കന്നീരോഴുക്കുന്നത് ലോകത്ത് ആദ്യമായിരിക്കും. ആ തൂവല്‍ മുനീരിനും മാതൃഭൂമിക്കും ഇരിക്കട്ടെ. സ്വന്തം വീട്ടിലെ പ്രശ്നങ്ങള്‍ ഒരു ആഘോളപ്രശ്നമാണെന്ന് ചിന്തിക്കുന്ന മുനീരിനും മാതൃഭൂമിക്കും ഈ പക്ഷിയുടെ ഘടാ ഘടിലന്‍ അഭിവാദ്യങ്ങള്‍. ആഴ്ചപ്പതിപ്പ് വിറ്റു പോകുന്നില്ലെങ്കില്‍ ഗോസ്സിപ്പ് കൊടുക്കുന്നത് സഹിക്കാം. അതിന് ഇമ്മാതിരി ഷഷ്ടി പൂര്‍ത്തി കഴിഞ്ഞവരെ വേണമായിരുന്നോ? കഷ്ടം തന്നെ.

അടൂര്‍ ഭവാനി: മാധ്യമങ്ങളുടെ മുതലക്കണ്ണീര്‍ വീണ്ടും.

2009-10-26T20:15:00.003+05:30

കുറച്ചു കാലമായി മാധ്യമങ്ങള്‍ മരണം ആഘോഷിക്കാന്‍ തുടങ്ങിയിട്ട്. ഇത്തവണ നിയോഗം അടൂര്‍ ഭവാനിക്ക്. കുറച്ചു ദിവസം മുന്‍പ്‌ കവിയൂര്‍ പൊന്നമ്മ ഒരു സംഘടനയുടെ ചെറു സഹായം നല്കി തിരികെ പോരുമ്പോള്‍ പറഞ്ഞതു ഇതാണ്. ആര്ക്കും ഈ ഗതി വരരുതേ എന്ന്. മരണത്തിന്റെ നിമിഷം വരെ ഏറെ നാളായി അവര്‍ അത്യന്തം കഷ്ടതയിലായിരുന്നു എന്ന് ഇപ്പോള്‍ ഒരു ഉളുപ്പുമില്ലാതെ എല്ലാവരും പരിതപിക്കുന്നു. സങ്കടമെന്നു പറയട്ടെ, അവരെ അടുത്തറിയുന്ന സിനിമ പ്രവര്‍ത്തകര്‍ പോലും അവസാന കാലത്തു അവരെ അവഗണിക്കുകയായിരുന്നു. മരണശേഷം അവരുടെ അപദാനങ്ങള്‍ വാഴ്ത്തിപ്പാടാനും, ഒരുമിച്ചുള്ള ഓര്‍മ്മകള്‍ അയവിരക്കാനും ചാനലുകളില്‍ അവര്‍ നിരന്നെങ്കിലും. പ്രതികരിക്കുക, ഇങ്ങനെയാണോ മാധ്യമങ്ങള്‍ പ്രവര്‍ത്തിക്കേണ്ടത്. മരണശേഷം മുന്‍പേജില്‍ പ്രധാന വാര്ത്ത കൊടുക്കുന്നത് നല്ലത് തന്നെ, എന്നാല്‍ ജീവിച്ചിരിക്കുമ്പോള്‍, അവരെക്കുറിച്ചു ഇപ്പോഴുള്ളതിന്റെ നൂറിലൊരംശം താത്പര്യം മാധ്യമങ്ങലോ ഇപ്പോള്‍ പറയുന്ന താരങ്ങലോ കാണിച്ചിരുന്നെങ്കില്‍ കവിയൂര്‍ പൊന്നമ്മക്കു മുന്‍പ്‌ പറഞ്ഞ വാക്കുകള്‍ പറയേണ്ടി വരില്ലായിരുന്നു. കാലയവനികക്കുള്ളില്‍ മറഞ്ഞ ആ കലാകാരിക്ക് ആദരാഞ്ചലികള്‍.

നുണകള്‍ നുണകള്‍ സര്‍വേകള്‍ .....

2009-10-24T16:51:00.011+05:30

ചാനലുകള്‍ക്കും പത്രങ്ങള്‍ക്കും ആനുകാലികങ്ങള്‍ക്കുംഒഴിച്ച് കൂടാന്‍ ആവാതതായി മാറിയിരിക്കുന്ന ഒരു സംഭവമാണ് പറഞ്ഞു വരുന്നത്. അഭിപ്രായ വോട്ടെടുപ്പ്‌ എന്നാണ് അവര്‍ അതിന് പറയുന്ന പേര്. ന്യൂസ്‌ ചാനലുകളുടെ സായാന്ന ചര്‍ച്ചകള്‍ ഇപ്പോള്‍ ഈ മഹാ സംഭവത്തിന്റെ അകമ്പടിയോടെയാണ് പലപ്പോഴും നടമാടുന്നത്. ( ചില ചോദ്യങ്ങള്‍ കേട്ടാല്‍ തമാശ തോന്നും. ആധുനിക എഫ്‌.എം. ശ്രോതാക്കളോട് സമ്മാനത്തിനായി ചോദിക്കുന്ന ചോദ്യങ്ങലെകള്‍ കഴ്ടമാണ്. എഫ്‌. എമ്മിലെ ചോദ്യങ്ങള്‍ കേട്ടിട്ടില്ലേ. പൂച്ചക്ക് എത്ര കാലുണ്ട്. എ. ഒന്നു, ബി. മൂന്നു, സി. നാല്. ശരിയുത്തരം വേഗം ടൈപ്പ് ചെയ്തയക്കുക. നിങ്ങലെക്കാത് ഇവിടെ ഇരിക്കുന്ന ഈ മനോഹരമായ മാങ്ങാത്തൊലി നേടുക) ഫ്ലാഷ്‌ പോലുള്ള മധ്യാന്ന പത്രങ്ങളും വലിയ പ്രാധാന്യത്തോടെ തന്നെ ഇതു പ്രസിദ്ധീകരിക്കുന്നു. പ്രധാനമായും എസ്. എം. എസ് വഴിയാണ് ഈ വോട്ടെടുപ്പുകള്‍ എല്ലാം തന്നെ. ( സോറി, എത്ര വോട്ടു കിട്ടിയെന്നു മാത്രം ചോദിക്കരുത്. അറിഞ്ഞാല്‍ ചിലപ്പോള്‍ മൂക്കത്ത്‌ വിരല്‍ വച്ചു പോകും.)

ഉദാഹരണങ്ങള്‍ ഒരു പാടു പറയാനുണ്ടെങ്കിലും എല്ലാം ഇവിടെ എഴുതി ബോറടിപ്പിക്കുന്നില്ല. വായിക്കുന്ന നിങ്ങള്‍ക്കും ഇത്തരം സംഭവങ്ങള്‍ അറിയുന്നതല്ലേ. എങ്കിലും നമ്മുടെ കണ്ണില്‍ പൊടിയിടുന്ന ഇത്തരം പരിപാടികള്‍ വളര്‍ത്തരുത് എന്ന് മനസ്സില്‍ തോന്നിയതിന്റെ ചെറിയൊരു സ്ഫുരണം ഇവിടെ പകര്‍ത്തട്ടെ.

കഴിഞ്ഞ വര്‍ഷം ഒരു ലൈംഗിക സര്‍വേ പ്രസിദ്ധീകരിച്ച ഇന്ത്യ ടുഡേ എന്ന വാരികയുടെ ലക്കം വിറ്റഴിഞ്ഞത് സര്‍വകാല റെക്കോര്‍ദോടെ ആണ്. ഈയുള്ളവന്‍ അറിയാവുന്നവരോടും അറിയാതവരോടുമായി ഒരു പാടു പേരോട് ചോദിച്ചു.

"ആരെങ്കിലും ഈ സര്‍വെയില്‍ അഭിപ്രായം പറഞ്ഞിരുന്നോ?'

എവടെ, ഒരാളുടെ അടുത്ത് പോലും ഈ സര്‍വേ പ്രമാണികള്‍ എത്തിയിരുന്നില്ല എന്നതാണ് വാസ്തവം. പോട്ടെ, ഇതു വായിക്കുന്ന, നിങ്ങള്‍ എത്ര സര്‍വെയില്‍ അഭിപ്രായം പറഞ്ഞിട്ടുണ്ട്....

സര്‍വേകളുടെ ഏറ്റവും രസകരമായ കാര്യം നടത്തുന്നവര്‍ ഒരിക്കലും അഭിപ്രായങ്ങള്‍ പറഞ്ഞവരുടെ എണ്ണം പുറത്തു പറയില്ല എന്നതാണ്. എല്ലാം ശതമാനക്കണക്ക് മാത്രം. (എണ്ണം പൂജ്യം മുതല്‍ എത്ര വേണമെങ്കിലും ആവാം. അതെത്ര ആയാലും ഈ ശതമാനം അത് മുഴുവന്‍ ജനങ്ങളുടെ ഇരുമ്പുലക്ക പോലുള്ള അഭിപ്രായമാണ്) വെറും മൂന്നാളോട് ചോദിച്ചു രണ്ടാള്‍ അനുകൂലിചാലും 66.66% പേര്‍ അനുകൂലിച്ചു എന്ന് പറയാമല്ലോ. വല്ലാത്തൊരു ബുദ്ധി തന്നെ അല്ലെ. ശോ. എനിക്ക് വയ്യ.

സായാന്ന വോട്ടിംഗ് ചര്‍ച്ചയില്‍ പൊതുവെ ഫലം ഊഹാങ്ങള്‍ക്ക് അപ്പുറത്തേക്ക് പോകാറില്ല. ( ഇനി പോയാലും ചാനലിന്റെ ചായ്‌വിന് വിപരീതമാണെങ്കില്‍ അവിടെ പിടിച്ചു നിര്‍ത്തും. പിന്നെങ്ങനെ ഊഹാങ്ങള്‍ക്ക് അപ്പുറത്തേക്ക് പോകും. എപ്പടി!!!) ആ ശതമാനം ആണ് കേരളത്തിന്റെ മൊത്തം അഭിപ്രായമെന്ന രീതിയില്‍ അവതാരകര്‍ വായിട്ടലക്കുമ്പോള്‍ സഹതാപമാണ് തോന്നുന്നത്. പറയുന്ന അവരോട് മാത്രമല്ല.ആ ശതമാനം അടിസ്ഥാനമാക്കി ചര്ച്ച തുടരുന്ന നേതാക്കളോടും, കാത്തു കൂര്‍പ്പിചിരിക്കുന്ന ശ്രോതാക്കളോടും.

അടുത്തിടെ മറ്റൊരു രസകരമായ സര്‍വേ ഫലം പുറത്തു വന്നിരുന്നു. തെരഞ്ഞെടുപ്പ് ഫല പ്രഖ്യാപന ദിവസം ഏറ്റവും കൂടുതല്‍ ആളുകള്‍ കണ്ട ചാനല്‍ ഇതായിരുന്നു എന്നതാണ് വിഷയം. നമ്മുടെ പ്രധാനപ്പെട്ട നാല് വാര്‍ത്താ ചാനലുകളിലും വന്നു ഫലങ്ങള്‍. പക്ഷെ ഓരോന്നിലും മുന്നിലെതിയവരുടെ പേര് വ്യത്യസ്തമായിരുന്നു. അവരവരുടെ ചാനലുകളില്‍ വന്ന ഫലങ്ങളില്‍ അവരവര്‍ തന്നെ ജേതാക്കള്‍ ആയി. തങ്ങള്‍ മുന്നിലാനെന്ന ഫലങ്ങള്‍ പത്രങ്ങളില്‍ വരെ അവര്‍ പരസ്യം ചെയ്തു. ഇതില്‍ ഒന്നല്ലേ സത്യമുണ്ടാകൂ. ഇതാണ് സത്യം. ആ ആര്‍ക്കറിയാം, എനിക്കറിയില്ല. എല്ലാ സര്‍വേകളും ഏകദേശം ഇതു പോലെ തന്നെ ആണ്. തങ്ങള്‍ക്കു വേണ്ടി ഉണ്ടാക്കിയ അഭിപ്രായങ്ങള്‍ പാവം ജനങ്ങളുടെ തലയില്‍ കെട്ടി വക്കാന്‍ വേണ്ടി ഉള്ള ഉപകരണം ആയി മാറിയിരിക്കുന്നു ഈ അഭിപ്രായ സര്‍വേകള്‍. കൌമുദി പ്ലസ്‌ എന്നൊരു വെബ്‌ സൈറ്റ്‌ തങ്ങളാണ് അന്ന് ഏറ്റവും കൂടുതല്‍ അടി കൊണ്ട( ഹിറ്റ്‌ ചെയ്യപ്പെട്ട) വെബ്‌ പേജ് എന്ന് അവകാശപ്പെട്ടതും വായിക്കാനിടയായി.

യദാര്‍ത്ഥത്തില്‍ ഓരോ മാധ്യമങ്ങളുടെയും ഭാവനകള്‍ ആണ് സര്‍വേ റിപ്പോര്‍ട്ടുകള്‍ ആയി വരുന്നത്. യുക്തി പൂര്‍വ്വം ഒരു ശതമാനം അങ്ങ് കൊടുക്കും. ചെറുതായി പേരിനു സര്‍വേ നടത്തുന്നുണ്ടാവാം. പക്ഷെ ഫലങ്ങള്‍ നേരത്തെ തന്നെ തങ്ങള്‍ തീരുമാനിച്ചു പ്രസിദ്ധീകരിക്കുന്നതാനെന്നതിന്റെ ഉദാഹരണമാണ് മുകളിലെ ചാനല്‍ സര്‍വേയിലൂടെ നമ്മള്‍ കണ്ടത്.

അവരെപ്പോലെ ഈയുള്ളവനും ഒരു സര്‍വേ ഫലം ഇവിടെ പ്രസിദ്ധീകരിക്കട്ടെ.

1. സര്‍വേകള്‍ ശരിക്കും നടക്കുന്നുണ്ട് എന്ന് നിങ്ങള്‍ വിശ്വസിക്കുന്നുണ്ടോ?

ഉണ്ട് - 61.16%
ഇല്ല - 33.07%
അഭിപ്രായം ഇല്ല - 5.77%

2. സര്‍വേ ഫലങ്ങള്‍ യാദാര്‍ത്യവുമായി പോരുതപ്പെടുന്നതാണ് എന്ന് തോന്നുന്നുണ്ടോ?

ഉണ്ട് - 21.06%
ഇല്ല - 73.59%
അഭിപ്രായം ഇല്ല - 5.35%

3. സര്‍വേ ഫലങ്ങള്‍ ശ്രദ്ധിക്കാറുണ്ടോ?

ഉണ്ട് - 81.24%
ഇല്ല - 18.76%

4. സര്‍വേ ഫലങ്ങളില്‍ ഭൂരിപക്ഷത്തിന്റെ അഭിപ്രായം നിങ്ങളുടെതുമായി യോജിക്കുന്നതാവാരുണ്ടോ?

മിക്കപ്പോഴും - 48.16%
ചിലപ്പോഴെല്ലാം - 43.95%
ഒരിക്കലും ഇല്ല - 7.89%

5. നിങ്ങള്‍ ഏതെങ്കിലും ആനുകാലികങ്ങളുടെ സര്‍വെയില്‍ പങ്കെടുത്തിട്ടുണ്ടോ?

ഉണ്ട് - 0.10%
ഇല്ല - 99.90%

എങ്ങനുണ്ട്. ഇത്രേ ഉള്ളു പണി. എത്ര പേര്‍ അഭിപ്രായം പറഞ്ഞു എന്നൊന്നും ചോദിക്കരുത്. ഈ ശതമാനം മൊത്തം ജനങ്ങളുടെതാണെന്ന് അങ്ങ് വിശ്വസിച്ചു കൊള്ളണം. ഈ ലക്കം മാതൃഭൂമി ആഴ്ചപ്പതിപ്പില്‍ പോണോഗ്രാഫിയെക്കുറിച്ചു വന്ന ഒരു ലേഖനത്തിലും ഒരുപാടു ശതമാനക്കനക്കുകള്‍ കണ്ടു. യദാര്‍ത്ഥ സ്ത്രീകളെക്കാള്‍ വ്യാജ സ്ത്രീകള്‍ വാഴുന്ന ഈ സൈബര്‍ ലോകത്ത് പോണോ ചിത്രങ്ങള്‍ കാണുന്ന സ്ത്രീകളുടെ ശതമാനം കൊടുത്തിരിക്കുന്നത്‌ വായിച്ചു ചിരിച്ചു പോയി. ഇത്ര വിവരം ഇല്ലാതായിപ്പോയോ നിങ്ങള്‍ ലേഖകര്‍ക്ക്. കഷ്ടം തന്നെ.

ഇവിടെ മത്സരങ്ങള്‍ പോലും വിധി നിര്‍ണയിക്കുന്നത് ഈ എസ് എം എസ് വിദ്യയിലൂടെ ആയി മാറിയിട്ടുണ്ട്. ഓര്മ്മ വരുന്നത് കഴിഞ്ഞ നൂറ്റാണ്ടിലെ മികച്ച ഫുട്ബാള്‍ താരത്തെ കണ്ടെത്താന്‍ ഫിഫ നടത്തിയ ഓണ്‍ ലയിന്‍ തിരഞ്ഞെടുപാണ്. അന്ന് പെലെയെ മറഡോണ കാതങ്ങളോളം പിന്നിലാക്കിയത് കളിക്കളത്തിലെ മികവിനെക്കാള്‍ അര്‍ജന്റീനയിലെ സൈബര്‍ കുട്ടപ്പന്മാര്‍ ചെയ്ത വികൃതികള്‍ കൊണ്ടു കൂടി ആയിരുന്നു. താജ് മഹല്‍ ലോകാല്‍ഭുത്മായി തിരഞ്ഞെടുത്ത വോട്ടെടുപ്പും ഓര്മ്മ വരുന്നു. എന്റെ ദൈവമേ, ഒരു മെയില്‍ എക്കൌന്റും മൊബൈല് നമ്പറും ഇല്ലാത്തവന്റെ അഭിപ്രായത്തിന് ഇന്നാട്ടില്‍ ഒരു വിലയുമില്ലെന്നോ???

സര്‍വേകള്‍ നടത്താം. പ്രവണതകള്‍ തിരിച്ചറിയാം. എന്നാല്‍ അത് ഫലപ്രദമായി ആധികാരികമായി നടത്തണം. മാത്രമല്ല അത് പൂര്‍ണ്ണമായും ശരിയാണ് എന്ന രീതിയില്‍ ചര്‍ച്ച ചെയ്യാനും പാടില്ല. ഇങ്ങനെയും ഉണ്ട് എന്ന് മാത്രം പറയുക. കടലില്‍ നിന്നു കൊറിയ ഒരു ബക്കറ്റ് വെള്ളത്തില്‍ ചിലപ്പോള്‍ ഒന്നോ രണ്ടോ പൊടി മീനുകള്‍ കണ്ടേക്കാം. എന്ന് കരുതി കടലില്‍ പൊടിമീനുകള്‍ മാത്രമെ ഉള്ളു എന്ന് ധരിക്കരുത് പ്രിയ സര്‍വേക്കാരാ/സര്‍വേക്കാരീ....

അമൃതാനന്ദമയിയുടെ ഇരട്ടത്താപ്പ്.

2009-10-19T00:05:00.004+05:30

ഇന്നത്തെ മാതൃഭൂമി വാരാന്ത്യ പതിപ്പിലെ ഒരു ലേഖനമാണ് വിഷയം. അമ്മ മക്കളോട് എന്ന അമൃതാനന്ദമയിയുടെ പരമ്പരയിലെ ഒരു ലേഖനം. വായിക്കാത്തവര്‍ക്കായി അത് സ്കാന്‍ ചെയ്തു ഇവിടെ ഒന്നുകൂടി പ്രസിദ്ധീകരിക്കുന്നു.

സംഭവം പറഞ്ഞതെല്ലാം നല്ല കാര്യങ്ങള്‍ തന്നെ. അമ്മ കുഞ്ഞു മക്കളോട് പറയുന്നതു പോലെ തന്നെയാണ് പറയുന്നതും. മക്കളുടെ സുകൃതം എന്നല്ലാതെ എന്ത് പറയാന്‍. (പറഞ്ഞു തുടങ്ങി പിന്നീട് പറയുന്ന കാര്യവുമായി എന്ത് ബന്ധം എന്ന് ചോദിക്കരുത്.) മലയാളം എം. എ. കഴിഞ്ഞവനെ അക്ഷരമാല പഠിപ്പിക്കുന്നത്തിലെ സാംഗത്യം അറിയില്ല. എന്നാലും പോട്ടെ. പറയുന്നതു അമ്മയാണ്. എന്തും അമൃതായി തൊണ്ട തൊടാതെ വിഴുങ്ങണം. ഇല്ലെങ്കില്‍ നിങ്ങള്‍ വിനയ കുനയനല്ല എന്ന് നാട്ടാര് പാടും.

പറഞ്ഞു വരുന്നതു മറ്റൊരു കാര്യമാണ്. ഇന്നു മക്കളോട് മനുഷ്യത്വത്തിന്റെ കാര്യമോക്കെയാണ് പറയുന്നതു. അതൊക്കെ കഴിഞ്ഞു നമ്മുടെ നാട്ടില്‍ പുഴകള്‍ ഇല്ലതാവുന്നതിന്റെ ബാലന്‍സ്‌ ശരിയാക്കാന്‍ പുതുതായി ഉണ്ടായിക്കൊണ്ടിരിക്കുന്ന മറ്റൊരു പുഴയെക്കുറിച്ചു പറയുന്നുണ്ട്. അത് മദ്യപ്പുഴയത്രേ. അത് പതിക്കുന്നത്, അറബിക്കടലില്‍ ഒന്നുമല്ല, കണ്ണീര്‍ കടലില്‍ ആണ്. വളരെ ശരി.

ഇനിയാണ് നമുടെ കാര്യം. ഈയുള്ളവന് നേരിട്ടറിയുന്ന കാര്യങ്ങള്‍ കൂടിയാണ്. ഈ അമ്മ, എനിക്കറിയാവുന്ന, എന്റെ ഒരു ബന്ധുവില്‍ നിന്നു സമ്മാനങ്ങളും സംഭാവനകളും ഒക്കെ വാങ്ങുന്നതാണ്. പുള്ളി ഒരു ഒന്നാംതരം മദ്യവ്യവസായി ആണ്. അത് പോലെ എത്രയോ മദ്യവ്യവസായവുമായി ബന്ധപ്പെട്ട പണം ഈ അമ്മയുടെ സേവന പ്രവര്‍ത്തനത്തിനും, സ്വന്തം പ്രസ്ഥാന വളര്‍ച്ചയ്ക്കും വന്നു ചേരുന്നു. ആദ്യം ആ കൊണ്ടു വരുന്നവരെ ആ പണി ഒന്നു നിര്‍ത്തിക്കാന്‍ പറ്റുമോ എന്ന് നോക്ക്.ആ പണം കൊണ്ട് എന്റെ മകള്‍ക്ക് ഉപകാരം ചെയ്യാന്‍ പറയുന്നതിന് പകരം ആ പണം വേണ്ടെന്നു പറഞ്ഞു നോക്ക്. എന്തിനും ഏതിനും അമ്മയുടെ ഉപദേശം തേടുന്നവര്‍ അല്ലെ. ആ പണിയങ്ങു വേണ്ടെന്നു വക്കാന്‍ പറഞ്ഞു നോക്ക്. അപ്പോള്‍ ഈ പുഴ അങ്ങ് തനിയെ ഇല്ലാതായി കൊള്ളുമെന്നെ. അതിന് ബുദ്ധിമുട്ടി പ്രാസമൊപ്പിച്ചു ഈ ബാലരമക്കതകള്‍ ഒന്നും പറയേണ്ട കാര്യമില്ല. എന്താ പറ്റുമോ?

എവിടെ പറ്റാന്‍. ചെത്തരുത് , കള്ള് വില്‍ക്കരുത് എന്ന് എന്ന് പറഞ്ഞ ഗുരുവിന്റെ ഇന്നത്തെ വക്താക്കള്‍ പോലും അത് മാത്രമെ ചെയ്യുന്നുള്ളൂ. മിനിമം ഒരു ബാര്‍ എങ്കിലും ( മദ്യ ഷാപ്പ്‌, വക്കീലന്മാരുടെ ബാര്‍ അല്ല) ഉള്ളവര്‍ക്ക് മാത്രമെ അദ്ദേഹത്തിന്റെ സംഗടനയുടെ ഭാരവാഹി ആവാന്‍ പറ്റത്തുള്ളൂ എന്ന ആധുനിക ഗുരുവിന്റെ അലിഖിത നിയമം. അല്ല, സര്‍ക്കാര്‍ പോലും ആ കാശുകൊണ്ടാല്ലേ ജീവിക്കുന്നത്, അപ്പൊ പിന്നെ അമ്മക്കുമാവാം എന്നാണെങ്കില്‍ അങ്ങനെ. നമ്മക്ക് ഒരു പരാതിയുമില്ല. അല്ലാതെ വന്നു മുതലക്കന്നീരോഴുക്കി ഗീര്‍വാണം വിടുന്നതില്‍ ഈ കൂട്ടം തെറ്റിയ പക്ഷിക്കുള്ള വിയോജനക്കുറിപ്പ് ഇവിടെ കുറിക്കട്ടെ.

വെറുതെ ഒരു സിനിമ !!!!

2009-04-16T00:09:00.000+05:30

ക്യൂ നിന്നു കിട്ടിയ ബാല്‍ക്കണി ടിക്കെറ്റുമായി തൃശൂര്‍ രാംദാസ് തിയേറ്ററിന്റെ ഹാളിലേക്ക് കയറുമ്പോള്‍ മനസ്സില്‍ നിറഞ്ഞിരുന്നത് ജയറാമും ശ്രീനിവാസനും അഭിനയിച്ചു തകര്‍ത്ത സത്യന്‍ അന്തിക്കാടിന്റെ "സന്ദേശം" എന്ന സിനിമയായിരുന്നു. തുടക്കം ഒട്ടും മോശവും ആയില്ല. ലളിതമായ അവതരണത്തിലൂടെ "സമസ്ത കേരളം P O" ഒരു നല്ല അനുഭവം ആയിത്തീരും എന്ന പ്രതീക്ഷ ഉണ്ടാക്കുന്നതില്‍ അണിയറക്കാര്‍ വിജയിച്ചിട്ടുമുണ്ട്. പക്ഷെ കഥയിലേക്ക് കടന്നു ഗൌരവമായ വിഷയങ്ങള്‍ കൈകാര്യം ചെയ്യുന്നിടത്തെത്തിയപ്പോഴാണ് സിനിമ തനി സ്വരൂപം പുറത്തിറക്കിയത്. സാധാരണ മേലോട്രാമകളുടെ ഒരു പ്രാകൃത രൂപത്തെ അതിലും വികൃതമായ കുപ്പിയിലടച്ച്‌ പുതിയ ഒരു ലേബലൊട്ടിച്ചു സമസ്ത കേരളത്തിന്റെയും ചുമലിലേക്ക് ഇട്ടുകൊടുക്കുകയായിരുന്നു സംവിധായകനും തിരക്കഥകാരനും.

മെമ്പര്‍ പ്രഭാകരന്‍ എന്ന കഥാപാത്രത്തിന്റെ കര്‍മ്മങ്ങള്‍ ആണ് സിനിമ വിവരിച്ചത്. ആ കഥായനത്തിലൂടെ ഗാന്ധിമാര്‍ഗവും രാഷ്ട്രീയ അഴിമതികളും പിന്നെ കുറച്ചു പ്രണയവും ഒക്കെ വിലക്കി ചേര്‍ക്കാന്‍ തിരക്കഥകാരന്‍ നടത്തുന്ന പാഴ്ശ്രമങ്ങളെ സഹതാപത്തോടെ മാത്രമെ കാണാന്‍ കഴിയൂ. വ്യത്യസ്തമായ സമര മാര്‍ഗങ്ങളും പ്രതിഷേധ പരിപാടികളും ആണ് പ്രഭാകരന്റെ വ്യത്യസ്തതയെന്നു പറയാന്‍ അദ്ദേഹം കുറേ പാടുപെട്ടിടുണ്ട്. ഒറ്റക്കാലില്‍ നിന്നു തലയില്‍ ഒരു ഗാന്ധിതൊപ്പിയും വച്ചു യജ്ഞം നടത്തിയും കഴുത്തോളം മണ്ണില്‍ കുഴിച്ചു മൂടി കായല്‍ നികത്തുന്നതിനെതിരെ സമരം ചെയ്തും വ്യത്യസ്തനായ പ്രഭാകരനില്‍ നിന്നു പ്രേഷകന്‍ ക്ലൈമാക്സില്‍ കാട്ടികൂട്ടിയ നിലവാരമില്ലാത്ത പേനാക്കത്തി പരിപാടിയില്‍ നിന്നും അല്പം കൂടെ നിലവാരമുള്ളത് പ്രതീക്ഷിച്ചിരുന്നു. അതിന് തൊട്ടു മുന്പ് ഉപദേശിച്ച ഗംഗാധരന്‍ മാഷുടെ സംഭാഷണത്തിലും അങ്ങനെ ഒരു പ്രതീക്ഷ നിറച്ചിരുന്നു. ഗാന്ധിമാര്‍ഗത്തിന്റെ ആധുനിക രൂപം കാണാന്‍ കാത്തിരുന്ന പ്രേഷകന്റെ മനസിലാണ് മെമ്പറുടെ കത്തി തുളച്ചു കയറിയത്. നനഞ്ഞ പടക്കം ചീട്ടുന്നതിലും ദയനീയമായിപ്പോയി സമസ്ത കേരളത്തിന്റെ അവസാനം.

ദുര്‍ബലമായ കഥയും തിരക്കഥയുമാണ്‌ ചിത്രത്തിന്റെ ഏറ്റവും വലിയ ബലഹീനതയായത്‌. ഗാന്ധിയന്‍ തത്വങ്ങളുടെ പ്രസക്തിയും ഫലപ്രാപ്തിയും കാണിക്കാന്‍ ഗാന്ധിയെ അനുകരിക്കുന്നതിനേക്കാള്‍ മികച്ച വഴികള്‍ "ലഗേ രഹോ മുന്നാഭായ്" എന്ന ചിത്രത്തിലൂടെ രാജ്കുമാര്‍ ഹിരാനി നമുക്കു മുന്നിലെത്തിച്ചിട്ടുണ്ട്. എല്ലാ രീതിയിലും ഗാന്ധിയെ അനുകരിക്കുന്ന, ഗാന്ധിയാന്‍ ആശയങ്ങള്‍ പഠിച്ച, പുസ്തകമെഴുതിയ മെമ്പര്‍ പ്രഭാകരനെക്കള്‍ ഗാന്ധിയെ അടുത്തറിഞ്ഞത് ഒരു തെരുവ് ഗുണ്ടയായ മുരളി പ്രസാദ് ശര്‍മ്മ എന്ന മുന്നാഭായിയിലൂടെയാനെന്നു നിസ്സംശയം പറയാം. വാളെടുതവരെല്ലാം വെളിച്ചപ്പാടല്ല എന്ന് മാത്രമെ; ഒരു ബാധ്യത തീര്‍ക്കും പോലെ ചര്‍ക്കയില്‍ നൂല്‍ നൂല്ക്കുന്ന ആട്ടിന്‍ പാല്‍ മാത്രം കുടിക്കുന്ന, കഞ്ഞി കുടിക്കുന്ന നായകനെ പട്ടി പറയാനുള്ളൂ.. നിര്ഗുനനായ നായകന്‍ ഒടുവില്‍ തന്റെ ചുമതലകളില്‍ നിന്നും ജീവിതത്തില്‍ നിന്നും ഒളിച്ചോട്ടം തുടങ്ങുന്നിടത്ത് എങ്ങനെയെങ്കിലും സിനിമ അവസാനിപ്പിക്കുകയാണ് കഥാകാരന്‍. മേമ്പൊടിയായി നായികയെയും ആ ഓട്ടത്തിലെ പങ്കാളിയക്കുന്നത് കളയാം. പക്ഷെ അത് വരെ വിപ്ലവം പ്രസംഗിച്ചു നടന്ന മവോയിസ്റിനെ വെറുതെ വിടാമായിരുന്നു. സാധാരണ തെറ്റിദ്ദരണകളും ചതിയുമെല്ലാം മാത്രം കണ്ടു ചുവന്ന മനസ് ഇങ്ങനെ വെളുക്കുമെങ്കില്‍ ലോകം എന്നെ സ്വര്‍ഗ്ഗമായേനെ. യദാര്‍ത്ഥ സമരം തുടങ്ങുന്നേ ഉള്ളു എന്ന് എഴുതി ആളുകളെ പറ്റിക്കാന്‍ ശ്രമിക്കുന്നുണ്ടേങ്കിലും രണ്ടര മണിക്കൂര്‍ സിനിമ കണ്ട ഏതൊരാള്‍ക്കും ആ സമരം എത്രയുണ്ടാവുമെന്നു ഊഹിക്കാവുന്നതെ ഉള്ളു.

ശോഭ സിറ്റിയും സമകാലീന രാഷ്ട്രീയവും ദ്യോതിപ്പിക്കുന്ന ചില സംഭവങ്ങള്‍ ഇതിലും ചേര്‍ത്തിട്ടുണ്ട്. രാഷ്ട്രീയ ചിത്രമെന്ന ലേബലില്‍ ഇറങ്ങുന്ന ചിത്രങ്ങളുടെ അനിവാര്യതയാണ് ഇതെന്നത് കൊണ്ടാവാം തൃശൂര്‍ക്കാരന്‍ കൂടിയായ തിരക്കഥകാരന്‍ അതൊക്കെ ചേര്‍ത്തത്. പക്ഷെ ഗാന്ധിയന്‍ ആശയങ്ങളുടെ അനിവാര്യത പറയാന്‍ തുടങ്ങി ഒടുവില്‍ അത് കാലഹരണപ്പെട്ട ഒന്നു തന്നെയാണ് എന്നായിപ്പോയി. ഇനി അതാണോ പറയാന്‍ ഉദ്ദേശിച്ചത് എന്നാര്‍ക്കറിയാം. ആകെ ഒരു കണ്‍ഫ്യൂഷന്‍. വെറുതെ കയില്‍ കുറച്ചു കാശും സമയവും കയിലുണ്ടെങ്കില്‍ വേറെ ഒരു വഴിയുമില്ലെങ്കില്‍ കടലയും കൊറിച്ചു രണ്ടര മണിക്കൂര്‍ കളയാം. അതിലപ്പുരമോന്നും പ്രതീക്ഷിക്കായ്ക. കാരണം ഇതു വെറുതെ ഒരു സിനിമയാണ്.

വിലക്കപ്പെട്ട ബന്ധങ്ങള്‍....

2009-01-21T22:56:00.000+05:30

ചില ബന്ധങ്ങള്‍;

വികൃതി കുട്ടികള്‍

ഓടിക്കുന്ന കാറ് പോലെയാണ്...

എവിടെ " നോ എന്‍ട്രി" എന്ന് കണ്ടോ..

അതിലേക്കു ഓടിക്കയറും....

എവിടെ "റെഡ് സിഗ്നല്‍" കണ്ടോ..

അവിടെ വേഗം കൂട്ടും......

അങ്ങനെ

നിഷേധിക്കപ്പെട്ട വഴിത്താരകളെ മാത്രം

ചുംബിച്ചു കൊണ്ടുള്ള യാത്ര....

തെറ്റിയത് ആര്‍ക്കാണ് ????

"നോ എന്‍ട്രി" എന്നെഴുതിയവര്‍ക്കോ...

"റെഡ് സിഗ്നല്‍" കാണിച്ചവര്‍ക്കോ????

അതോ

ഈ വഴികളിലൂടെയും

യാത്ര ആസ്വദിക്കാമെന്നു കാണിച്ച

ആ വികൃതികല്‍ക്കോ?????

സ്വപ്നം

2009-01-18T00:22:00.000+05:30

കാണും തോറും നീ യാഥാര്‍ത്യത്തിന്റെ,

മൂടുപടമണിയാന്‍ തുടങ്ങുകയാണോ?

പ്രിയ സ്വപ്നമേ...

എന്റെ നാളെയുടെ മുകുളങ്ങള്‍,

നിന്റെ ഹൃദയത്തിലാണ് വിരിഞ്ഞതെന്ന്

നീ പാടിയപ്പോള്‍;

ആദ്യമായ് നിന്റെ ഹൃദയത്തെ പുല്‍കാന്‍ ഞാന്‍ കൊതിച്ചു.

എന്റെ ഇന്നിന്റെ കണ്ണീര്‍,

നിന്റെ നയനങ്ങളാണ് ഉതിര്‍ക്കുന്നതെന്നറിഞ്ഞപ്പോള്‍

ആദ്യമായ് അതിലലിയാന്‍ഞാന്‍ കൊതിച്ചു.

എന്റെ ഇന്നലെയുടെ മഴവില്ലുകള്‍,

ആ അശ്രുകണങ്ങളുടെ പ്രതിഫലനമായിരുന്നു എന്നറിയുമ്പോള്‍,

അതിനെ മണ്ണിലുപേക്ഷിക്കാനും എനിക്ക് വയ്യ.

സ്വപ്നമേ....

നീ തന്നെ എല്ലാം...

യാഥാര്‍ത്യങ്ങളുടെ വസന്തം ദൂരെ കാണാമറയത്ത് എവിടെയോ-

മടിച്ചു നില്‍ക്കെ;

നിന്റെ ഈ തെന്നലില്‍ ഞാന്‍ കുളിരനിഞോറ്റെ;

നിന്റെ ഈ നിലാവില്‍ ഞാനെന്റെ വഴി തിരഞ്ഞോട്ടെ....

മനസിന്റെ ഓര്‍മപെടുത്തലുകള്‍

2009-01-11T18:27:00.000+05:30

ഓര്‍ക്കുക......

നിന്നെ ആവശ്യം നിനക്കു മാത്രം;

അവര്‍ക്ക് വേണം;

നിന്റെ രക്തം;

മാംസം;

മനസ്;

പ്രണയം; എല്ലാം....

പക്ഷെ നിന്നെ വേണ്ട!!!!

നീ നീയാകുമ്പോള്‍;

അവരുടെ പോയ്മുഖങ്ങള്‍ക്ക് പോരലെല്‍ക്കുന്നു....

ഭംഗിവാക്കുകള്‍ കൊണ്ടു -

ഭംഗി പിടിപ്പിച്ച കവിളുകളില്‍ -

കറുപ്പ് പടരുന്നു....

അതെ;

നീ നീയാകുമ്പോള്‍;

അവര്‍ അവരാകുന്നു...

ഒരിക്കലും അവര്‍ ആകാന്‍ -

ആഗ്രഹിക്കാത്തത് എന്തോ - അത് !!!

അതുകൊണ്ട് നീ നീയാവതിരിക്കുക;

അവര്‍ ആരോ ആയ്ക്കൊള്ളട്ടെ...